شو الأخبار
أكيد في منكم من ينتظر من المقصود بخاطرة أمس.
واليوم انا يا ينكيم يية غضب
المهم
المقصود بهذه الخاطرة هو:
"راعي الغازات"
لأني ذيك اليوم كنت عازم الربع على العشا.
فلما قامت الوالدة من النوم على شان تروح تحضّر العشا حصلت الغاز مافيه شيء
فالمسكينة ياتني بسرعة وقومتني من الرقاد على شان أتصل بالمحل إللي يبيع الغازات لكن
وللأسف ماحد يرفع سماعة التيلفون
وبعد شوي رحت وركبت السيّارة على شان أروح المحل
لكن أبوسيف وين رايح؟
أوه ه ه ه عثرني ما أعرف المحل
المهم رحت وبعد نصف ساعة تقريبا حصلت المحل لكن من دون فايدة لأن الوقت متأخر
وبعدين قررت أني أشتري العشا من المطعم
المهم أني صحت ذيك الليلة لأني متلوّم في الربع
يعني عازمنهم في البيت وأييب لهم عشا من المطعم
لكن يالله خلها على الله
المهم في اليوم الثاني كنت يالس عدّال باب البيت البرّعاني والا أشوف الصاحب"راعي الغازات"
فرحت له وبصوت علي وينك أنته أمس؟
لكن الريّال راح يطنشني!!!
وأعيد عليه السؤال , لكن السالفة إلا هيه الريّال بعده مطنش.
ورحت أعطيه بكف دوّرت له راسه
وأنزله من النكّال ماله ونتضارب أنا وياه تقريبا 5 دقايق
وبعد شوي حايز واحد من الجيران
المهم الموضوع أنتهى
لكن من يقول
إلا بعد شوي الشرطة على الباب
وخذوني معهم وأنسجنت يومين هذا بعد الواسطة
لا بعد ما كذه
دفعت 1000 درهم حق ذاك البتّاني ال***
من يقول ليش
أون ضرسه أن**ر لما عطيته ب** في الضرّابة
ومن ذيك اليوم وانا متادب عن الضرابة
والصراحة ما انصحكم بالمشاكل
ترا والله أنها ما منها فايدة
ترا السالفة صدق
وأحلف لكم اني ما اكذب عليكم
أووووكيه
مع تحيات أبوسيف ويومياته المخربطة
طبعا قبل مخربط
أما الحين هو يمشي سيدة على الخط
شلك انته والضرابه لا بعد مع بتاني..شفت الحين خسرت من جيبك 1000 واااااااااااااااااااااو…..
بس واييييييييييييد حلووووه..تعيش وتاكل غيرها(بس في االاحلام مب في الواقع 😉 )
الله يعطيك العافيه يا بوسيف