اخواني اليوم اخوي سألني قال
لي شو تسوين بالنت يعني شو المواقع الي تدخلينها انا قلت له
ادخل المنتديات جاان يعصب وقال لي ياسلام والله بارك الله فيج
قال لي المنتدى شرات الجات ماكو فرق وآخر مره اسمع انج تدخلين
مدونة وانا اللحين ابغى آخد رايكم هل كلام اخوي عدل ولا مو عدل
وليش؟:(
بلييييييييييز لاتطنشوون الموضوع وااايد يهمني
تحياتي
اختكم فالله
0مشاركه 🙁
شيء محزن
لأني انا بعد مثلج .. وصارلي نفس اللي صارلج
مرة اخوي اللي اكبر عني بسنتين شافني داخلة المنتدى
وقالي المنتدى كله كلام فاضي ومضيعة للوقت واشعار و***بيط ..:confused: :confused:
ولا تدخلينه مرة ثانية ..
بس ها وجهة نظره هو ..
وكل واحد ورايه ..
وأنا من طبعي ما اسوي الا الشي اللي انا مقتنعة فيه ..
وماعلي من كلام حد ..
أنا ما اقولج جيه علشان تعصين كلام اخوج..
يمكن هو مب مرتبط بالمنتدى كثر ارتباطنا فيه ..
علشان جيه ما يحس نفس احساسنا ..
بس ما اقدر اقولج شو تسوين ..
لأنج ادرى بأخوج وطبعه .. :rolleyes:
وان شاء الله ما يصير الا كل خير
اهد المنتدى بيوم والليه واحيانا صحيح افكر بكلام اخوي واشوفه
عدل واحياناً لاء لان كل شي سواء كان منتدى او تلفزيون اوتلفون جوانب
سلبيه واجابيه لاكن الشي يكمن بالانسان نفسه جيف ان يحكم
ضميره ويخاف من ربه قبل لا يخاف من امه او ابوه او الناس
ولكن نظرت اخوي تفول ان مجتمعنا يفرض هالشي
يعني كل شي عييييييب ممكن اتكون اشياء الاسلام ما قال عنها عيب
لاكن المجتمع اي بشكل احرى العادات والتقاليد وبنفس الوقت ما نقدر
اننا نغلي هالشي خاصه عاداتنا وتقاليدنا مستحيل نستغنى عنها
ونحن لازم نرضى بالواقع الي نحن عايشينه مجتمعنا صح اعطى للمرأه
حقوقها وطبعاً هذه بفضل صاحب السمو رأيس الدوله حفظه الله
بس نحن ما نقدر انغير نهج اجدادنا واللحينه اترك لاخوان الكرام بطرح
آرائهم القيمه
والسموحه منكم
السلام عليكم ورحمة وبركاته
انا في الفتره الاخيره وصلتني رسايل خاصه واذكر الاولى كان
فيها رقم تلفون وماسنجر وكلام الحب وهال***بيط الرساله الثانيه
ممكن اتضيفيني ع المسن الرساله الثالثه ايقول لي صاحبها
انا معجب بأسلوبج وشكرني وانا طبعاً استانست بس انا ما كنت
ملزومه اني اطرش له رساله واشكره هذه شي راجع لي انا
المهم وصلتني رساله ثانيه من نفس الشخص
وكاتب فيها كلام بمعني اني مغروره وما ادري ايش
وانا لحد اللحين ما رديت طنشت بس حبيت اقول لهم كلميتن لا اكثر
اتقلوا الله في انفسكم
والسموحه على هالكلام بس صج الواحد يفكر انه يترك المنتدى واللحين ابغي
الكل يناقش يبدي رأيه
والسموحه منكم
اختي الفاضله فطوم
حتى نحكم على ما نقوم به اذا كان صحيح ام خطأ
فيجب ان يكون المعيار كالآتي:
هل ما اقوم به سواء في المنتدى
ام .. مع زميلاتي
ام .. ما يصلني على الايميل من رسائل
ام .. ما اقرأه، ما اكتبه، ما اسمعه
ام .. ما افعله
ام .. ما اشربه
.. الخ
يرضي الله اولا ثم يرضي اخواني واهلي؟
مثلا:
القاتل بفعلته هذه يرضي نفسه ولكنه لا يرضي ربه ولا أهله
وقيسي على ذلك باقي الامور
اما بخصوص كيف التصرف مع اخيك
بإمكانك أن تجعليه يشاهد مشاركاتك وان يلقي نظره على المنتدى
وحاولي مناقشته (بهدوء طبعا)
