الانسان يحصل فيها على شريكه في طريقتين طريقين مالهم ثالث .. ويختلفون اختلاف كلي …
1- (( طريـق الحـب)) الشريك اللي يختاره القلب …
و((طـريـق العـقل )) الشريك اللي تختاره العادات .. والعلاقات المدرووسه واكثر شي يكون للاهل دور فيها
فسؤالي اليوم .. للطرفين
شو اللي تفضلوونه وبكل صراحه ؟؟؟؟
تفضلون الزواج عن طريق الحب والا الزواج بتدخل الاهل يعني التقليدي
اتمنى اني اشووف آرائكم في ها الشي .. وبكل صراحه عشان على الاقل حد يستفيد منا ..
ويقول في كل الحالتين ليش ؟؟
تحياااااااااتي
انا صراحه انتها امري طاحت الفاس في الراس اختارولي الزواج التقليدي
تحياتي
سلووووووومي
😀
أنا من راي ان زواج الحب أحسن لأن الانسان في هالزواج هو اللي يختار شريك حياته و اللي يميل له قلبـــه يعني عقب الزواج ما يلووم الاهل اذا كانت الزوجة او الزوج ما يناسبون بعض اما زواج اللي من اختيار الاهل فيمكن يكونون مب متفاهمين و كل واحد مب فاهم الثاني و ينتج عنه مشاكل ما لها اول و لا اخر هذا من راي ة اترك الاراء الباقية لكـــم
و طبعا كل واحد له رايه الخاص
تحياتي
أميرة الورد
الزواج التقليدي
😮
الحب عقب الزواج أقوى و أرسخ و دايم …
وهو الحب الحقيقي
تحياتي
ALFOX70
مشكككككككككور
بس التقليدي اديم لان الاهل تدخلوا فيه
فان كان الزواج عن حب يجب ان يعمل الزوجين على ان يبقى الحب متوهجا ومستمرا ولا يكون عرضة للزوال .. وان كان الزواج تقليدي فليعمل الزوجين على ان يزرعا الحب بينهما وفي حياتهما .
تحياتي
ملهم
أنا أأيد الزواج التقليدي تدرون ليش.
1- أنا زواجي تقليدي.
2- الزوجة الصالحة بتتفهم الزوج (إذا تريد تعيش في سعادة).
3- إكتشاف الطرف الثاني يكون بعد الزواج أحلى(كل يوم تشوف شيء جديد وتصرفات جديدة.)
4- الخوف يزيد على الطرف الثاني.
5- وبعدها تكتشف إنك تحب الطرف الثاني(حب شرعي).
6- الحياة الزوجية إن شاء الله أطول(إذا الحرمة شاطرة).
الزواج بالحب:
1- يالا يالا الأهل يوافقون.
2- وإذا وافقوا يمكن يجرجون الزوج على زوجتة(إذا ما عيبتهم, وسكنوا مع الأهل)
3- يقل الحب (مافي شيئ جديد الزوج يحب التجديد)
4- تزيد المشاكل( كل واحد يبغي يمشي على مزاجة)
5- إنفصال موؤقت(رادة بيت أهلها)
6- يمكن يردها يمجن يطرش لها الورقة ( إنتوا شطار تفهمونها).
أنا هذا راي
والسموحة إذا طولت عليكم