بما إنا طالبات شارفنا على التخرج …
لازم نطلع فترة تدريب لأي مؤسسة من اختيارنا
في البدايه كنا محتارين … وين نسير .. ومتخوفين من إن المكان ممكن ما نرتاح فيه أو يصادفنا ناس صعب إنا نقدر نتعامل معاهم ..
اتوكلنا على الله واخترنا أحدى الدوائر الشبه حكوميه في إمارة دبي ..
كنت أنا وزميلة لي .. شغلونا في قسم العلاقات العامة بالمركز …
صراحة كنا مستانسين … على الأقل شوي بنفتك من صدعة الجامعة وواجباتها وبروجكتاتها …
فترة التدريب كانت 8 أسابيع …. كنا نشوفها مده طويله ..
وكل اسبوع كنا نشوف كم باقي على ما ننتهي ..
صراحة المكان كان وايد حلو يحتوي على موظفه هنديه .. انجليزيه .. عراقيه .. مواطنه .. سوداني
طبعن محد كان يهمنا منهم غير اللي بتكون مسؤوله علينا … طلعت (الهنديه)
لازم نقردنها ونسمع كلامها .. تراها بتكتب فينا تقرير … ppp ppp
أول يوم شفانها أوكي … بس الموظفين الباقين كانوا يحذرونا منها … ما كنا نصدقهم !!
كنا نقول لا والله زينه وطيبه وحبوبه … طلعت ع** ما كنا نتصوّر تماماُ !! ..
– الإنجليزيه ما كان لها خص في حد .. بس اذكر ثاني يوم من داومنا عطتنا نسوي لها بحث في الإنترنيت عن موضوع معيّن .. 10 دقايق وإلا نحنا امحصلين المعلومات اللي هي طالبتنها … عقبها ما تمت تعطينا شغل .. شكلها خافت على منصبها … !!
– العراقيه .. صراحة كانت مثال للموظف الهادي اللي ماله خص لا بفلان ولا علان .. تخلص شغلها بكل هدوء … وهذي أكثر وحده انعجبنا ابشخصيتها ..
– المواطنه في البدايه كنا نشوفها وايد متملله من شغلها وكنا نحط عليها .. بس اكتشفنا عقب شو اللي كان يدفعها لهذا التصرف … صراحه من حقها … لا جو يساعد على العمل ولا زملاء عمل مثل الناس !! الكل شايف نفسه ويتحرى عمره أحسن عن الثاني ..
– السوداني .. هذا 24 ساعة يدّعي المرض … يوم يداوم .. وعشره غايب … وإذا داوم يستأذن من الدوام ويطلع وزوجته تتصل على المكتب وتضاربنا ليش نحنا نرد على تيلفون مكتبه ؟؟؟؟ شو تغار ؟؟ يمكن 😉
بس الهنديه كنا صدق منخدعين فيها … طلعت وحده نسرة .. وخبرونا عنها سوالف وامسويه مشاكل للموظفين هناك …. أنا من خبروني وكرهت التعامل وياها .. وكرهت الشغل من الأساس :(:(
كل يوم كنت اطالع التاريخ واشوف كم باقي لي عسب أخلص فترة التدريب وأفتك .. لكني كنت اتغصص لما اذكر بروجكت التخرج اللي يتريانا 🙁
تعاملنا كأنا أطفال … ما تدري باجر بنتخرج وبنقدّم على وظيفه ..
تتعامل معانا كأنا أغبية وما نفهم شي !!! عيل نحنا ليش دارسين ؟
والله ما اقص عليكم إن في بعض الأشياء نحنا فاهمين فيها أكثر عنها !!
نحنا يالسين … عادي اتم تفاتن علينا .. ابكيفها .. ما تبانا نيلس بدون شغل .. يوم هم ما عدهم شغل نحنا من وين نييب الشغل ؟ :confused: :confused:
بس ابا اعرف الموظفين كيف قادرين يداومون في مكان بنعدم فيه روح التعاون ..
ونفااااق لدرجه .. حدث ولا حرج .. جدامك ابويه وراك ابعشر ويوه ..
