السلام عليكم و رحمة الله و بركاته
اخواني و خواتي …
سرت محل من محلات الشيل و العبي و وقفت اختار اللي يعيبني و عقب ما خلصت التفت اشوف التصاميم اللي عندهم في المحل … اللي يضايج أن التصاميم كلها فرنسية و مخصّرة ، كان فخاطري اشوف عباة راس من بين التصاميم أو على الأقل أشوف عباية إسلامية … يعني شي واسع و يستر… المهم قام الوالد ((الله يحفظه)) يكاسر البايع و استغليت الفرصة و صورت الصورة هذي … 
شو خانة العباة يوم أنها تفضح ما تستر ؟؟؟؟
منو هذي اللي أهلها بيخلونها تلبس هالعباة ؟؟؟؟
و منو اللي بيشوفها لابستنها، وين بتيسير و هي لابستنها ؟؟؟؟ 
لما تستوي حركات للبنت احنا نلوم الشباب، بس ليييييييش ما نلوم البنت على اللي تلبسه ؟؟؟؟
أظن ان اللي يالس يخيط هالعبي و يصممها يتخيل اشكال و أجسام الحريم اللي بيلبسنها و اظن الشي هذا عيييييب و حرااااااام و فيه فتنة، ليييييييييييش نرضى لبناتنا يوصلن لهالمستوى ؟؟؟؟؟؟
خواطر يت فبالي … و ما أشوف إلا أن التصاميم هذي خطوة من خطوات هدم الفضيلة في المجتمع دام أنها بتغري الشباب و بتفتنهم و بصراحة اشوف اللي تلبس شراة العباة هذي وحدة مفرووووووض ما تطلع من البيت لأن طلتعها من البيت فتنة ، و لو بغت تطلع مفروض تلبس عباة فوق العباة هذي … على الأقل شي يسترها و يحفظها من أنظار الشباب …
بقلم أختكم في الله …
ورد الجــــــوري 
…
ووين الاهل ؟؟!!
اكيد يشوفون بنتهم يوم تظهر
ابا اسأل وين الغيرة ..
قبل كنت اقول مستحيل بنات البلاد يسون جيه بس شفت بعيني بنت بلاد اصل وفصل وجدام ابووها
الله يستر على الكل
صدق و الله قهر اختي … ما شي غيرة
او نروم نقول الغيرة ماتت فقلوبهم حتى على اهلهم و بناتهم …
مب معقولة لما البنت تمشي ويا ابوها و هي لابسة هالعباة و بعدين تحصلين الأبو ساكت و ما يقول لها شي … الله يهدي الجميع
و يزاج الله خير الغالية على تواصلج و على غيرتج …
موضوعج مهم اختي ورد الجوري
والمشكله ان بعض الاهل مايطالعون شكل العباه اذا كانت تستر اولا اهم شي عندهم ان البنت
تحط العباة وتمشي اما صفاتها سواء ضيجة او واسعة سادة اومزخرفه فهالشي عادي عندهم
وياسبحان الله الحين البعض تشوفين جلابيتهن اللي تحت العباه استر واوسع عن العباة
وفي اعتقادي ان هالشي الاهل مسؤولين عنه من بعد البنت لانهم رضوا بهاللبس لبناتهم
والله يهديهم
ويعطيج العافيه على موضوعج القيم
هيه الغالية … هذا طال عمرج فستان في صورة عباة … شفتي الإختراع اليديد ؟؟؟
قهر … لييييييييش يسمونها عباة دام انها ما تستر شراة ما هي تجسد الجسم وتقاطيعه ؟؟؟
الغالية دام العباة تجسد الجسم و ضيييييجة حتى الوحدة ما تروم تتنفس فيها فهي خلاص صارة فستان و لا فستان سهرة بعد … ويهي عورني لما شفت البايع ي**ر الخاطر هو و اللي يخيطون هالعبي الله يعينهم على البلاوي اللي يشوفونها في محلاتهم …
و اللي استغرب منه أكثر لما اشوف المنقبة تلبس عباة مخصرة … هذي شو سترت من جسمها و شو ظهرت منه ؟؟؟؟
الله يهدي الجميع …
يزاج الله خير و بارك الله فيج …
الله يهديهم ان شاء الله
اهي اللي تبي الشباب يسيرون وراها على هاعبايه
ورد جوري ترى الشباب مو بس اللي تلبس كذا بيعا**وها لا
ترى حتى المحتشمات
واحنا بالعمره اسبوع اللي طاف كنا بمصعد واحنا علينا عبايات واسعه مع بنات عماتي وقفازات
جالس ورانا يمشي ويقول هذا اهم اللي مساعه بفندق …….. ما يستحي على وجهه
ووربيعة بنت عمتي تدرون وش سوت باللي يعا**ها ؟؟
