ما ادري انا شو اللي حصل لي … هو غرام و الا ان**ار … هو حلم و الا وهم … ما ادري انا شو اللي حصل … صرت ألملم آلامي … و آخذ معي ذكرياتي … و استعد للسفر … استعد للرحيل … أرحل من دنيته… أمني خاطري بنظرة … أو همسه .. انرسمت على وجهي دمعة حزن بس ها المرة عاندتها و ما تركتها تنزل تحرق خدودي … ما ادري انا شو اللي حصل … ضعف هذا و الا نسيان … او برود بخاطري صار …ما عدت أهتم لو قالوا لي انه نساني … ما عاد له ذكرى و لا عاد له عندي ألم … ما ادري انا شو اللي حصل … عاندت و عاندت الآه … حلفتها بربي ارجوج لا تطلعين … و اذا بقيتي بصدري امانه لا تحرقيه …
ما ادري انا شو اللي صار … بسمة على شفاهي ظهرت … يا ربي من زمان ما ابتسمت .. راحة بفوادي حسيتها … عرفت اني عشت بوهم …عشته معاك لحظة بلحظة ياللي ما تحس و لا عمرك حسيت ببشر… عمت عيوني عن كل افعالك … و تذكرت بس كلامك … و آذاني ما سمعت غير كلامك ..بس الحينه … حكمت انا عقلي و عطيته الحرية و خليته يتحكم بي و بقلبي … مثل ما مشيت بطريق قلبي رسمه لي .. بجرب امشي ورا قلبي و بشوف
ان شاء الله بس تعجبكم … وطبعا مب انا صاحب هالخاطرة .. هي حق واحد عزيز على قلبي وحبيت اني اكتبها في هالمنتدى
مرحبا اخوي هامان …
تسلم على هذي المساهمة الرائعة ..
و الخاطرة اللي اخترتها تدل على ذوق عال و اختيار جميل …
شكرا مرة اخرى على المساهمة …
اختك :
الزمن..
مثل ما مشيت بطريق قلبي رسمه لي .. بجرب امشي ورا قلبي و بشوف
😮
صدقت اخوي هامان
مشكورة على ردج … وانا مجرد متذوق للكلام الحلو .. واللي يستاهل مديحج هو اللي كتب هالخاطرة 😉
مشكور على الرد عزيزي … بس لا تمشي ورا قلبك واستخدم عقلك عسب الضحية اطيح في ايديك لا تنسى انك دراكولا 😉