عاد احينه استحملوا سوالف بومييد الجديمة ..ppp
لو اني أمس لاحظت في احد المواضيع انه مواضيع قصة
حياة العضو غير مرغوب فيها .. لكن ماعليش ..:cool:
خلوني اقولكم شي ..
بعض الأعضاء الله يهديهم يحاولون انهم يخلون المنتدى
من أوله الى آخره افادة واستفادة ..(رسمي)
انا معاكم في هالشي
.. لكن هذا مايمنع من ادخال بعض
المواضيع اللي تروّح عن الواحد ..
طبعا هاي وجهة نظر .. لا بعد تستوي حرب بعد هالتصريح ..:D
ــــ
المهم …
كان عمرنا تقريبا بين 13-15 في هالفترة ما عرفنا شو
السالفة .. الشلة ماتبا تيلس في الحارة ..
الجميع تقريبا 10 نروح السيح (البر)..
بعض الايام نروح نييب ولاد الحمام البري من العشوش مالتهن
ونربيهن بيت واحد منا في قفص كبير:p .. حتى ان آخر مرة
عديناهن فيها كان العدد 66 … لكن بعدين ما أعرف شو ياهن
ماتن مرة وحدة في اليوم 5 ومرات 8 .. 🙁
وبعض الايام نروح نحرج سمر:eek: .. أكيد تعرفون السمر
السمر :- شجر لاينمو الا في البر وهو كثير الشوك ( حلوة الفصحى):D
المهم
حراج السمرة ماكان يحتاي أي تعب .. نييب تايرين من المحرجة
ونحطهن تحت السمرة .. وشوية بترول وعود كبريت .. ppp
تمينا على هالموال أكثر من اسبوعين ..
تعرفون آخر شي شو استوى ..:confused:
يات ورقة من البلدية عند الشيخ ….
يسألونه السمر وين يروح …:confused:
واحد من الشلة .. الشيخ خاله فعرف الموضوع ..
الا ايينا .. ايه انتوا ..:eek: هاه .. قال رحنا وطي ..
شو هناك .. والله السالفة جيه جيه ..
ماشي .. تمينا مانروح البر .. لين ماهدت السالفة ..
وسمعنا انهم لو مسكوا اللي يسوون هالشي بيسجنونهم 😮
وبيدفعونهم تقريبا على الشيرة 15 الف درهم:eek: .. (1500ريال)
أونه المحافظة على البيئة ..:D
ــــ
تحياتي ..صديق الكل
بخبر عليكم:p :p لكن اذا خبرتني .. حتى انا بخبر … 😮
ذيج اليوم … ايوه يوم شو اسمه … :confused: انتي ومو اسمها ppp
هيه … أكيد عرفتي …. اذا رمستي .. بقول كل اللي عندي … 😀