تخيل نفسك قلت لي كلمة وعقب ساعة شفت عمرك ما تروم تدخل المنتدى
يعني مسوين لك (على قولة الخقاقة) كيك آوت 😀
لا تصدقون عاد
تعودنا في هذا المنتدى الصراحه وعدم الزعل
ومن حق الواحد يقول اللي يباه (طبعا بحدود)
(طبعا هذا كلام كل المشرفين في اي منتدى في العالم)
لكن .. في احساس في داخلي
(وهذا الاحساس تكوّن من خلال ردود الأعضاء ومن الردود الخاصة)
إن البعض منكم يتردد في ردوده علينا كمشرفين
أو ان رده مخلوط بشوية ماي من المراعاة (افهموها وهي طايره عاد) 😎
شو هو تعليقكم؟
وهل ردودكم تختلف باختلاف المشرف اللي بتردون عليه؟
وإذا حبيتوا تقولون أي شي بعد احنا حاضرين (لا تقولون احنا مب ديمقراطيين) 😉
(ملاحظه: في ناس بيطلعون لنا وبيقولون احنا ما نخاف الا من ربنا وما علينا منكم ..
وانا بقول لهم: واحنا بعد نخاف من ربنا وانتوا تهمونا ..
وبلا طولة لسان وجاوب على قد التساؤلات المطروحه
ولا تسوي عمرك واحد ####) 😎 😎
الســـــ 
ـــــؤدد
ميلووووووووودي ما تجامل
بختصار ما تخاف من المشرفين … يعني عااااادي
مب الكل في بعضهم يحسسونك بفارق العمر … في هذي الحالة تحترمهم و ما تعاملهم شرات الصغاريه
فقط لا غير
مشكور بابا السؤدد … هذي مب من خوف او مجاملة بس لأنك مشرفنا الديمقراطي 😀 😎
الصراحه أخوي السؤدد أنا من النوع الي يراعي ردوده على المشرفين مب خوف طبعا
بس مادري ليش يمكن بسبب فارق السن وعلينا ان نحترمكم .. :rolleyes:
بعد في شي في خاطري بس متردده 😀 😎
يعني بغض النظر عن كونك مشرف …. هناك اعتبارات اخرى للرد تتدخل في الرد .. واهمها بالنسبة لي ( الشخصية ) …
واحيانا الموضوع يتدخل في اسلوب الرد … وطبعا الموضوع يع** شخصية صاحبه … يعني رجعنا لنفس النقطة …
اخوي السؤدد … موضوع يتماشى مع عصر الشفافية والديمقراطية … الله يوفقكم 😎
همسة ديمقراطية … اخيرا عرفت سر كتابة السؤدد باللون الاحمر 😉 …. وكل تمنياتنا لنادي العين بالفوز اليوم ان شاء الله
يجب ان يكون الاحترام موجود لدى الجميع… ليش فقط المشرفين ولكن جميع من هم
متواجدون في المنتدى… سواء كان صغيرا او كبير…
وهذا كله لا يبين ان الخوف من هذا وذاك… ولكن يجب ان يكون ردا مناسبا ومحترما
في نفس الوقت لكل من الاعضاء
وبصراحه انا اخجل ان امزح مع اخينا السؤود او الاخ نبيل.. او مشرفنا الحسام… لانهم
ماشاء الله قمة في الثقافة.. والاحترام…
وطبعا ليس هذا الكلام لان الاعضاء لا يتصفون بهذه الصفات ولكن ايضا احس بانهم
يكبرونا سنا:D
قد اكون خرجت عن الموضوع ولكن هذا ما فهمته ورغبت في ان اكتبه:rolleyes:
مرحبا اخوي السؤدد
صراحه اذا الموضوع عجبني اردمولازم كاتب الموضوع مشرف اوعضو اهم شي الموضوع نفسه هل يستحق الرد اولا
وجهت نظر جايزتكون صح وجايزتكون خطا.
اعتقد أن ما يميز هذا المنتدى هو أن الاحترام موجود لدى الجميع…
كما أن شخصية العضو سواء كان مشرف او لا .. هي اللي تفرض نفسها في الرد على مواضيعه ….
بالاضافه الى أن مشرفينا على قدر كبير من الاحترام والثقافه والفكر الراقى …
حياك الله اخى العزيز
ميلودي
ومنو هالناس اللي يحسسونج انهم صغارية: أدري انه سؤال محرج
الله يحفظج اختي
جزاج الله خير على مرورج الكريم
الشبابية
شو هو هالشي اللي في خاطرج ومخلنج متردده؟
نوارا
اتفق معاك بأن شخصية العضو هي التي تحكم ردودنا
ولكني لا أحب لفظ الديمقراطية وأفضّل الشورى
تراني مب عيناوي لكني اتمنى لهم الفوز وهذا واجب وطني
صرخة الم
لم تخرجي عن الموضوع بل كلامك في صلب الموضوع
كلام جميل من اخت اكن لها كل الاحترام والتقدير
بارك الرحمن فيك اختي الكريمة
sg111
للأسف لم تجب على تساؤلي
أتمنى انك تقرا لموضوع جيدا
جزاك الله خير
خالد
دائما ردودك تتسم بالرزانه التي تع** شخصيتك
لا تحرمنا من مداخلاتك الرزينه والمتميزه
هذيل الناس ما احب اتعامل وياّهم وايد بس في ناس ( مشرفين ) يعني عادي
تحسهم جريبين لك لو حتى أكبر عنك بالعمر هذيل … عااااادي
الحمدالله أنا أعتبركم كلكم أخواني
وام أفرق 😀
وردودي على مشرفين نفس الأعضاء
كخخخخخخخخخ
وسموووووووووووووووووووووووحه
انا بصراحة أتعامل ويا المشرفين شرات ما اتعامل ويا باجي الاعضاء
يعني مثلا
انا قبل وايد كنت احط عليك 😀 😀 😀 واطلع اللي فقلبي:D ( اسمحلي
)وكان في شد بالكلام او بمعنى ثاني اختلاف فالراي بيني وبينك .. كنت شوي واضربك 😀
وبعدين طول ما انا امشي صح ماشي مجال للخوف
وتسلم اخوي على الطرح
السموحة
السموووحة منك يا بومنصور طولنا عليك
تحياتي#G#