الحمد لله.. انتهت الاختبارات.. وبدأت الإجازة الصيفية..نسأل الله التوفيق والسداد للجميع.
في هذا الموضوع الطريف أعرض وإياكم شيئاً من المواقف الطريفة التي مرت بنا في أيام الدراسة.
لكنها عالقة في الذاكرة لايمكن نسيانها، نتذكرها للتسلية والترويح بعد نكد الاختبارات.
لكن نريد من الكل المشاركة..يعني كل عضو يشارك بقصتين أو ثلاثة..إلا من عنده عذر رسمي
يقدمه للنظر فيه.. 
أبدأ بقصتي:
يوم من أيام الابتدائية غاب مدرس من المدرسين..قال المدير لمدرس العلوم يجلس عندنا(انتظار)..
وهذا المدرس ما تتصورون مدى كرهي له..
المهم قعد شوي عندنا ثم طلع..فطلعت أنا ومعي اثنين من الفصل..(تسيب على كيف كيفك)
ومرينا على مكتب مدرس الرياضة..والا مدرس العلوم عنده!يسولف معه..(الحمد لله انه ماشافنا)..
قلت هذي فرصتي أنتقم منه..المهم رحنا عند المدير وعلمناه ان مدرس العلوم عند مدرس
الرياضة!!!
(والله قلة أدب..المدير أمره بالجلوس عندنا وهو يعصي كلام المدير..خله يتأدب!!)
ورجعنا للفصل..وبعد مدة قصيرة جانا المدرس وعيونه مليانة 
شر! وحالته حالة!..
سألنا:من اللي علم المدير؟!(الله العالم شو سوا فيه المدير)
قاموا ربعي وأنا قعدت…(أخوكم تخلى عن ربعه)
المهم..المساكين رجولهم تتصاكك ببعضها من الخوف…
(للمعلومية:هذا المدرس مشهور بالضرب المبرح!!)
لكن ماقدر يسوي شي..لأننا مدعومين من قبل المدير..
(خاف نعلم عليه مرة ثانية!!) 
لكن هذاك اليوم ماأنساه لأني انتقمت من هالمدرس الطاغية!
والآن نشوف مشاركاتكم..
ولي عودة مع قصص أخرى،،، انتظروني.
الصراحة قصة مظحكة ..
اذكر أيام الإعدادية كانت عنا مدرسة مصرية تدرس رياضيات وكانت حامل في هذيك الفترة أنا موتي وحياتي ألعوز المدرسات .
أذكر هذاك اليوم يبت خواشيق بلاستك وبصل و أشياء وايد جان أكتب أنا وربيعتي على الخواشيق خاشوقت حبنا ونحط الخواشق والبصل في كيستها ..المدرسة ما لاحظة وكانت كل يوم تي بالخريطة ونحنا هلكنا من ريحة البصل وجان آي أنا بإستهبال : أبله شو في الكيسة مالج ريحتها خايسة . جان تعطيني من الكلام الحلو إلي عندها . أنا نظيفة و أدري كيف ؟ المهم . إكتشفت إن بصل في كيستها .وتقفطت نحن هلكانين من الظحك عليها و جافت الخواشيق ونحن ما شيء بنموت من الظحك .
بس والله كانت أيام حلوة …
على فكرة لين الحين هي ما تعرف منو مسوي هذا المقلب فيها .. 
بس ما اذكر شي الحين..اذا تذكرت بردلكم
و مشكوووورين
صوت القوافي حللللللللللللللللوه القصة
جزاك الله خير
أذكر أيام الثانوية نقلونا من صفنا لصف ثاني وهذا الصف كان خشبي (كرفان) وطبعا نحن عصبنا وقررنا ننتقم وسبحان الله انتقامنا تم بتسهيل من سعادة المدير ( من غير قصد طبعا ) الحبيب دخل يوم من الايام وشاف لوحة صغيرة معلقة في زاوية الفصل ومصبوغة بصبغ زيتي قال ليش ماتشلون هالصبغ وتستفيدون من اللوح؟ طبعا نحن ( شلة الحرامية ) ما صدقنا ثاني يوم واحد فينا اسمه سلطان داخل الفصل وبإيده علبتين مزيل للصبغ ( ثنر ) سأله المدرس : عاوزهم لإيه دول يا سولتان ؟ رد سلطان : ابغي انظف فيهم اللوح يا استاذ مثل ما طلب المدير رد المدرس: ربنا يبارك فيك يا إبني ويكتر من أمسالك ….. المهم نحن أعلنا حالة الطوارئ في الفسحة ونظفنا اللوح وباقي العلبتين حطيناهم في زاوية وولع وشوي ولا هالنار اللي شابة في الفصل والجدار من خشب ….. شوي ونشوف مدرس الأحياء راكض ومعاه طفاية وأول ما ضغط على المقبض طلع هواء لان الطفاية فاضية …
طبعا وصلت الشرطة والمختبر الجنائي وعرفوا السبب ان احد مولع في المزيل ونحن انكرنا وقلنا ان المدير هو اللي طلب المزيل وطاحت في راسه ……….
طبعا رجعنا فصلنا القديم والمدير سمعت أنه توفى الله يرحمه برحمته من 3 سنين تقريبا.
بس أخوي كنتم منتهى الاجرام هههههههههههههه ( سوالف )
كانت في أبله مادااااانيها مع انها ماتدرسنا بس بعد أكرهها بس لأنها ماتخلي الطالبات يتحوطون ع راحتهم يوم يكونون فاضين واكتشفت ان اسمها نسيم ومن يومها بديت ألعوزها كل ما أشوفها من بعيد اصرخ ابله نسوووووووم انا هني نسوووووووووم وانخش ورا أي عمود يحليلها هي اتم أدور منو هااااي لين مامره كنا فاضين ودخلت الصف وبما اني رئيسة الصف قالت لي لا تخلين البنات يظهرووون وانا ….
بعدين بكمل انتظروا التكمله
ما عليكم عقب يوم بذكر بقولكم سوالفي
وحداوي شكلك تطري المدير اللي كان في مدرسة خليفة بن زايد؟؟؟؟
إذا هو الله يرحمه هذا اسميه كانوا ملعوزينه الشباب طبعا انا مالحقت عليه بس يخبروني عنه اذكر مرة قالولي بانه كان يلحق واحد واتخرطف من الدري وان**رت ريله!!!
المهم إذا شي مواقف صارتلي بخبركم