بين سطوركم . الحلقة الأولى .

في الويك إند، تبغي ترتاح من كل الهموم إن كانت دراسة، عمل أو حتى بطالة. تحركت بالسيارة… مريت عند جامعة أو كلية أو حتى مدرسة ((بالغلط!!))، شفت شي… والا أقول أشياء تعور الــــــقــلب… قلب واحد مثلي يمكن، أقصد بالشششي اللي شفته… شفت طيور ، شفت شي زلزلني… عقب قلت سبحان الله (له في خلقه شؤون)!

شو بقول أو كم بقول على مدح الطيور ما بقدر، والا أقولكم ارقبتي بتعورني ترى الطيور فوق، كم بطالع لكن بنزل راسي… أظنني بسكم،،،، فهمتوا شو السالفة!! يمكن؟؟

السالفة وما فيها، إني أحاول أوصل إلى لغز الطيور… وأحاول أحل هاللغز إللي شاغل بال وايدين…

أني واي، كفاية ألغاز… مريت عند جامعة في فريجنا وشفت بنتين ((بالغلط))، ومريت عند كلية من الكليات وشفت بنتين ((بالغلط))، ومريت عالرقة وشفت بنتين ((بالغلط))، ودخلت سيتي سنتر وشفت بنتين ((بالغلط))…………… وحدة شفتها قلت إن هاي وحده محترمة وكنت أعتز إنها بنت البلاد…… والثانية قلت إن هاي ما تستحق حتى كلمة ((احترام))… ليش أنا بهالسرعة اتهمت البنت انها غير محترمة؟؟!! …………… بكل صراحة وأمانة، أنا شفت شي واحد هو ((شيلتها))!! كانت الأولى لابسة شيلة ومغطية شعرها وما حاطة إلا يمكن نقطة ميك اب،،،،،، أما الثانية، الله لا يراويكم… والله ما اعرف ليش هي حاطة هاي الشيلة على راسها والشعر كله برع،،،، أنا اتمنى اعرف ليش هاي حاطه الشيلة على راسها…… لو كنت بنت،، عادي أقولها روحي اغسلي ويهج خلي نشوف الفضايح اللي حاطتنها على هالويه،، احترمي ويهج،،،، بيشتكي عليج… أوكاي،، تألمت وايد على هاي المناظر،، وتميت أقول هاي ما عندها أهل،،، لو كان عندها أهل،، شو بيقولون؟؟ بيقولون هذا تحضر… هذا مب تحضر هذا تقـ……… ،،،، بعدين ركبت السيارة وروحت شارع الضيافة،، وكانت وحده بسيارتها وراي،،، من 40 دقيقة يالسة تعدل شيلتها، أوَنها كل ساعه تطيح… والله لو ما بغيتيها تطيح في وايد طرق تحافظين فيها على احترامج وشيلتج… بعد الضيافة،، خذت جوله في جميرا… يت هاي أم الشيله وراي ودقرتلي، لفيت يمين وعطيتها مجال، بس الاخت أم الشيلة، ثبتت على نفس سرعتي، يلست أفكر أقول ليش هاي ثابته على سرعتي،، فخفييييييت سرعتي، وخفت هي بعد… قلت لا يمكن بتاخذ اليوتيرن اللي عاليسار،،، طفت اليوتيرن وما لفت… دست الريس ووصلت عند سرعة 100 كم/س.. وداست… كنت مسكين وعلى نياتي……………… والله بنات آخر زمن… بنات الرريس… وايد أضحك يوم أشوف هالسوالف جدامي… المهم شردت عنها،، وفكرت أرد البيت،،، وأنا راد شفت الاخت أم الشيله داعمه هندي يعبر الشارع!!!! الله راواج

أنا يمكن ألخص أسباب وضع الشيلة على هاي الطريقة في هاي النقاط:

1.فيها عقدة النقص، يمكن عشانها خسفه

2.اتدورلها زوج صايع،،، ياخذ عليها وحده محترمه بعد فتره

3.يمكن تكون روسية لابسه شيله، عشان ما يزخونها التحريات

4.وفي وايد أشياء ما اقدر اقولها

والله يا بنات صدقوني،،، يمكن انتوا تعتقدون إن يوم تكشخون، الأولاد يتخبلون،،، صح في أولاد يتخبلون بس هالأولاد بيقولون شو هالبنات مال يومين والا ثلاث… ما في واحد يفكر ياخذ وحده مب متحشمه، مب متحجبه… نحن نشوف المتحجبه بنظره مختلفه جداً، بس محد يحس……… انتي تع**ين صورة تربيتج وأهلج للدنيا…

عرفتوا الحين منو هالعصافير!!

انتظرونا في منتدى الإمارات للأبد ….