كيف حالكم …
عندي استفسار بسيييييييط يا ليت تساعدوني بس…
شو رايكم بمدرسه الورديه لي بالشارجه؟
من ناحية التأسيس والتعليم
وروضة الدراري لي بالشارجه؟
من ناحية التعليم والتأسيس
ومدرسة سلمان الفارسي هممممممم بالشارجه؟
خصوصا هاي المدرسه واايد قاريه عنها بالمنتديات واللي قريته كله سلبي مافي صوت ايجابي غير صوت او صوتين
ف إن شاء الله ما تردوني …
بالنسبه للسلمان الفارسي انا درست فيه سنتين أول وثاني أيام أول
اذا تبين تعليم ديني وحفظ القرآن وهالاشياء هم وايد يعتمدون على هالشي
وبالنسبه للورديه : عيال ولد أختي هناك اوكى في التأسيس ويمدحونه
أنا أختي تودي عيالها مدرسة البصائر على ما اعتقد جي اسمه
وايد اوكى من ناحية التعليم الدييني والانجليزي اختي ما شاء الله عيالها 5 كلهم درسوا اول 3 سنوات هناك
ان شاء الله البنات يساعدونج
تحياتي لليميع
اليوم المعلمات كانوا يرمسون عن المدارس
مدرسة الوردية من ناحية التأسيس وايد زينة و بالذات الانجليزي
روضة الدراري ما ادري عنها ..
اما مدرسة سلمان الفارسي درست فيها قبل لما كنت صغيرة
من ناحية التأسيس الديني و تحفيظ القرآن >> بصراحة ممتازة اما باقي الأشياء فهي اوكي لكن إسألي و استفسري أكثر و الله يعينج