خنبقاااااااات على الطاير 2024.

وعذرا على الانقطاع الطويل جدا

والله إنكم في القلب

ولن أنساكم

خلونا مع الموضوع

خنبقات … على الطاير

حياك الله أخوي في أي وقت

الخنبقة الأولى – بعض الناس الله يهديهم مسوي نفسه فاهم كل شيء في الحياة وفجأة يطيح في ورطة وما يطلع منها لأن الحبيب مش فاهم شي في الموضوع ومسوي نفسه أبو العريف – فلا تجعل من نفسك أنت اللي فاهم كل صغيرة وكبيرة …

لولولو
ما أحب ايلس مع حد يستصغرني شنه هو فاهم واللي حوليه مب فاهمين شي
بس تتم تناظر

الخنبقة الثانية – فيه ناس بس تمر من صوبهم في السوق أو الكورنيش يطالعونك من فوق لين تحت ياكلونك بعيونهم – يبون يشوفون كل شي فيك – مشيتك ملابسك – رمستك – وأنت مسكين في حالك مالك دعوة من حد – هالناس نقولهم كل واحد عليه من نفسه ولا تجلس تطالع في الآخرين لأنك راح تتعب .

لولول
من راقب الناس مات هما
والله تبى الصدق كثير من الناس يطالعون
تقول أختى ظاهرين هي وريلها بنوتتها الصغيرونه وهي يالسه قدامه طالبين من المطعم
فريات يسوي يالس يطالع أستح على ويهك
وريل أختي يقول تعال بعد أيلس معانا هههه

الخنبقة الثالثة – بعض الشباب يمر عدال أكثر من 10 مسايد – تدرون ليش – الحبيب يدور على المسيد اللي فيه مكيف بارد والامام ما يطول وسرييع – مسكين هالانسان فوت على نفسه الصلاة وهو لحينه ما حصل مسيد اللي باه ويرتاح له .

لولولو

صدق عاد عندنا مسيد ما شاء الله على الريال يخلص الصلاه في خمس دقايق أنا مستغرب أسأل أخواني يقولون هذا المسيد فيه وايد شياب

الخنبقة الرابعه – الحبيب مخلص الثانوية ويبا يدور على شغل – هو معطي نفسه الراحة يدور له واسطة وما يبا يقوم من الرقاد الصبح عسب ما يعور راسه – معتمد بس على الواسطة – الله يرحم حاله.

قهرررررررررررر
عاد أنا ابي اشتغل بعد الثانويه بس مب لاقيه واسطه
لو حد عنده واسطه يقولي

هاي اللي يحضرني من خنبقات – وسلامتكم