وفي شي غريب ان يسرق من مطار دبي ومن العاملين فيه من حقائب السفر خواتم وسلاسل ذهب وساعة كانت للأم والبنتين.
على فكره الولدان اعمارهم12سنه والاخر 3 سنوات
والبنتان لهم من العمر الكبرى 9سنوات والاخرى 7 سنوات.
وفي النهاية اناشد طيران الأمارات ومن على راسهم نحن شعب الأمارات نحن يجب ان يكون الخير فينا ولنا في المقام الأول قولها للعاملين معكم وللمضيفين والمضيفات التى يعيشون من خير هاذا البلد ونحن ولله الحمد لا نفرق ولا عدنا وفي قلبنا اي غل لاي شعب واي عنصرية لكن عندما يكون الامر اهانة وتجريحا وتقليل من الشان لاحد من المزاطنين فانه تقليل واهانه لشعب الأمارات اجمع اقولها وبكل صوتي سمعوه ورموا كلامي في البحر ام ردوا للأمارتين بعد من قدرهم.
اسف للاطاله ولكنه شي يعصر القلب ويدميه وصدقوني اذا سافرتم على طيران الأمارات تستقنعوا بكلامي مع اني لا انصحكم من البداية عليه وانا استخدم الان شركات طيران اخرى تحترم الشخص وتعد المسافر شخصااا في المقام الأول دون النظر الي اصلة وفصله ودمتم.
vvv
أول شيء مشكور اخوي على طرحك الموضوع انا اييدك في بعض النقاط و اخالفك في بعضها الاخر و خاصه في موضوع سرقه الخواتم لانه العمليه نوعا ما منظمه في مطار دبي و ان استوى هل الشيء فهل الشيء غريب عليه لاني كثير الاسفار .
و ثاني شيء انا مستغرب انه محد من الاعضاء ابدى راييه في موضوع مهم مثل ها .
ثالث شيء بالنسبه لمعامله المضفيين في طيران الامارات و الله معاملتهم زفته و تعيسه انا جربتهم اكثر من مره و كلامك اهني فعلن صحيح ، قد يقول قائل نحن مسافريين على طيران الامارات و معامتلهم جيده ، ارد عليه و اقووله انا كنت اسافر على طيران الامارت احصل في سفره المعامله جيده و في سفرات اخرى المعامله سيئه جدا ، و بالنسبه للخدمه عند الكاونترات عند و ضع الوزن و الله معاملتهم غير انسانيه و حقيره اقدر اقول عليها لاني شفت منظر رهيب في تعاملهم مع احدى السيدات الكبيرات في السن .
قد يقول قائل طيران الامارات حاصله على جوائز عالميه ، اقدر اقول هاي المسابقات لها معايير تخص الطياره نفسها و عدد الطائرات و مشاركات الشركه في المحافل الدوليه ، و عسب شذه نحن نشاهد رعايتهم لسباقات الخيول في بريطانيا و رعايتهم لبعض الفرق الاجنبيه و ليست المحليه ، و الصراحه انا اتمنى اشوف شيء واحد يعبر عن الامارات في طيران الامارات غير الاسم ؟؟؟؟؟؟؟؟؟؟
اركب الطيران الماليزي او الهندي او البا**تاني او المصري او السعودي بتحصل و لو شيء بسيط يعبر عن هويه البلد ، لكن طيران الامارات تحس انها شركه اجنبيه تحمل اسم الامارات فقط ، الموظفين اغلبهم وافديين و لبسهم غربي بحت ، و اكلهم في طيران الامارات غربي و اذا كان في عربي بيكون لبناني بخلطات غريبه ، و الخمور حدث و لا حرج كانه نحن دوله غربيه
و سلامه راسكم
المرة الثانية سافرت فيها من الرياض الى ابوظبي .. هالمرة عاد حلفت اني ما احجز فيها لو اضطريت اسافر على ( حنطور ) بعد ست ساعات تأخير في المطار تلاقي معاملة زي الزفت لا **بهم الله ..
هذي حقيقة معروفة عن هالشركة ..