اهي بعد محتشمه وقفازات وجرابات وعبايه واسعه وكانت لابسه نضاره اهي وعمتها
ووراها شباب ثنين ساعه او ساعتين وراهم يمشون قالت ربيعة بنت عمتي وش رايج نشتري بيبسي ونسبحهم ؟؟
قالت عمتها تبين تفشلينا لا تعالي بس
وزهقت المسكينه راحت شرت اكبر كاس بيبسي ومليان ثلج وبيبسي التفتت وراها قال لها ممكن رقمك ؟؟
قالت ايه لحظه خذت البيبسي وعلى الشاب خخخخخخخخخخخ
قالت هذا رقمي ومشت فوق مع عمتها راحت بدلت ودخلت نضارتها علشان ما يعرفها
على فكره اهم بمجمع ونفس الشيء فندق ساكنه صديقتها فيه اتصلت على السواق وجا اخذها
يوم طلعت شافته معصب حده يقول اخ وينها بنت ال …… ياليتني لاحقها
جالس يسب و**** خخخخخخخخخخخخخخخخ
ربي يهديهم ويهدينا ويهدي كل المنحرفين
ودمتم سالمين
نحو هدم الفضيله
العباءة لبسها لستر و ليس للاستعراض ولربما الملابس العادية استر منها بلا عباية وليس المهم اللون الاسود بقدر المهم الحشمه و لبس مايستر المراءة الله يستر علينا و عليكم و جزاكِ الله خير
العاباءة اصبحت تصمم من باريس وتجلب وتختم عليها الماركات المشهوره
و الي مش عاجبه يفصل من الخياييط الموجوده في كل مكان وبحسب مزاجه هذا الي الحاصل للاسف
العباية كانت تنحط فوق الراس وبعدها وصلت على الكتف والله اعلم وين بتنزل
ولا حول ولا قوة الا بالله المشكله ان الحل بيدنا جميعا وليس مفروض علينا
علينا بانفسنا و بتغيير من عندنا بنصح اقرب الناس لنا ولا نتركهم لشيطان لان المراءة هي اختي وامي وعمتي وخالتي وبنتي وهي نصف المجتمع ان لم تكن كله
الغالية الولد يستاهل اللي استوى لهو البنت بصراحة جريئة و زيادة عن اللزوم …
يعني ما اتخيل عمري فمكاني … كنت بتخرطف فعباتي و بطييييح من القفطة 
الله يستر على بناتنا وعلى شب***ا ..
يزااج الله خير و بارك الله فيج
…
اخويه المشكلة غير من اللي يعينون المحلات هذي على خياطة العبايات هذي ، و مفهوم الأمانة و الغيرة انمحى من عقول وااااايد ناس …
بعد المشكلة في التقليد الأعمى … يعني الواحد بيطيح غشيان من البلاوي اللي يشوفها و المشكلة الكل غااااااااافل عن الحق و محد يرمس …
الله يرحمنا برحمته و يستر علينا على جميع المسلمين …
يزاك الله خير اخويه و بارك الرحمن فيك …
نعم اختي الكريمة هي خطوات مدروسه لهدم الفضيله و التعود على غير المعتاد و**ر كل حشمه كما قلتي تماما خطوة خطوه
نحو هدم الفضيله
العباءة لبسها لستر و ليس للاستعراض ولربما الملابس العادية استر منها بلا عباية وليس المهم اللون الاسود بقدر المهم الحشمه و لبس مايستر المراءة الله يستر علينا و عليكم و جزاكِ الله خير
العاباءة اصبحت تصمم من باريس وتجلب وتختم عليها الماركات المشهوره
و الي مش عاجبه يفصل من الخياييط الموجوده في كل مكان وبحسب مزاجه هذا الي الحاصل للاسف
العباية كانت تنحط فوق الراس وبعدها وصلت على الكتف والله اعلم وين بتنزل
ولا حول ولا قوة الا بالله المشكله ان الحل بيدنا جميعا وليس مفروض علينا
علينا بانفسنا و بتغيير من عندنا بنصح اقرب الناس لنا ولا نتركهم لشيطان لان المراءة هي اختي وامي وعمتي وخالتي وبنتي وهي نصف المجتمع ان لم تكن كله
المشلكة يا اخويه … الأمانة و المستحى ضاعوا عند واااااايد ناس
…
يعني من التناقضات اللي نسوفها لما الأبو يمشي ويا بنته و بنته ما خلت و لا لون ما حطته على ويها وعن العباة و العطر و الشعر حدث ولا حرج لا و بعض الناس تتفاخر بهالبلاوي … يعني معقولة ما يخافون يموتون على معصية ؟!!!
الله يستر علينا و عليهم …
وشكرا عالموضوع الجيد ….