اخواني و خواتي
كم مرة فمرة تيلسوون تخططون لشغلكم و الأشغال اللي تبون تخلصونها و خلال ساعة أو ساعتين ينسف كل تخطيطكم … 
شو السالفة …
و الله ورد الجوري تعالي يارتنا فلانة يت تزونا و تعالي سلمي عليها و هي يالسة تسأل عنج انتي و اختج …
يا الله هذي من وين طلعت … خلوني بروحي الله يخليكم …
زين خلاص… الحينه بنزل اسلّم عليها …
ما مرت غير 10 دقايق و خلاص بنزل بسلم عليها، رن التيلفون … هلا ورد الجوري اشحالج و شو أخبارج ؟؟؟
يا الله من وين طلع هذا ؟؟؟
لا يسير تفكيركم لبعيد … خالي اتصل … و ربع ساعة رمسة و هو ملاّن و طفران و ما بغى الا يرمسني …
و عقب مدة خلاص ودرته و نزلت أسلم على الحرمة …
عقب ساعة صعدت فوق لحجرتي أمنّي نفسي بلحظات هادية ايلس بروحي و أريح شوي من تعب الشغل …
رن التيلفون مرة ثانية … و رديت على التيلفون … هلا ورد الجوري … اشحالج وينج يا القاطعة ؟؟؟
ليش ما ييتي عرس اخويه ؟؟؟ خلاص زعلت منج …
طلعت ربيعتي اللي ويايه من ايام الثانوية …
و يلست اخبرها عن ظروفي و يالله اقتنعت بالغصب، و يلست ترمس ساعة …
زين شو رايكم الحين ؟؟؟ منو اللي يضّيع وقته و وقت غيره ؟؟؟؟
ليش إحنا مب منظمين وقتنا و ليش ما ناخذ مواعيد نتفق عليها قبل ما نزور غيرنا ؟؟؟؟
اختكم ورد الجـــوري
ويهي
اسميني خلاص هب داقه لحد << لي بيسمع يا كثر مادقين مب جنه هم اللي يدقون " تخاف عرصيدها البخيل"
هي صح انا بعد ما خلي حد ما زوره في الفريج فديتني عقولة حرمة خالي خطاف رفاي
بس الكل ايلس عنده 5 دقايق وجان زدت ساعه طبعا عقب ما يحلفون لاني امل بسرعه
مشكوره اختي ما عرفت بويش اجاوبج جان اكتب لج قصة حياتي فديت خشمج
الغالية اللي قصدته اللي ييلسون و يضيعون وقتهم و وقت غيرهم
و ما يراعون غيرهم …
عادي ادق لربيعاتي و ارمسهن بس في الاجازات و ما أطوّل الا اذا اللي اتصلت بها هي اللي طوّلت ويايه … 
أحاول ما ازيد عن نص ساعة او ربع ساعة
و عن الزيارات هذي ممنوعه عندنا ( زيارة ربيعاتي ) التلفونات مب مشكلة …
خذي راحتج اختي درام الحب 
… عرفت أنج مب من النوع اللي ارمس عنه …
يزاج الله خير على التواصل 
هاي هي الحياة العادية يعني ..
حلوة مثلا تتصل بس ربيعتي تاخذ موعد عسب تتصل مرة ثانية..؟
بس مثلا لو كنت مشغولة و حد اتصل بج
تقدرين ما تردين و عقب ترمسينهم .. و تعتذرين بمسج
أو تردين عليهم و تقولين إنج مشغولة و تحددين وقت تتصلين فيهم
و مثلا زياة الناس المفاجئة
مثل ما قلتي الحرمة مب ياية لج مخصوص>> أوكي بسير أسلم و أيلس شوي عقب بظهر عنهم
و تبين فكرتي اللي اسويها
بندي على عمرج الباب بالمفتاح..
و إذا يى حد يباج >>> طاف و لا تردين على حد لين ما تخلصين و تفضين [/align]
بس الفريج حدي بيت عمي وبيت خالي << اصلا محد غيرهم
المشاركة الأصلية كتبت بواسطة عيون الحب هاي هي الحياة العادية يعني ..
