اخواني و خواتي …
يا كثر اللي عندهم موبايلات … و كل واحد و شخصيته … و كل واحد و امكانياته …
ساعات تمر بنا مواقف بسبه الموبايلات ومن هني السالفة اللي اباها … المشكلة في نوعية من الناس اسمهم قوم بو رنة 
… ما أدر ي السالفة سالفة امكانيات او غيره … بس هالنوعية وايد منتشرة و ساعات تحطك فموقف حرج … اترك لكم التعليق على الموقف هذا …
كنت في الشغل و واااايد مشغووولة 
و عندي درس و المختبر حالته حالة و الشغل ما ادري من وين ايي 
… و الله ابتلاني بشركة الكمبيوترات و شركة ثانية بتسلم لي اغراض للمختبر و اللي بيوصل لي الأغراض هندي و ما يدل مكان المدرسة .. و مب هني السالفة… السالفة سالفة قوم بو رنة … يعطيني رنة على باله بتفيج ادق له … و حالتي حالة موبايلي ما فيه جرج … يعني استغرب من ناس هم محتايين لك و يعطونك رنة و لو طنشت هذيج الساعة بيتعنون و بيدقون لك …
شو رايكم بقوم بو رنة اللي عندهم امكانيات بس جذه سوالفهم و حركاتهم ؟؟؟
اترك لكم التعليق و اللي عنده مواقف استوت له يخبرنا لو يحب 
بقلم اختكم …
ورد الجــوري
أنا الصراحة كنت ارنن قبل خخخخخخخ قبل الشغل يعني ,, 
الحياة حلوة ,,
بس يوم اشتغلنا خلاص الله يخلي الفاتورة ,,,
بس الهنود مال المطاعم والشركات يغمضون الواحد معاشه الف او الف و 500 شوي لأهله في الهند شوي لأكله او لمصاريف ,,
االمصيبة في اللي عنده وزط مايبغي يتصل ويخسر لا إلا يوم يتصل يرمسج ثانية ويود تدقين يرمسج ساعة ,,
أما عن المسجات اللي تتطرش عن هالناس ويه حدث ولا حرج ,,
أختي الكريمة تسلمين على الموضوع
خاصةاذا كنتم تحضرون مواد شديدة الأشتعال … أو … سريعة الأنفجار ..
عشان يقولون الجوال في كهرباء استاتكية ….. شوفوا نبيلوووووه ..مهندس
ويش يقول لكم في الموضوع الكهرباء الاستاتكيه …
والواجب نتبع أصول السلامة في شغلنا ….. يعني نقفل الجوال على طول
مشكور أختي على الموضوع …
بس أحس العامل اللي راتب شوي شو بيلحق يسوي ،،،
يعني سالفة المطاعم وغيره أكيد بيعطي رنة،، خاصة أن كذا شخص يدقون له
في اليوم الواحد ،،،
وهم ناس على قدهم ،، اعتقد ما فيها شي لو يعطون رنة ،،،
مشكورة ع الموضوع ،،، وفقك الله ،،
بنت خالي اكبر مثال على قوم بورنه ع قولتج ..
24 ساعه ادق رنات بدون هدف ^_^
و اذا ما عرفته طنااااااااااااااااااش
بس بصراحة هذا نظام بخل معمول به عالميا
و تسلمى اختنا الفاضلة ورد الجورى على التميز الدائم فى طرح المواضيع
وهو حليله طيب يرد ويدق لي بس مشكلته ما يقولي السلام عليكم سيده بوووو رنه ما يدخل الجنننننننننه .. ومن العاده انا ما دق لحد رنه الا له هو .. يعيبني اغايضه مرات لو عندي رصيد بس جذي
((( الرنة ما تدخل الجنة ))))
و سلامتكم
اللوم ع اللي عنده ويكون لحف …ما اعرف شو نوعية تفكيرهم ما يحسون بالاحراج جدام الناس من حركاتهم هاي خاصة وهم موظفين وعندهم راتب
بصراحة يوم اشوف هالنوعية يطيحون من عيني …
تطلبين وجبة وساعة مابيوصل لج الوجبة يرن فوق العشرين مرة ,فقارى وم***عذرهم صح بس يزودونها وايد,يعني مايكفيهم رنه اورنتين لا, اكثر من خمس رنات كل دقيقتين
وبالنسبة للمعارف فاللي اعرف ان هاطبع فيهم احقرهم ويردون يتصلون مرةثانية 
واللي مب متعودة منهم هالحركة يوم اشوف اسمهم ارد اتصل فيهم
وتسلمين على طرح هالموضوع
والله ذكرتيني بسالفة أمس
مثل ما تعرفون البطايق اليديده ما تشتغل على تلفونات البيت ، خدامتنا مشتريه بطاقه وعطتني وقالت لي دخليه في موبايلج أبي اتصل بنغلادش ، قلت أوكى دخلت البطاقه
وتصلت على الرقم وطلبت وقعدت تكلم في الموبايل وتضارب ما عرف شو تقول وبندت الموبايل ، ولا أشوف فجاه مكالمه خارجيه كل ساعه يدقون رنه رحت وقلت : آنا هذا في بلاد مال انتي يتصل ، قالت لي : مافي يرد (معصبه) هي ما تبى ترد وانا ابتلش في بو رنه فوق 30 مره اتصلون لين ما عصبت وغلقت الموبايل .
مثل ما قالوا الأخوان اللي يتصلون رنه هذيله أغلبهم يكونون ذوي الدخل المحدود
وفي فئه من الزط اللي فيهم يدقون رنه
الحمدالله أني بعيده عن قوم بو رنه (في عمري ما جربت )