طبعا الأغلبية كانوا حاطين ف بالهم ان السبت هو اول يوم العيد ويوم أعلنوا ان الجمعة اول يوم العيد استوت حالة طوارى ف كل مكان وبالخص ف صالونات الحلاقة مال الرييال لان الحريم مستعدات من كمن يوم تقريبا ومخلصات معظم أشغالهن بع** الرييال اللي خلو شغلهم لاخر وقت …يخبرني ريلي البارحة ان الحلاق عطاه موعد الساعة 4 الفجر انا عيوني استوت جي
الصبح بطلت عيوني وقلت ف خاطري يا ربي معقولة اليوم العيد ؟؟خلاص الحين الحلج بيتبطل والبطن بيستوي جدر من بعد صيام 29 يوم
الرييال اليوم حصلو اجر وايد لأنهم صلوا 3 مرات جماعة ((صلاة الفجر..صلاة العيد..صلاة الجمعة)) أظن قبل كمن سنة استوى جي يوم صادف العيد يوم الجمعة بعد
ركبت سيارتي ابغي اسير عند امي اسلم عليهم وانا فالسيارة شفت اليهال ف الفريج وهم يعيدون تميت أطالعهم وانا مستانسة واسوق شوي شوي تذكرت عمري يوم كنت صغيرة ونتيمع كلنا بنات واولاد الفريج ونسير نعيد لكن ما كنا بهالصورة
الدهن كان تارس شعور البنات والجحال واصل لنص الخد والحنة قصة ولا غمسة والأولاد كاشخين بكناديرهم وريولهم ونعولهم بيضا من الرمل اللي يدخلون فيه
الحين البنات والاولاد اشكالهم فرق السما والارض عن قبل
البنات لابسات فساتين وكل موديل يتحدى الثاني والشعر مسشور ف الصالون والحنة نقش ف الصالون وحاطات مانكير على ظفورهن بلون الحنا وروج يناسب لون الفستان والشنطة والجوتي مناسبين لون الفستان والشباصة
والاولاد مت**رتين ومتعدلين مب مثل قبل …الحين النظافة طالعة من عيونهم
لكن ما اظن انه العيد عندهم له نفس الاحساس اللي كان بالنسبة لنا شو رايكم؟؟؟
دخلت ميلس الحريم وشفت بنات العايلة ما شاء الله عليهن كلهن متيمعات وكل وحدة متعدلة ومتكشخة قلت لأختي ((حسبي الله على إبليسهن من وين بنزوجهن وبنييب لهن رييال أشوفهن أكثر من الشباب))
عندنا جارة عيوز متعودين نتيمع كلنا ونسير نسلم عليها امي قالت انا بيي بعد صلاة الظهر ويوم سرنا ويلسنا ما نشوف الا امي ياية ويايبة 3 خدامات وياها سألنها ليش يايبتنهم وياج قلت ((شو يعني انتو عندكم عيد وهن ما عندهن خلهن يسلمن على خدامات الجيران ويعايدن على بعض))
الأجازة ما حد بيحس فيها الا اللي سافر من بعد نهاية دوام يوم الاربعا
معقولة بندوام يوم الاثنين
اففففففففففففففففففففففففففففف
قبل ما اطلع اسير اسلم على عمتي احب اقول لكم ((تقبل الله طاعتكم وكل عام وانتو بخير وعافية وأيامكم كلها اعياد))
والاولاد متزقرتين ومتعدلين مب مثل قبل …الحين النظافة طالعة من عيونهم
لكن ما اظن انه العيد عندهم له نفس الاحساس اللي كان بالنسبة لنا شو رايكم؟؟؟
البنات يمكن تغيروا عن قبل
بس الاولاد مادري ليش احس عادي عندهم يحبون يوسخون ثيابهم سواء كان عيد والا غيره
واكبر دليل الشلق ,تشوفين كندورته وهو رايح المصلى تعشي من البياض
ومن يوصل البيت وصخة ومحترقة من الشلق
.
معقولة بندوام يوم الاثنين
هيه والله قهر
قصوا علينا وقالوا اجازة العيد,,وينها
وكل عام وانتي بخير^_^
.
طبعا الأغلبية كانوا حاطين ف بالهم ان السبت هو اول يوم العيد ويوم أعلنوا ان الجمعة اول يوم العيد استوت حالة طوارى ف كل مكان وبالخص ف صالونات الحلاقة مال الرييال لان الحريم مستعدات من كمن يوم تقريبا ومخلصات معظم أشغالهن بعكس الرييال اللي خلو شغلهم لاخر وقت …يخبرني ريلي البارحة ان الحلاق عطاه موعد الساعة 4 الفجر انا عيوني استوت جي
أنا مخلص شغلي بالبيت والشعر عادي شكله مقبول
اخوي محلق الساعه 4 امي حطت عليه اخوك الصغير يحلق فلبيت وانت مزبن فالحلاق للساعه اربع
لكن ما اظن انه العيد عندهم له نفس الاحساس اللي كان بالنسبة لنا شو رايكم؟؟؟
اظن .. دخييييييييييييلج صخي شكلهن البنات يدورن ريل لا ويوم تعطينهم ريال ولا ريالين يطالعونج باحتقار
بالبيت يالس اعيدهم تمسح على شعرها ويالسه تطالعني شكلها معجبه وتبتسم بعد
والصراحه فالشارع عرض ازياء بنات واولاد
الأجازة ما حد بيحس فيها الا اللي سافر من بعد نهاية دوام يوم الاربعا
معقولة بندوام يوم الاثنين
اخييييييج الله يعينا بس صج احس بدون مدرسة ملل
بس والله ظلم المفروض تكون اكرامية منهم 3 ايام اجازه يعني ما بيتعطل شي لو خلونا نداوم الثلاثا
وكل عام وانتي بخييييييييييييييييير
وجميعا بخير
والمنتدى بخير
كل عام وانتم بخير
.. بس المشكلة مشكلة الإجازة
ثانيا: سالفة الصالون للرياييل صحيحة اخوي وولده من ثلاث ايام حاجزين عند الصالون(في بوظبي)
يوم للبشرة ويوم لتقليم الشوارب ويوم للشعر؟؟؟؟؟؟
اما ابوي حلق في البيت بموس وطلع احلى منهم….
