بومييد والعسل

شحال ناس أحلى منتدى في العالم .. #G#

بصراحة .. ما اعرف ليش مرتاح من هالمنتدى .. ان شاء الله دوم

ــ

بخبركم سالفة مستوية يوم كان عمري 12 سنة تقريبا

يعني بعدني ياهل ..:D

انا وواحد من اهلي رايحين نتمشى في النخيل (المزارع)

طبعا المزارع قريبة من بيوتنا تقريبا أقل من 500 متر ..

المهم .. الا نتمشى شفنا عسلة ( خلية نحل):eek: .. وااااو

هاه فلان .. قال احينه بنشلها ..

زين .. رجعنا البيت ويبنا ملّة ومنشار وسكين كبريت ..;)

هاي كانت اول مرة نقص عسل فيها ..

أونا عاد شايفين أهلنا كيف يقصون من قبل .. 😎

اكيد تعرفون .. يسوون دخان عشان يشردون الذباب ..

هذا ربيعي .. لأنه أكبر مني بشويش 😉 .. اهو اللي مسك السالفة ..

ولّع داخل ورقة وجان يحطها تحت الخلية ..

أونه عشان يسوي دخان ..

قسم بالله ان الذباب تم يتناقع 😀 .. بدال لايسوي دخان

راح مخلي الورقة واهي والعة تحت الخلية .. بف بف طاخ 🙁

لكن عاد شو استوى .. :confused:

الا تنجلب السالفة ويستوي هجوم معا** … 😮

أركض لاتركض .. لو أبوك عدالك بتقوله رح ول ..:D

والله طاح يلسعنا لساع .. 😡

شردنا وودرنا الاشياء اللي يايبينها .. نعم اذكر اني واصل

البيت ركض .. ما وحنا ساعة ساعتين ..

الا الواحد منا ويهه تقول طبل .. :p 😉 😀

يومين ماظهرت من البيت .. بس اتفرك بلومي 😀 .. طب شعبي

ومنها ما تقربت خلية نحل لليومppp .. الا اذا اطالع من بعيد

ـــ

تحياتي .. صديق الكل

اسميك شيطان صدق … والسموحه

وتفرك بلومي بعد

هههههههههههههههههههه

أخوكم عين الغزال

لا لا .. انا ماصدق ان عمرج 12 … ppp

ــــ

مرحبا اخوي عين الغزال شو تسوي … ايام زمان مثل مايقولون:D

الصراحة .. ماشي أحسن عن اللومي اذا فصك ذباب العسل :p

ــــــ

عاشق_m يحليلني بعدني صغير يومها … 😉

ـــــ

وعود #G# مانستاهل قالت … لو اخبركم سوالفنا مالت قبل ..

والله لتمسكون راسكم …:eek:

ان شاء الله في المواضيع الياية 😎

ان ماخليت الذباب ايي هنيه المنتدى … 😀

ــــ

والا أقول قرموشة .. موضوع حوادث الشل وين راح ..:D

حلوه..
مشكور على هاي السالفه..

اش رايك نروح انا وياك ندوّر عسل في البر ..:p

لكن على الشرط ؟؟؟:confused: :confused: :confused:

القص عليك !!!!!:D 😀

أنا لو منك ما اتطااااااااالع بعد

😀 😀 😀 😀 😀

بعدين تعال شو ياب الذباب للعسل:confused: أحيد النحل هو اللي يصنع العسل

مشششكور اخوي على القصه

<== مريت بنفس الموقف تقريبا

ههههههههه

بس في البيت

😀