اما اذا كان اخيك من النوع المستبد فليس لي سوى ان اقول لك : أعانك الله عليه
اختي الكريمه:
باعتباري مشرفا على هذه الامارة
وقد سبق ان نبهنا على الاخوات في المنتدى على اخبارنا عند قيام احد الاخوات لمراسلات للتعارف عليهن
وقد قمنا بشطب الاعضاء المخالفين
اتمنى اختي ألا تتواني عن اخبارنا بهؤلاء عديمي الغيره
فتعاونكم مهم للقضاء على هذه الحالات
وأنا بانتظار اخباري عن أولئك حتى يتم اتخاذ الاجراء المناسب حيالهم
وشكرا
هذا الحوار دار بيني وبين خالتي بخصوص المنتدى
خالتي: ملكة جمال المنتدى ماحرام
ملكة جمال: ما أعرف بس ليش حرام
خالتي: لأنه يعتبر نفس الشات
ملكة جمال: صح بس هذا يكون على المكشوف يعني كل رد نكتبه مش ملك خاص بل الجميع يقراه
خالتي: أنا ما مقتنعة بفكرة المنتدى
ملكة جمال: خالتي أحترم رايش وكلامش على العين والراس بس إن شاء الله مثل مادخلت المنتدى وأنا عارفه الله سبحانه وتعالى وبضل في المنتدى وأنا أعرف الله سبحانه وتعالى يعني تطمني.
ومثل ما قال السؤدد خليه يقرى ردودش و المواضيع اللي بتنزليها أو حتى خليه يقعد يمش وشاوريه في الكلام اللي بتكتبينه هذا من وجهت نظري وإن شاء الله يلين راسه وشل وساوس الشيطان من باله…آمين
السموحة#G#
فطوم
المنتديات تصبح كالشات اذا كانت هناك رسائل خاصه للتعارف وما الى ذلك من غرض ..يعني ان اللي يدخل المنتدى بس للرسايل الخاصه اما بس مشاركات و قراءه فما اشوف فيها شي 😎
[moveup][c]المرعب والاجر على الله 😮 [/c] [/moveup]
المهم اللي انتي مقتنعه فيه سويه بدون تردد
والسموحه
انصحك بالنقاش الهادئ … واجعلي اخيك يتصفح المنتدى … ليعلم انه مختلف عن سواه … فقد يكون قد سبق لأخيك ان اطلع على مدونة اخرى ورأى فيها الكثير من الامور التي لاتوجد في منتدانا ولله الحمد … وهذا الشئ يعلمه الجميع …
وضحي له .. كيف ان هذا المنتدى العزيز يقوم عليه ناس على درجة عالية من الالتزام بالدين … ونحن مجتمعون هنا لتبادل الفائدة بما يرضي الله ….
وان شاء الله يقتنع بوجهة نظرك ….
اما بالنسبة للموضوع الآخر … فاعتقد انه من غير المناسب طرحه بهذه الصورة وفي هذا الموضوع تحديدا … انت تتكلمين عن كيفية اقناع اخيك باختلاف المنتدى عن الشات … وتأتين ببراهين لشئ مخالف لهذه الفكرة … فقد يتبادر الى ذهن من يقرأ كلامك بأن هذا أمر معتاد في منتدانا … والحقيقة ع** ذلك بالتأكيد … فكما بين لك الاخ السؤدد .. وقد قيل هذا مرارا … ان المشرفين موجودين لمنع هذا النواع من التجاوزات … فليس هذا المنتدى مكان لها … وعليك باتخاذ اللازم مع المشرفين .
دعواتي لك بالتوفيق ….
و على فكرة ترى المنتدى أسهل طريقة للتعرف عن الجاااااااات بكثييييييييييييييييييييييييييييييير
إسئلوا مجرب و لا تسألوا حكيم .
الجات تسولف و تسولف و ما ادري شو يعني تعب فيها واااااااااااايد
أما المنتدى بكل سهوووووووووووووووووولة تضبط البنت فيها و تنقص عليها بسهولة
يعني تمدحها و من خلال المشاركة تمدحها و تشارك في مواضيعها إلخ من هذه الأمور ..
كل هذا يجذب البنية صوبك و تهيئها للتعرف في المسنجر و من ثم الهاتف و إلخ.
هذا الكلام للأخفافي للبنات اللي ينلعب عليهن بسهولة.
و هذا كل اللي عندي.