بصراحه ..احن كلنا في هالمنتدى ..نعرف بعض ..واكثر شي عرفناه..هو الجانب الخير فينا ..صح ولا لا ؟؟
معروف الكتابه غير الكلام ..يعني اللي يكتب يثمن الكلمه اللي يكتبها ..ويدور على افضل العبارات في الكتابه ..ع** اللي يتكلم ..ما بيكون عنده وقت يفكر في الكلام اللي يقوله ..صــــــــــــح
المهم اللي ابغي اعرفه ..شو الصفه اللي في شخصيتكم ..واتحسون انها مب زينه وينتقدها الناس اللي حواليكم .. وتفكرون انكم اتغيرونها للافضل ؟؟؟؟
اتمنى الرد من اليميع 
وسلامتكم
بصراحه انا من النوع ..اللي اعصب بسرعه ..بس الحمدلله ما شل في خاطري لاني اظهره في نفس الوقت:D ..
بس المشكله اذا رمسني اي انسان وان معصبه ..احط الحره فيه ..والله اني اندم على هالشي ..بس والله ماكون قاصده:(
والحمدلله ..الحين احاول اخفف منها.. والكل لاحظ هالشي .. بس التغير يبغيله صبر ..وكل شي بالتدريج حلو ..:p
يالله اللي بعدي
ويا حد بس مشكلتي صراحتي اللي اكثر من اللازماللي تخليني مرات ازل
في الكلام بدون قصد يعني مرات اقول لوحدة شي هو صح بس تكفط بس
ما يكون قصدي اني اجرحها يكون قصدي افهمها وجهة نظري :rolleyes:
وبعد الشي الثاني اني اخذ فكرة عن الشخص من اول تصرف له ويايه
يعني ماغير النظرة الاولى لوهي غلط
تسلمين ع الموضوع والسموحه#G#
إنني لا أحب الضحك كثيرا.
و لا أحب من يضحك كثيرا فإنه يبدوا لي سخيفا و تافه و أنا لا اطيق هذه النوعية.
لا أحب أن يجادلني أحد في مسئلة و أنا على حق.
لا أطيق الإنتظار أبددددددددا
لا أحب المجاملة و لا أحب من يجاملون و يكون الأمر واضح عندما يجاملون
آآآآآه و أشياء كثيرة دعوها في القلب فإنه سيبدو لكم كالسم الهاري.
أخووووكم……
وهل يومين مشغولين وايد بسبب شي وايد غريب ويمكن تلاحظن اني مادخلت باي موضوع احترق بيتنه السرداب والصاله والغرف الي فوق
يعني الحمد الله على كل حال لكن بعد الخدم وما يفعلون
طلعت عن الموضوع المهم اختي المغروره والله هذا شي والي الثاني وايد ادقق بالشي بشكل فضولي يمكن عن غير قصد لكن احب اعرف الشي كامل
ومشكوره والله على موضوعك الجميل
هجرني زماني وعانيت ليتك مكاني وداويت
يا جماعه اعذروني هل يومين بسبب الشغل والبيت بعد راح اطول يمكن يومين او اكثر انشالله مااطول
اخوكم اموت بالكيك
ثانيا : زعوووله ازعل من اتفه الاسباب
ثالثا : اشويه ملقوفه 😀
رابعا : صريحه جدا اي شي في قلبي على الساني لدرجة أن الشخص اللي يدامي ينحرج من كلامي ويتفشل بس أنا هب قصدي أفشله 🙁
خامسا : وعنيده جدا جدا جدا
سادسا : صيااح أصيح واااااايد
وبسسسسسسسسسسس #G#
و عصبي درجة أولى عادي أقطع اليي جدامي لو عطس بالغلط يعني ..:D
هاذا من الناحية النفسية ..أما الناحية البدنية ..فما أبا أخرعكم 😀
خلكم ترقدون زين الليلة ..:D
فيه عيب انا وايد اتضايق منه والبعض يقول لي ياحظج هاي نعمه
في اغلب الاحيان لا اكثرها اقدر آخذ انطباع على الشخص اللي جداميه ان شاء الله
اول مره اشوفه وتصدق هذه الانطباعات
طباعا البعض يقول ليش تتضايقين بالع** هذاشيئ وايد زين
ارد واقول : المشكلة يوم يكون هذا الانطباع سلبي يعني مب في صالح هذا الشخص
اشوف نفسي بتلقائية اتصرف بجفوه واحيانا تكون شديده مع انه الموقف ما يستلزم
ولايكون هالشخص تصرف باي شكل ابرر موقفي منه لكن مجرد احساس
في هذا الوقت يقطعني اللوم واحس اني ظالمه واتجنن يوم الايام تثبت لي صحة احساسي .
