عبير : مرحباااا
مروج : مراحب السلام عليكم والرحمة
عبير : وعليكم السلااااااام انتي متى بتتطورين ؟
مروج : اطور ؟؟:confused:
عبير :هيه ..الناس اتقول مرحبتين ..شيل اول حرفين وحط الباجي على الخدين ..واهلين بنور العين وبوسة على الخدين ..ومن هذا الكلام يعني
مروج :هيه جذي السالفة ما عليه المرة اليايه ان شاء لله بس عقب السلام
عبير : المهم ما علينا شخبارج انتي ؟
مروج : الحمدلله يسرج الحال
عبير : دوم ان شاء الله مو يوم
مروج : دامت ايامج
عبير :هي جي الكلام السنع
مروج : عيل اشلون ..نتعلم منج
عبير :هاه شخبار الاجازة
مروج :الحمدلله ماشي حالها ..بس والله طفرت ملل ..
عبير :مرروووجوووه عن الدلع كل هذا وملل:mad:
مروج : الله كبر شو عندي ..
عبير :اسكتي ..اسكتي
قاعدة في غرفة بروحج ..ما عندج يهال حشرة ونتي اخر العنقود ..الدلع ينقط ..كمبيوتر ونت حقج بروحج ..تلفزيون ودش على مزاجج ..وتلفون وموبايل ..رقم ا**رت ..واستريوا ..وووووشو بعد تبين اكثر عن جيه كل وسائل التسليه عندج شو اكثر عن جذه
مروج : امزين تعالي نمسك وحدة وحدة
الكمبيوتر والنت طفرت منه ما في شي يديد
عبير :النت طااافرة منه جيه والجات ما ادشينه
مروج : فديت روحج .. خليته لاصحابه ..للصيع
عبير : صيع قالت عيل شو فايدة النت من غير جات ..ومسنجر …
مروج :مسنجر اوكي ..بس امنو بكلم فيه غير البنات اللي ااعرفهم ..وبنات المنتدى
عبير:زييين بعد اتعرفين على المسنجر
مروج :ليش يعني؟
عبير : لا ماشي ..انزين كم واحد عندج بالمسنجر
مروج : ولا وااحد
عبير: شالفايدة عيل منه
مروج : لاحوووووول ولا قوة الابالله
عبير :اسفة انزين خلاص خلينا من النت؟ والتلفزيون ؟ والدش
مروج : والله ما اتابع غير جرح الزمن وبرنامج تنوير اللي في قطر وبصريح لعبارة بالشارجة
عبير :والنايل سات ليش حاطينه عيل
مروج : حاطين لي نايل سات علشان سبيس تون
عبير:انتي متى بتكبرين
مروج : يوم بعيز
عبير :انزين وشخبار مبايلج ..خبرت اخوي عن رقمج وقال يبي يشتريه ..عشانه سهل ..وينفع حق كارفور
مروج :باي حق اتقولين رقمي لاخوج ؟ عموما سلمي عليه وقوليه عطيته لاخوي ؟ بس مو عشان كارفور ؟عشان ما لي حاجة فيه
عبير: الله ياااخذج ..رقمج ما بتحصلين واحد مثلة ..كل يوم واحد بيتصل فيج
مروج : خليت هذي السوالف لج
عبير: انتي شفيج متخلفة جيه ..متى بتتطورين
مروج : خس الله التطور جان جذه حاله
عبير: والله كيفج ..انزين شو اخر شريط سمعتيه
مروج : العزائم
عبير: منو المطرب
مروج : هذا اناشيد
عبير : اقول مروج
مروج :هلا
عبير: انتي وحدة ممله معقدة متخلفة
مروج : اهي قويه صح بس بعد مقبوله منج ..دام التخلف جذيه افتخر اني اكبر متخلفة
انتي بسالج متى اخر مرة قريتي قران ؟شو اخر شريط محاضرات سمعتيه ؟؟متى اخر مرة اتصدقتي ؟؟
عبير:قران في ارمضان اللي فات ..محاضرات مافيني صدعة رااااس ..وعن التصدق ترا هاك اليوم شفت واحد جدام الجمعيه وكانوا وراي ناس فاستحيت وعطيته عشر ريال
مروج :بارك الله فيج . رياء يعني
عبير: ويييييي منها
مروج :اقول ..اسمحيلي اختي …بروح الوالدة تبيني شوي
عبير: خلي الشغاله اتروح الها
مروج :لا اهي طلبتني انا حياج الله اختي ..
عبير: انزين لا تقطعينا عيل
مروج : ان شاء الله .وداعة الرحمن
عبير: جااااااااو
وما اقول غير خس الله البنات جان اهم جذيه …والله لو ظهر رقمها عندي مرة ثانيه ما راح اشيل التلفون ..سويت طوارئ في البيت
والسموحة على الاطاله
هاي ربيعتج ؟؟!! 😮 😮 😮 😮
الله يعينج و يعينها ان شاء الله :confused:
هذيلا ***اابيط البنات >>>>>>المعجبات
انا ما عطيهم ويه مالي من هاي السوالف الخربوطيه
بس شسوي غلطة
والله يثبتج يا مروووج
بس اربيعتج مخها واايد صغير تهتم وااايد بالمظاهر اللي ما منها فايده …
انا ما انكر اني احب احصل رقم حلو لموبايلي بس مب للشي اللي هي ذكرته .. ومب للخقه..
وبعدين النت مب بس للشات والماسنجر … فيه سوالف وايد فيه الواحد يستفيد منها…
واسمحيلي
اختكم
او حسد حشا ما ربيعه عديلة
خخخخخخخخخخخخخخخخخخخخخخخخخخ:D 😀
>>>>>>>>>>>>>>>>هذي تحب النايل سات بس علشان سبيس تون
😀
قولي لها لاتقول عنج ياهله انزين:mad:
والسموحة
#G#
هوى الروح كلامج صح 100% ونا ما نكر اني احب رقم حلو ..بس صدق حصلت رقم حلو وموبايل بس شو اسوي فيه ..ما منه فااايدة ..يعني الوالدة عندها موبايل ويوم اطلع كله لازم ايكون حد معاي يعني مالي حاجة ..يوم بسير الجامعة ان شاء الله بطلع لي واحد غيره وعن النت فعلا اهو سلاح ذو حدين وكل حسب استخدامة والله يعينا على الخير ان شاء الله
وجه الخير والله ربعي اللي في المدرسة كله ايقولون اني ااعرف الرسوم اكثر عن الصغاريه >>>>>>شسوي مدمنه سبيس توون
فديييييت اليهال والله
يوم اييونا يهال كله وين مروج
زعيمتهم انا
وتحياتي لكم
اختكم كلكم
مروج الياهل
#G#