اجاوبها بنظرات حزينه.. …تعبر عن ضنا الروح وشقاها
اسايرها واجاوب كل نظره.. …واخبي الوجد وابحث عن رضاها
وعقب ما شفتها عرفت قلبي. …تناساها ولكن ما نساها
غلاها يزود مع زود الليالي.. …وباع الناس قلبي واشتراها
وصرت اغار انا منها عليها.. …خطا نفسي وانا اتحمل خطاها
واغار من امها حتى وابوها.. …واغار من الذي بامره ولاها
واحسد اللي تبره بارعايه… ..واحسد اللي باحاسيسه رعاها
واحسد البنز لاقامت تسوقه.. …اخاف انه يشاركني غلاها
واحسد الريح لاحرك شعرها.. ..واحسد عيون غيري لاتراها
واغار من القمر لاشع نوره.. …خذت نور القمر واصبح ضواها
واحسد الشمس لابانت عليها.. ..اشعتها تسبب في اذاها
واحسد الارض لاداست عليها. …اثر خطواتها تحيي ثراها
واغار من النجوم اليا تعلت.. …وشافتها وعيني ما تراها
واغار من الهدوم اذالبستها.. ..عساها ما تجرحها عساها
واغار من الخواتم في يديها.. …وساعتها وكل اللي معاها
واغار من القلاده في نحرها.. …واغار من الشعر لامن **اها
واغار من القصيده لاقرتها.. …ولو هي قصتي واشكي جفاها
وتشمل غيرتي حتى المرايا.. …يحق لها بشوفتها تباها
نعم واغار حتى من الوساده.. …واحسد فراشها ويا غطاها
الايامن يساعدني عليها.. …يوصلني هوى النفس ومناها
عجزت اعالج جروحي بروحي.. …جروح القلب ما تشفى بلاها