دقت ساعة العمل .. جمله اسمعها من امي كل سنه اول يوم مدرسه
يوم اسمعها احس أن خلاص أيام الراحه راحت بلا رجعه وأحس بشعور غريب مو حلو حتى ما أقدر
أكمل رقادي
بالرغم من إني اكره المدرسه ما أنكر إن الأيام المدرسية تكون حلوة ….
يعني ايام المدرسة يكون وقتي منظم المذاكره لها وقت والكمبيوتر له وقت والأهل لهم وقت أما في
الإجازة وقتي مايكون منظم أيلس بالساعات على النت ولا أهتم أما أيام المدرسه كل يوم أيلس
ساعتين وإذا يلست أكثر أحس بالندم بعدين وأيلس أقول لو ذاكرت في هالوقت جان أحينه أنا
مخلصه ولو حليت الواجب في هالوقت جان افتكيت منه ….
وأخس شي عندي نشة الصبح يالله عذاااااااب بس أحيانا تصير مواقف حلوة ….
يعني مرة يت أمي تواعيني ومادري كيف قلتلها اليوم إجازه وبدون قصد ولما نشيت الساعه 9
الصبح انصدمت ورحت عند أمي وقلتلها ليش ماواعيتيني جان تقول أنا يوم واعيتج قلتيلي اليوم
إجازه وكنت أدري إنج تقولينها بدون لاتستوعبين شو تقولين وخليتج نايمه ضحكت وبعدين سرت
كملت رقادي << ماصدقت
وأحلى شي كلنا بعد صلاة المغرب نيلس ونسولف وكل واحد يقول شو استواله خلال هاليوم
والتعليقات تكون ابيزه ها أحلى شي بس أحينه في الاجازه يوم نادرا مانكون كلنا موجودين الا حد
راقد واللي طالع وغيره ..
وايام الدراسه تظهر فيني كل العاهات يعني ساعات جتفي يعورني من الشنطه وساعات راسي
يعورني من السهر والمذاكره وأحيانا أنا بروحي أ**ر عمري بالحركات البهلوانيه اللي أسويها وأنا
يالسه على الكرسي آخرتها أطيح وينجلب الكرسي علي خخخخ والله أيام وبعد ما اصطلب
وغيرها من الأشياء الحلوة اللي تصير في المدرسة مع رباعتي بس على الرغم من هذا كله بعد
أكره المدرسه …. ليش مادري ؟
وأحينه خلاص ماباقي شي على المدرسه إلا 13 يوم << أويه وأنا لين ألحينه ما اتجهزت ولا سويت شي
وبدوري أنا بعد اقوللكم يلا دقت ساعة العمل ودروا عنكم ال**ل وشدوا حيلكم في السنه الدراسية الجديده
والسموحه
والله اصدق احلى ايامي كانت فيها..
مقالب ومواقف وضحك ولعبان
ورحلات
والله صدق اتمنى ارجعلها
يله شدي حيلج في ها السنة وان شاء الله نسمع بالنتايج اللي تسر..
وبالتوفيق ان شاء الله
والسموحة
اخوكم ولد بوظبي
المشاركة الأصلية كتبت بواسطة ولد بوظبي والله اصدق احلى ايامي كانت فيها..
مقالب ومواقف وضحك ولعبان
ورحلات
والله صدق اتمنى ارجعلها
يله شدي حيلج في ها السنة وان شاء الله نسمع بالنتايج اللي تسر..
وبالتوفيق ان شاء الله
والسموحة
اخوكم ولد بوظبي
بقول فكاااااك وابركها من ساعه
ومن ناحية الربع والمقالب ها أحلى شي صدقت والله
وان شاء الله بشد حيلي هالسنه لين ماينطر الله يستر هالسنه علمي
ومشكوووور على الرد الحلوووو
وأخس شي عندي نشة الصبح يالله عذاااااااب
نشة الصبح هذي كانت مسويه لي أزمة ….
ويوم اتخرجنا من المدرسة قلنا بنفتك من نشة الصبح … بس ما شي ورانا ورانا نشة الصبح لين الحين 
ومبروك عليج الصغيرونه العودة إلى المدارس 
المشاركة الأصلية كتبت بواسطة x_5 عادي عادي نحن أجزنا 3 شهور ونص انتوا لو شو ما بتحصلون شراتها
خخخخخخخخ
المشاركة الأصلية كتبت بواسطة وعود ويوم اتخرجنا من المدرسة قلنا بنفتك من نشة الصبح … بس ما شي ورانا ورانا نشة الصبح لين الحين
ومبروك عليج الصغيرونه العودة إلى المدارس
اويه يعني بتم على هالحال لاحووووول
ولاتباركيلي ع المدرسه
يوم اجزت محد باركلي ع الاجازه وحليلي
ع العموم عشان ماتزعلين يلا الله يبارج فيج اهئ اهئ << اقولها بكل حسره وانا اعض اصابع الندم
أختي الصغيرونة.
ما شاء الله عليك على هذا الموضوع..
تمـــــــام أختي..
ذكرتيني بأيام الدراسة والسيكل هههه..
بس كل واحد لازم يعرف شيء مهم..
يمكن الواحد يقول لمن انتهي من الدراسة برتاح..
والجواب..
أقول له…..تحلمممممم
لأن بعد الدراسة بيكون جامعة أو كلية.يعني تعب
وبعدين يمكن ما يحصل على عمل.فهذا تعب وهم..
أو حصل على عمل وطلع المدير شديد أو الشغل طويل أو موظف معه عدو له.يعني تعب
وبعدين مسؤولية الأولاد والزوجة..نفس الشيء تعب
وبعدين..تكبر في السن أو يصير لك مرض..تعب
يعني أيش؟؟
يعني تعب كلها الحيــــاة
وشكرا لكم
اكيد كنتي اسوينها صح
لا تخافين ما بخبر حد
راح نرجع مره ثانيه 
للدراسه 
ونشة الصبح
وكله ولا نشة الصبح 
مايرومون يخلونها الظهر؟!
يوم بتشتغلون انتو الحين ما تقدرون اتقومون الله يعينكم بس اتعرفون
الصبح وايد حلو الصرااااااحه نفسيتي تعبانه ومال خلق للجامعه
صح الاجازه كانت ممله بس أحسن من الجامعه وطلباتها
والطامه الكبرى أني أول يوم بجابل ويه المدير 3 ساعات
ومشكلتي الثانيه أني أسهر سهر متواصل يعني أروح الجامعه
وأرقد في المحاضره
أرف أرف أرف عصبت الموضوع يعصب الواحد 🙁