تعليقات الشباب .

اخواني و خواتي …

بصراحة تعليقات الشباب اللي نسمعها تضحك و فيها شيء من المرح، طبعاً مب الكل، أقصد في فئة من الشباب تضحكك تعليقاتهم و حركاتهم … طبعاً الضحك بصمت بينك و بين نفسك على ع** تعليقات بعضهم اللي تسد النفس و تضايج و اللي يبغون يغيرون الجو شوي فيتسّلون و يضايجون غيرهم .

في يوم من الأيام مرت عليّ في شغلي الجديم مجموعة من الأوراق كتبوها الطلاب ( استبيان لطلاب الثانوية العامة ) و كنا في العشر الأواخر من شهر رمضان، طبعاً المفروض كل واحد يكتب اسمه و احنا نتكتم على الأسماء اللي فيها شوفوا شو كتبوا الشباب:

عند الاسم واحد كتب : دواس آل علف
( متابع جيد للمسلسلات الرمضانية، يا ابويه شد حيلك انته ثانوية عامة )

واحد كتب :الأستاذ الدكتور بخش بن عمبر قمبر بن آل ….. الخ
( طبعاً الاسم تأليف مب اسمه الحقيقي و صاحبه إنسان طموووووووح واااااااااايد و يبغي يستوي دكتوووور)

قبل نهاية اجابة الأسئلة واحد كتب لنا: بارك الله فيكم على مجهودكم
( إنسان يعرف الواجب و الأصول )

الثاني كتب: كل عام و انتم بخير ( بمناسبة العيد ) … مشكورين
( العفـو اخويه انته مشكووور تعبناك ويانا )

الثالث كتب : الى الأمام و بالتوفيق
( الله يوفقك في الثانوية العامة … تعال عندنا لا تسير مكان ثاني )>>> دعاية ببلاش

الرابع كتب : عيدكم مبارك … عساكم من العايدين …
( عساك من العايدين اخويه و ما قصرت )

بصراحة على الشغل اللي كان عندي هذاك اليوم ما رمت اوقف من الضحك و انا اتذكر تعليقاتهم … طبعاً هذي هي التعليقات اللي ضحكتني و نستني تعب الشغل اللي كان عندي و اللي لحد الحين اتذكره من سوالفهم.

بقلم اختكم

ورد الجـــوري …

صدق بعض الشباب عليهم تعليقات ..

لا تساليني عنهم .. نحن اللي عدنا ما نروم نتغدى ساعات من الضحك ..

ما يوقفون سوالف وفوقهم باباتي ^_^