تودع زوجها وهو طالع للعمل وتقول له ( بتوحشني يا حبيبي)ت
الساعه 11 صباحا
تتصل عليه في العمل وتقول له ( حبيت اسمع صوتك بس ياعمري )ن
الساعه 3 العصر
تستقبله وهو متشيكه وهو داخل للبيت وتقول له ( الغدا جاهز يا حياتي ..تحب احطه لك الحين ؟ ) ن
الساعه 5 العصر
تصحيه من النوم وتقول له ( اعمل لك شاي يا حبي ؟ ) ن
الساعه 6 المغرب
تسبل عيونها وتقول بكل خجل ( يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري ) وقبل ما ينطق بكلمه ( اذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا
الساعه 8 بالليل
تتصل على الجوال وتقول ( اشتقت لك يا عمري .. يا ريت تمرني ونروح للبيت ) ويقول للشباب ( اسف والله يا شباب راسي مصدع ولازم امشي )
الساعه 11
عد اليوم على خير بكل حب
……….بعد مرور عشر سنوات ………
الساعه 6:30 صباحا
يروح للدوام واهي في سابع نومه
الساعه 11 صباحا
هي برضه في سابع نومه
الساعه 3 العصر
تستقبله وهي نافخه خشتها وتقول ( شف لي حل مع ولدك علي هذا ..حتى الحين ما حل الواجب .. وسويره الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو يقولي يوم صارالاختبار بكره … وترى موضي طاحت مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس اللي راح تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و
الساعة 5 العصر
هي تفك هوشه بين سويره واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ ) ن
الساعه 6 المغرب
هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم ………….. وفي هاللحظه قاعد يفكر لو انه يشتغل ليموزين احسن له
الساعه 8 بالليل
على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 حدك الساعه 10 ) ن
الساعه 10 بالليل
جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول ( الحين امك وش عندها اليوم ما ترد يوم اني سلمت ؟ هاه ؟ ) ن
يرد عليها ( والله ما ادري كان سالتيها ) ن
اهي ( واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه ) ن
ملاحظه : علي هو اشين ( أجكر ) اخوانه
تكمل كلامها ( انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس من زينك ما ادري وش لاقين فيك ) . يسكت وما يرد يبي المسألة تنتهي على خير….. , تسكت شوي ثم تقول ( وبعدين اخوك شاري لحرمته ساعه قيمتها عشرين الف ريال ) ن يرد ( طيب وش المشكله ؟ ) ترد عليه ( وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ن
ت**ر خاطره ويقول ( خلاص اشتري لك ساعه ) ن
تعصب وتقول ( ايه تسكتني بهالكلام ….والله لانت شاري ولا شي ادري فيك بخيل ) ن
يرد بعصبيه وهو يحاول ان يتمالك اعصابه ( وش تبيني اقول يا بنت الحلال ؟ )
تقوم من عنده وهي تبكي ( خلاص ما ابي منك شي ) ن
الساعه 11 بالليل
هي زعلانه ونايمه مع العيال…. وهو **** اليوم الي تزوج فيه
—————–
م س ر و ق
ثانكي
بس أقولج أختي مو كل الازواج يمرون بهذا الشئ.. البعض منهم..
والله يسعد الجميع ان شاء الله..
حلوة هذي
بس حرام مب كل البنات جي
#G#
شرايكم ا**رت
اقول خربتينا تراني ولد هب بنيه
إذا الزواج جيه ..
الواحد ما يتزوج أحسن ..
اخاف آخر شي من لسانها ..
يفرها بدار العجزة و يتزوج عليها …:D 😉
بس لو نطلع بلاوي الرياييل جان سكتناهم
ولا تنسون مب كل البنات جيه
تتتت مافي مقارنه
عيون الا دار العجزة وبواسطه بعد لي يقبلونها
بس مشكلة البنت لي ترفض فكرة الزواج تثاري روحها خلية وحيدة النواه بتتكاثر اروحها شنسوي تأثير الافلام الم**يكيه والله يخلي سبيس تون.
وايه عن الفلسفه الزايده ترا بنعلنها حرب .
ترى انتو بعد نفس الشي