يوم كنا راديين من العمره … المظيفه حطت ريلها على كرسي اختي عشان تظهر شي من السده اللي فوق الكراسي…. واختي عااد كانت صاده صوبنا وتسولف بس أنا شفت المنظر انقهرت..
واحتشرت ويوم اختي صدت الصوب الثاني عاد جد المظيفه خوزت ريلها .. وقالت سووري…عنزه الله يغربل كل اللي يكرهون المسلمين…
ما جد جفت مثل هالمعامله في باقي الطيرانات..
.والله ماشي أحسن من طيران الخليج والطيران المصري.. مع انه هاي السنه ه**ني مظيف من الطيران المصري عشاني كنت اتكلم في التلفون بس كنا بعدنا في مطار الشارجه وماسكرو بيبان الطياره.. بس هو كان خاايف..
اونه الطياره يملونها بنزين خطر ..بس المظيف الثاني ه**ه .. وقاله خلها…
والله اذكر آخر مره رحت بطيران الامارات من سنتين وعقب توبت اركبها مره ثانيه اتهاوشت مع المضيفه والله تعامل زفففففففت وايد اتضايجت
شو كانت طيران الامارات واللحين طاع جيف صارت
انصحكم بالخطوط السنغفوريه اوف آخر راحه وترحيب ومعامله وعلى فكره
اوسع من طيران الامارات انا ما احب انتقد طيران يحمل اسم ابلادي
بس صج ما انسى ذيج الهوشه اووووف اتعقدت عدل
:rolleyes:
😀
كنا مأكدين الحجز قبلها بيوم .. والرحله كانت لماليزيا !
المهم سرنا ولقينا ان الحجز مكنسل وقالولنا نحن بنعطيكم غرفتين في فندق المطار نفسه وبتكون هناك طياره ثانيه فاليوم الثاني !
لكن ابوي رفض واصر على ان نكون من ضمن هاي الرحله وبعد المحاولات حصلنا حجز !
المهم انا بخبركم شو سياسة هاي الشركه
الله يسلمكم اذا كانت الطياره تسع 500 شخص خله نقول
والتذاكر اللي لازم يبيعونهم 500 !! هم شو يسوون يبيعون 550 تذكره !
وياخذون احتيطاطاتهم عسب اذا اي حد من الركاب كنسل رحلته يكون في البديل ! ومايخسرون في هذه الحاله .. بالع** يكونون ربحانين
وبهذي السياسه طبعا بتحصل كثير من المشاكل مثل ما انتوا عرضتوها !
والسياسه الثانيه الله يسلمكم
ان هاي الشركه وللأسف عملوها للانجليز فقط .. وبامكانكم تلاحظون هالشي من معاملتهم
يا جماعه عليكم بالماليزيه .. وال KLM .. والسويسريه
انا ما اقول جذه لأني ماحب طيران الامارات .. بس طيران الامارات الخدمه فيها بس للدرجه الاولى والدرجه السياحيه مب مسوين لهم حساب
انا سافرت مرتين .. مره عالاولى ومره عالسياحيه .. فرق شاسع فالمعامله
وحتى الكراسي .. فالدرجه الاولى مريحه والدرجه السياحيه للأسف كأنك يالس على خشبه !
بع** الماليزيه
والسموحه طولت عليكم :rolleyes:
صراحة انا ما سافرت ولا مرة عن طريق هذي الخطوط … بس يمدحونها !!؟؟ :confused:
بس مثل ما فهمت من الردود … انه مافي الشعور الوطني … و طبعا هذا عيب كبير … مثل الطيران المصري … ديكور الطيارة يكون على اساس الأهرامات .. لأن كل دولة تفتخر بتراثها … و هذا شي يجذب السياح !!؟؟
سبحان الله كيف عندهم كل الإمكانيات انهم بكونون الأفضل في الجو … بس ما يبون 😡
تحياتي 
الصراحة كل شي صار للأجانب ….. ماتشوفونهم …. يركبون احسن سيارات ….. واحسن البيوت ساكنين فيها … والمناصب والترقيات كلها للأجانب ….. واذا كنت اجنبي بيعاملونك احسن معاملة في الطيارة لكن للأسف كل شي صار لصالح الاجانب ….. مب جنه استعمار! … استعمار بطيء؟! ……