صراحه أنا كرهت الشغل لو إنه جذي ؟؟؟ ما بشتغل عيل يوم بتخرج …
بس يا ترا هل كل الأماكن جي ؟؟؟
من خلال كلامنا مع بقية الطالبات اللي ادربوا في أماكن ثانيه … لقينا نفس النتايج …
ليش يمكن عشان نحنا متدربات وموب موظفات ؟؟؟
وإلا شو رايكم انتوا ؟
:confused: :confused: :confused:
وعون اخواتي
اخوك
احمد
بس يمكن مثل ما تقووولين لانكم متدربااات يعاااملووونكم بها الطريقه … ويمكن بعد علشاااان يثبتووون عمااارهم عليكم … ما اعرف
الله يعينا يوووم بندرب ….:( 🙁
المرعب والاجر على الله 😮
:confused: شو سسسسالفة
راح تشوفين ان نفس الشي صار لي … من المسؤوولة .. اللي كانت علي ..
وصدق حذروني منها …
لكن انا توقعت الع** يكون بس صدقوا ..
وشو نهايتي في التدريب … فصل من التدريب … كورس كامل ..
بس الفرق انا هاي .. مواطنه … موب هندية المسؤولة ..
على فكرة …
بقولك نقطة مهمة …
لاحد يزعل من البنات …
~~~~~~~~~~~~~~~~~~~~~~~~~
البنت ضعيفة الشخصية .. هي من تعامل الناس بأسلوب وقح و تريد فرض رايها .. اذا كانت مسؤولة عن شيء ما …
هذه النقطة يمكن انتي تريدين تقولينها … لكن ما استنجيتيها ….
اي بنت ضعيفة الشخصية … تريد فرض رايها وهي بموقع مسؤولية … مسؤولة على بنات او رجال ذاته … تكون فرعون عليهم …
وايضا الرجل … نفس الشيء ..
اما الشخص ذو الشخصية الطيبة والمحبوبه … والقوية… ممكن يفرض كلمته … بكلمة حلوة فقط …
من غير تجبر ..
aalrshed
الله يكون في عون الجميع 
الوعـــد
يوم بتوصلين لهاي المرحله .. كوني حذره .. ومافي مكان أحسن عن الثاني ترا كل الأماكن فيها الزين والشين … والنفاق تراه موجود في كل مكان … وقوم عشر وجوه متواجد منهم بكثره … جدام هذا الموظف ابويه .. ووراه ابويه ثاني .. ومع غيره أحسن عنه ماشي !!!! شو هذيلا الناس … 😡
الكل عارف نوايا الثاني والله موب عارفه كيف كل واحد له ويه يكلم الثاني ويتعامل وياه !!
المرعب
son_son ppp ppp
يمكن ما مريتوا ابهاي المرحله .. وإلا يمكن انتوا مرتاحين في شغلكم ppp ppp خلونا نعبّر عن راينا ونشوف راي الجماعه
star2020
قريت الموضوع قبل فتره … وشفت إن أغلب المتدربين يعانون من هاي المعاناه … الكلّيه لازم تكون على علم بطريقه معاملتهم لنا … ونحنا خبرنا المدرسين .. يعني نحنا دارسين اربع سنين وآخر شي يحتقرونا ولا كأنا نعرف شي !!!!
واللي كانت صدق تنقهر منه إن كل يوم الصبح نحنا نوصل قبلها وهي دوم متأخره … تموت قهر كانت ppp ppp
والله الله يستر على التقييم اللي حطته لنا … :confused:
ثقافتى الانجليزيه good morning
بس الظاهر انه الموضوع خطير
و لا عزاء للمتدربات
باكر تكونين مكان الهنديه…………..و العراقيه تعرس و تسير
و السودانى ينام فى المستشفى…….و المواطنه تاخذ اجازه امومه
و ما يبقى غيى انتن …..خذن راحتكن………و طرطعن كما تشئن
بصراحه خفت أول ما قريت العنوان، ما أعرف ليش؟؟؟؟؟eek: 😮
بس الحمدلله الله ستر وعدت على خير، بسير أدوخ صلب أريح أعصابي والله لا يبارج فيج….شكلي خيست عمري من الزيغة:( 🙁 🙁 🙁 :
لو تخلص كل الأماكن ما أشتغل عندهم … ppp
Jnoon 😀 😀
لو كنت تشتغل في نفس القسم اللي نحنا كنا فيه .. عادي كنت لقيت عمرك في الموضوع ppp ppp
جورجي .. الدور ياينّج ppp ppp ppp
بس على ما ظن ان تعاملهم مع بعض نفس الشي مب لانكم متدربات وها الشي عرفته من خلال تدريبي في الصيف الكل يتكلم عن الثاني مع ان يوم اجوفهم يالسين عند بعض اتقو ل هاذيلا مافي احسن منهم
(مع تحياتي…سلوم) و السموحه