حلوة مثلا تتصل بس ربيعتي تاخذ موعد عسب تتصل مرة ثانية..؟
بس مثلا لو كنت مشغولة و حد اتصل بج
تقدرين ما تردين و عقب ترمسينهم .. و تعتذرين بمسج
أو تردين عليهم و تقولين إنج مشغولة و تحددين وقت تتصلين فيهم
و مثلا زياة الناس المفاجئة
مثل ما قلتي الحرمة مب ياية لج مخصوص>> أوكي بسير أسلم و أيلس شوي عقب بظهر عنهم
و تبين فكرتي اللي اسويها
بندي على عمرج الباب بالمفتاح..
و إذا يى حد يباج >>> طاف و لا تردين على حد لين ما تخلصين و تفضين [/align]
هلا عيون الحب …
عادي ربيعاتي اخبرهن أني مشغولة و ادق لهن مرة ثانية
مب مشكلة ربيعاتي …
بس الحريم سالفة … شو بيقولن …
سرنا بيت فلان و بناتهم شايفات اعمارهن ما نزلن يسلمن علينا …
زين لو نزلت و سلمت عليهن بيقولن لي: هاه على وين بعدج ما يلستي ويانا
زين عقب بيلس عندهن زيادة و من داخل بتحصليني محترقة عندي شغل بس ما اروم اقول لهن شو بيقولن حنا يايات نزوهم و بناتهم ما يبن ييلسن عندنا …
شفتي رمسة الحريم ما تخلص …
و عن سالفة اقفل الباب بالمفتاح … تتوقعين بيخلني بروحي … لازم بتتي الوالدة و بتم تدق الباب لما افتح لها الباب و بصراحة ما اروم اتعبها ويايه على طوووووووووووووووول بفتح الباب …
شفتي كيف ما شي فايدة …
يزاج الله خير و بارك الله فيج …
المشاركة الأصلية كتبت بواسطة درام الحب بس الفريج حدي بيت عمي وبيت خالي << اصلا محد غيرهم
يحليلج درام الحب 
طلعتي بريئة
الله يكلمج بعقلج و يعطيج اللي فبالج
و يستر عليج دنيا و آخرة >>> رمستي شراة العيايز
يزاج الله خير
لازم يطورون من تعليمهم بعد ويوصلون الدكتوراه والمجستير حتى لو في تضييع الوقت والحش في خلق الله
بس بقولج شي
الي بينضم وقته
لا يهتم بشي ثاني
مع مراعاة بعض الامور الحساسه
دراموه
يزاج الله خير
المشاركة الأصلية كتبت بواسطة الخياال لازم يطورون من تعليمهم بعد ويوصلون الدكتوراه والمجستير حتى لو في تضييع الوقت والحش في خلق الله
بس بقولج شي
الي بينضم وقته
لا يهتم بشي ثاني
مع مراعاة بعض الامور الحساسه
هلا اخويه الخياال …
بالمبارك على شو***ا و عيايزنا
يستاهلون الماجستير و الدكتوراة و بدون تعب …
حليلهم و الله فيهم الخير و الدنيا مب حلوة بدونهم … الله يحفظهم لنا … و على فكرة مب كلهم شراة بعض …
يزاك الله خير اخويه الخياال …
انتوا في اي عصر عايشين؟!
اللي تقول الزيارات ممنوعة عندنا واللي تقول منقود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالنسبة لزيارات الحريم نحن بعمرنا ما يلسنا مع حريم سواء جيران او الفريج او ما نعرفهم ولكن اذا شفناهم في بيتنا سلمنا عليهم ومع السلامة ما يخصهم فينا هم صديقات امي و سوالف الحريم غير و سوالف البنات غير وهم يعرفون من نفسهم ان البنات يستحون ومالهم حق يزعلون وبعدين انا ما ازعل من الحريم واطنش كلامهم لان عالمهم صغير ومب لاقين شي يشغلهم……………..الا اذا زوجة خالي او عمي او عماتي او خالاتي وبناتهم بالع** نيلس معاهم و نسولف ولا نمل و لا تنسين صلة الرحم هذا واجب لازم نتصل فيهم بين الفترة والثانية و نسال عنهم و هم حليلهم ما يزورونا في كل وقت بين فترة وفترة واغلبهم في المناسبات والاجازات والعزايم
عزيزتي انتي تقدرين تنظميج وقتج بدون ما تلتفتين حق احد وانا اشوف ان وقت العصر انسب وقت للزيارات والسموووحة