شحالكم 😀
جاى ماى قهوه عصييير نحن حاضرين ^__^
هالموضوع عباره عن انه كل واحد يحطلنا شئ من الى يتذكره عن أيام طفولته … مثلا : أمنو ربعكم … شو تسون …اممم شو الفضايح الى سويتوها يوم صغار …
انا ببدأ :
يوم كنت صغيره الأهل يتحرونى راقده ,كنت احبو إلين الباب و طلع أوايج على هوش يارتنا .. بدون محد يدريبى و الله يخلى راعى الدكان الى كل يوم و الثانى يايبنى من السكه ورادنى بيتنا , الحمد لله بيتنا مب على الشارع و لا جان وين أنا ألحينه , من فتره سرت بيتنا الجديم و يا الوالد نزلت الدكان آخذ عصير , هوه نفسه راعى الدكان الأولى يوم قلت له انا منوه زاغ , قالى اووه انتى أول فى بجا صقييير واجد مشكل كل يوم سير عند بكرى ( يعنى هوش) انا جيب من داخل بكرى ودى ماما الحين انته كبييير 😀 سبحان الله ( مستغرب كيف كبرت )
اخويه راز الفيس و يطالعنى يوم أكتب اونه خبريهم عنى ..
اخويه هذا يوم كان صغير كان يصرط عقم … ((0يعنى يبلع زراير ))
الناس يشترون حلاوه و هوه يصرط عقم 😀 و مره غص بوحده و زخته الوالده و ضربوه ضرب و من هاك اليوم مسمينه بو عقمه ^___^
يالله نتريا فضايحكم … قصدى ذكرياتكم 😀
أذكر مرة كنا سهرانين أنا وخواتي وبنات خالي ويوم يات الساعة 5
الفجر طلعنا ورحنا بيت خالي والجميع نايم في البيت وقامت أختي وبنت
خالي وبندو الكهربه وأنا المسكينة أقولهم حرام عليكم الناس نايمة لكن
ما مسويلي سالفة وطلعني ورحنا نرقد تقريباً الظهر ياني أمر عسكري
بأن خالي يباني قلت ليش شو فيه قالوا حقي ليش مبندين الكهربه
اليوم الصبح قلت أنا شو يخصي عنده بنته وأختي هم اللي مسوين
البلوى قال لا أحين لازم تيبوها ورحت بس أشوف الحبيب ماسك
الخيزران وبدون تفاهم أحصل لكم ذاك الزين من الضرب بعيد
عنكم…عبالكم سكت أروح حق بنته اللي قتنت علي وطحت فيها ضرب
عشان أبرد حرتي..بس ماقصرت بنته راحت حق أبوها وفتنت مرة ثانية
وأحصل ضرب مرة ثانية وبالخيزران…من ذاك اليوم وأنا أكره خالي…بس
ويوم كبرت وسويت عقل عادي ردت المياه إلى مجاريها
وبظل خالي عزيز على قلبي#G#
انزين انتى ليش ما خبرتيه انه مايخصج :confused:
انا لو منج 😮 بزاعج و بوعى الى فى الفريج كلهم ولا بخليه يضربنى 😀
بس الحمد لله انه تصالحتو 😀
ولو ذكرتها هنيه لازم مجلد مو مشاركة واحدة
وفقك الله أختي
لأنه الأعضاء شكلهم سوو delet حق ذكريات طفولتهم :rolleyes:
الله يسلمكم…
كانت عالسايلنت طفولتي..
لاني كنت ضحية لعصابة اخواني..
:rolleyes:
والله زمان…!!
اما المواقف فاكيد حفظوهاالاعضاء لاني سبق وكتبتها بردود قبلية
وسلامتكم
هيه اتذكر أيما القرصان عبود .. ايام .. كل ما نشترى شئ من الدكان أيي و ياخذه عنا .. اونه قرصان 😀
ومره أخوي الثاني يوم كان صغير بعد… اشترى كتاكييت صغاار ويوم سار البيت تم يحرق الكتاكييت.. ويووم شاافوه قوم امي .. قالهم أشوي لكم ديااي.. كيكيكيكيكيي
ومره أخوي الثالث…كاان يلعب في الشاي والقهوه ييلسس يجبجبهم.. وشاااف عمتي نااازله من الدري وهي عصبيه طبعا داايما ته**ه.. فيووم شافها قاالها.. عمتي هدى أدن الاداان سيري صلي طبعا عشاان ما ته**ه.. كركركرر
ومره يووم كان عمري 4 سنواات.. كنت واايد متعلقه في ولد عمتي اللي عمره في العشريناات.. كل مايينا بيت يدتي لازم اكوون ويااه.. المهم مره كانو أهلي كلهم متجمعيين وأول ما يانا.. نزلت له تحت وييت ويااه فوووق عندهم ويلست عداله.. وجان تقول عمتي حق الجمييع… الراعي يا وربط حمااره..قصدها علي أنا تتحراني ما بفهم.. بس اتفاجئو يووم قلت لهاا هييه رابطه ****ي عندج ماانع…خخخخخخخخ
وبس خلاص ها كل اللي اتذكره ^_^
أذكر لمن كنت صغير جداً..
دخلت بيت هنود ظنيته بيتنا:eek:
وتم أهلي يضحكون علي..
😀
و الآن الحمدلله تحسنت الأحوال بكثير.
لكنني لم أتمتع بطفولتي كالأطفال
إذا لم يكن عندك مانع أخوي