( الاهل مستغليني في اختيار الخدم!! )
:(الاخ اموت بالكيك : سلامات المهم سلامتكم والله يعوض عليكم بقصر في الجنة
اقول أن الوسطية نجاة من الهلاك
تمام السعادة مبني على ثلاثة أشياء
1- اعتدال الغضب ؟؟؟؟؟؟ اتمني ذلك
2- اعتدال الشهوه ؟؟؟؟؟؟
اعتدال العلم ؟؟؟؟؟؟؟؟؟؟؟؟ ( وخير الأمور أوسطها )
مشكوره اختي ويزاج الله خير ع الرد
*»The Prince«*
ما شاء الله عليك اخوي ..انسان جدي ..بس ازياده عن اللزوم:p
مشكور اخوي وتسلم ع الرد
اموت بالكيك
انت مغرور:eek: ..سبحان الله
مشكور اخوي ..وتسلم ع الرد..
والحمدلله ع السلامه ..
صدى الأحزان
اللي فهته من كلامج ..انج دلوعه …وهذي نتايج الزعل
لمهم ..مشكوره وتسلمين ع الرد
مشكاك
سبحان الله ..كثر ما الوحد يكون مصخرجي ..كثر ما يكون عصبي ..
واصدق هالصفه عند الخوال ..اتحصلها اكثر شي:D
مشكور اخوي وتسلم ع الرد
ورق الورد
العفو اختي ..
مادري بس ماحس ان هالشي غلط ..بالع** شي حلو ومفيد في نف الوقت ..
اتعرفين اتميزين بين الزين وبين الشين ..وهذا احسن شي
مشكوره اختي وتسلمين ع الرد
المحب للخير
مشكور اخوي ويزاك الله خير ..
وتسلم ع النصيحه
انا من النوع اذا بغيت اسوي شي اكون مقتنع فيه (ولو كان غلط)
لازم اسويه لاااااااااازم بدون ما اهتم لاي شي و مرات اعرف انه هالشيء اللي بسويه ممكن يسببلي مشاكل بس شو اسوي(تحدي للذات )
—————–
معروف في العيله (راسي حجر)اكبر معاند في البيت 😀
—————————–
فيني برود فظيع مع المشاكل اللي تصير حولي 😀 😀
يعني بو لابس:D ما اهتم
😀 😀 😀
————-
طبع يديد اكتسبته في الاجازه(ال**ل )
هههههههههه:D
موضوع حلو تسلمين عليه ..
أما عني أنا …
فالكل يقول اني اتفلسف يعني العالم كله يشوف الشي من منظور واحد وأنا أشوفها من منظور مختلف تماما …
يعني يقولون عني فضولي لأني احب اسأل .. منو اخترع الكواية منو اخترع الزجاج …
منو اكتشف كيف يتسوى الغوزي 😀 😀 اسميني احشر الوالدة … بضحكج يوم أسألها كيف سووا الغوزي أول مرة تقول لي كان شي حرمة تغلي ماي من الملل وريلها عق عليها اللحم والعيش والبهارات طاحوا كلهم في الجدر ويوم نشف الماي استوى الغوزي ..:D 😀 فنتكه الوالدة لا …
عنيد وراسي يابس … وكلمة الحق أعقها لو على رقبتي وااايد خسرت ربع بسبة هالصفة 🙁 🙁
المهم تسلمين على الموضوع الرائع …:D
[/c]