ومثل ماقلتي بنات اليوم متعدلات ومتزينات ….بشكل مبالغ فيه وايد ..يمكن التطور خلاهم جذيه؟؟؟؟
امس في الصالون انا حاجزة الحناء من الساعة تسع الصبح برقم (508) وتصوري اني اتحنيت الساعة خمس العصر…….وشفت وسمعت ضرابت الحريم على الدور شي غريب وعجيب؟؟؟؟؟؟؟
وين ايام الي نتيمع اكثر من عشر بنات ونتحنى روايب او قصة ونتعايد من جميع بيوت الفريج؟؟؟؟
وكم كانت العيدية درهم اواثنين ونشوفهن مثل المية…..
صدق كان للعيد طعم ولون
لانه كان عيد التجمع والاهل والضحكةالبريئة البسيطة الحلوة
ربي يعودناعلى رمضان القادم ونحن بخير وسهاله
واشكرج الغالية على انك ذكرتينا بالايام الحلوة
تحياتي
سالفة الحلاليق خليها على ربج ، وهذي سالفة كل سنة وعيد
انا هالسنة حاولت أخلص أشغالي بس ما مداني مأخر كل شي
المهم رديت البيت وتحلقت في البيت ويازيني زيناه ، الحمد لله خبرة الحلاقة يوم كنت أدرس برع بعدها موجودة ^_^
وعساج من العايدين الفايزين إختي شموخ : )
وعساكم ع القوة
…. يلا عيل كل عام وانتوا بخير وعساكم من عوادة العيد
ع ــيدكم مبـاركـ…
الله يبارك فيج
البنات يمكن تغيروا عن قبل
بس الاولاد مادري ليش احس عادي عندهم يحبون يوسخون ثيابهم سواء كان عيد والا غيره
واكبر دليل الشلق ,تشوفين كندورته وهو رايح المصلى تعشي من البياض
ومن يوصل البيت وصخة ومحترقة من الشلق
.
صدقج والله يرجعون اللبيت واشكالهم تقولين جنهم طالعين من ضرابة ولا انهم منظفين الشارع بملابسهم
يعني نقدر نقول انه الاولاد مالهم امل ف النظافة والكشخة وهم صغار
لكن شوفيهم يوم يكبرون ينافسون البنات الحين ف كل شي
هيه والله قهر
قصوا علينا وقالوا اجازة العيد,,وينها
اجازة العيد يوم الاحد
وكل عام وانتي بخير^_^
وانتي بصحة وسلامة ان شاء الله
شكرا على المشاركة والتواصل
.
أنا مخلص شغلي بالبيت والشعر عادي شكله مقبول
اخوي محلق الساعه 4 امي حطت عليه اخوك الصغير يحلق فلبيت وانت م**ن فالحلاق للساعه اربع
جان يلست اخوك ف البيت وحلقت شعره وعدلته يوم انه عندك هالخبرة بدال ما يحصل له ه**ة
اظن .. دخييييييييييييلج صخي شكلهن البنات يدورن ريل لا ويوم تعطينهم ريال ولا ريالين يطالعونج باحتقار
قبل كنا ناخذ الدرهم ولا الدرهمين ونفرح فيهم الحين تعطيهم خمس ولا عشر يزعلون
بالبيت يالس اعيدهم تمسح على شعرها ويالسه تطالعني شكلها معجبه وتبتسم بعد
سقوم خبرنا اكيد كنت كاشخ وايد ومتعدل خليت البنات يطالعنك جي
وينج يا درام الحب تشوفين سوالف سقوم
والصراحه فالشارع عرض ازياء بنات واولاد
عرض حلو
تستانس يوم تشوفهم جي طالعين مجموعات ويا بعض
اخييييييج الله يعينا بس صج احس بدون مدرسة ملل
بس والله ظلم المفروض تكون اكرامية منهم 3 ايام اجازه يعني ما بيتعطل شي لو خلونا نداوم الثلاثا
سبحان الله الانسان ما يعجبه شي
يوم المدرسة نبغي اجازة وف الاجازة نمل ونقول متى بيي الدوام
وكل عام وانتي بخييييييييييييييييير
وجميعا بخير
والمنتدى
بخير
وانت بصحة وسلامة
شكرا على المشاركة والتواصل
ايام العيد ايام جميله
كل عام وانتم بخير
وانت بصحة وسلامة
شكرا على المشاركة والتواصل