الصراحة رحت جولة حلوووووة للمناطق في الامارت الشمالية..والحقيقة رديت بصور ماعرف انا اشوفها حلوة ..اتمنى تعيبكم…وتحية خااصة للاخت الغزاله اللي "سيرت" عليها ..وشفتها وسلمت عليها والحمدلله…كان لقاء حلو لو انه ماستمر وايد… واترككم مع الصور وبعلق طبعا عليهن…
هنيه الصورة حلوة بس تندمت اني ماضبطت فتحة العدسة على رقم اكبر شويه لانه كان الظهر بس يعني طلعت واضحة بس لو الاضاءة اكبر يعني عبر الفتحة طبعا كانت بتطلع رووووعه "اتوقع"
هنيه العشب والمكان يجنن مع انه الجو بدأ يحر..
هنيه عاد غيرنا (اللوكيشن) ..هنيه نحن في قرية تراثية "تحت الانشاء" ..وراعيها "نسيبي يرحب بكم في أي وقت..وماشاء الله سبقني وسوا فكرتيه "القرية التراثية" وزاد عليها انه عندهم فرقة حربية للشباب الصغار "قوم بوطعش" يعني "من ثلاثطعش لين تسعطعش"
مابا بعلق بس..البرقع شكلها تبا "تن**" فيا على طرف 
هنيه الحظيرة..
دكاكين أول..
دكان من قريب..
هنيه "العيوز" تغزل ..وعدالها (السقا) تخض الروبه او اللبن فيها..
اما هنيه فالحرمة تخدم التلي..طبعا تعرفون التلي ..والكاجوجة ..تعرفونها؟؟
هنيه عاد صور متفرقة…
اول ثنتين زهور برية ظهرت في البر وصورناها.. سبحاااان الله …اتمنى تعيبكم
اما هنيه عاد بعلق بس اتمنى ماحد يزعل مني…سوالف يعني..وقفنا اكثر عن سبع دقايق نتريا في الشارع الشيخات يخطفن …عاد شوفوا الشيخات ولاعليهن من حد …الصراااااحة غير شيخاااااااتكم …
وبعد في مشهد الصراحة..يعني مارمت اصوره…لكن عجيب..في نص دوار الذيد والسيارات يتخطفن شرق غرب..والدوار حلوووو ومزروع يعني منظر مشوه الصراحة…المنظر…بقرة في نص الدووار وتاكل من حشيش الدوار عااااااااااااااادي…يعني الصراحة منظر مب حلو..بس لاتزعلون مني تراها سوااااالف… STUPID
والصراحة هل العين يحبون هل الشمال ولا عليكم من الرمسات..لانا في النهاية كلنا عيال زايد الله يرحمه..وكلنا عيال الامارات..اما الاخت الغالية "دون ذكر اسماء" اللي دوم تعلق ع رمستي(ه)..وتطلب اخفف من "البدوي" ع قولتها…يعني والله انا مازعل بالع** رمستيه وسيارتيه وكيمرتيه هههه افتخر بها وعاااااااااااااادي جدااااااااااا….تحياتي لج..و تحياتي لل"فروخة"….حد يسمي الطربوشه فروخة؟؟؟؟؟؟
بنت الدار[/align]
[align=center]وعليج السلام ورحمه الله وبركاته….
مرحبا يا بنت الدار…
الصراحه االصور حللللوة وااايد…
واحلى شي عيبني صورتي(( الغزالة اللي في الصورة الاولى )).
*****
حليلها بنت الدار خطفت علي وخلاف سارت صوب ام القيوين… يعني تأخرت وااايد (( اونها تقول تحريت انكم قريب يعني عادي ما بتأخر )) .. بس وييييييييين دبي ووين ام القيوين….وعقب ردت العين … يعني خذت جولة فالامارات يا حظها.ما خلت بقعه ما سارتها.[/align]
عـاااد
كل شي ولا أول صـووووره .. خخخخخخخخخخ
هـذااا اللي يدل ع التراااااث .. خخخخ
شكراً ع الصـوووور
* الطــير المهـــاجــر *[/grade][/align]
وبصراحه الامارات الشماليه واااااااااااايد طبيعتها حلوة ..
وتستاهل الواحد يزورها .. " السياحه في بلادي " 
تسلمين انتي و كيمرتج على المناظر يا بنت الدار
وعن سالفة الرمسه ترى كلن له رمسته .. وكلن يفتخر فيها ..
ولاتحطين على قوم بو طعش
سلااااامي لج[/align]
الغزالة
مشكوره الغالية..وانا اعرف انه منطقتج بعيدة بس طول عمر "راعي اللكزس" بس المهم عنده اني "أفولها" السيارة ع قولته…وفولتها ..يعني مزرتها بترول "فووول"
الغاليات
ريم الاشواق..اللوتس..المغرورة
اشكركن على المرور والحمدلله عيبتكن الصور
الطير المهاجر
اشكرك كل الشكر وتحياتي لك
بنت الدار[/align]
صور في قمه الروعه عزيزتي ..
كل الشكر لك ..
وتأكدي بأن جميع الامارات السبع اهل ..
وقلوبهم مع بعض..
ولكل منهم اسلوبه الخاص به ..
دمتي لنا ..[/align]
ومشكوووووووره على التعليق
اختج
بنت الدار