أود ان اطرح موضوعي عسب اشوف ارائكم حول نظام اليوم الدارسي
طبعا مثل ما تعرفون ان اغلب المدارس صار دوامهم لين العصر
شو رايكم بالقانون؟؟؟
طبعا اللي عنده اعيال او طالب في هالمدارس او اخوان يدرسون
شو الفايده من طول اليوم الدارسي؟؟؟
بنبدا من وين نحن يبنا هالفكره .. الغرب نظام اليوم الدراسي لين العصر
ومرات يمتد لين لمغرب…
انزين هذا هم جوهم يساعد اسلوب تدريسهم يساعد مب كل شي عندهم نظري
تلوع جبد الطالب طول اليوم يالس على ذيج الكراسي حصه ورى حصه
ماشي نشاطات عمليه خلال اليوم الا حصص النشاط موسيقى / فن / رياضه
الحين هالطفل اللي في المرحله الابتدائيه وين له القدره على تحمل
الارهاق الجسدي طوووول النهار الصبح دواماتهم تبدأ 7:30 يعني لازم يقومون من النوم
الساعه 6 يخلص الدوام لين ما يوصلون البيت قد وصلت الساعه 4 وحد يوصل 4
وشي .. جونا طول السنه حر وسموم نص المدارس مكيفاتها خربانه ولا مراوحها
يبالها الشل يشلها والا الحمامات الله يعزكم سقم .. يعني نظام ابصراحه اشوفه
غير مناسب .. يعني لا انه بيرفع من مستوى الطالب ولا انه بيستفيد
بالع** الانسان اللي يجهد نفسه ما ينتج
يعني ايون العصر ينكرفون في البيت اكتب احفظ تملا ادرس عليك امتحان
واجبات تقارير مشاريع الوحدات شو ها وين هالطفل في جامعه بيقدم بكالريوس ولا
ماجستير على هالكراف اللي ايهم حرام عليهم…
ما ادري هل انا الوحيده اللي تبكي على حال هالطلاب وخاصه طلاب التعليم
الاساسي مرحله ابتدائيه ولا حد يوافقني الراي؟؟؟؟
كل سنه ايبون نظام دوله من الدول يجربونه
ليش ما يعملون على نظام يناسب بلادنا
مع الاستفاده من الانظمه الاخرى ولكن بما يناسب البيئه الموجوده
من وجهة نظري هذا الشيء لصالح الطلاب مب ضده ..
لكن إن كان مرتب بشكل جيد وبشكل مطلوب ..
يعني الوقت المقسم من الصباح الين العصر في المدرسة ..
يكون مفيد وممتع في نفس الوقت ..
ودام إنه تام من الصبح لين العصر .. المفروض يخففون من الواجبات ..
لأنه هو برز نشاطه وطاقته في المدرسة ..
إن شاء الله يوصلون لشيء يفيد الطلبة بشكل أكثر واستغلال للوقت أكثر,,
نجمة سهيل ..يعطيج العافية لموضوعك الطيب
المشاركة الأصلية كتبت بواسطة الخيال 
كل سنه ايبون نظام دوله من الدول يجربونه
ليش ما يعملون على نظام يناسب بلادنا
مع الاستفاده من الانظمه الاخرى ولكن بما يناسب البيئه الموجوده
الظاهر ها اللي صاير مثل ما قلت حقل تجارب
ومنوه ضحيتها الطلاب اخر شي بيبقون العباقره في المدارس والباقين
في البيوت بيشغلونهم تكاسي وعمال نظافه
يسلمووو ع المرور والله يعطيك العافيه
المشاركة الأصلية كتبت بواسطة الحنين من وجهة نظري هذا الشيء لصالح الطلاب مب ضده .
نجمة سهيل ..يعطيج العافية لموضوعك الطيب
بالع** شوفي المستويات قبل هالنظام والحين
نزول مستوى الاغلبيه من الذكور والاناث بسبت الاجهاد
وين يا النظام لصالحهم
انتي تقولين انه لازم ينوعولهم اليوم الدراسي مب كله دراسه
بس هذا مجرد فكره عندج وعندي وعند غيرنا بس واقع المدرسه لو
تدخلينه بتشوفينه غير قبل كانو يحبون يسيرون المدرسه الحين ماشي
يتعلثون بالمرض ولا يتمون يصيحون عسب بس ما يروحون المدرسه
يعني المفروض يشوفون نفسيات الطلاب يشوفون فلسفة المجتمع
طبيعة جو البيئه يدرسون كل شي قبل ما يحطون اي نظام
بس لو بنرمس لين اخر عمرنا محد بيسمعلنا اخر شي نحن بنبتلي بعيالنا
هم ماعليهم شي بس يحطون قوانين وخلاص ولا الحين فيه بعض
المدارس عسب تدخلينها اتقدمين امتحانات قبول صارت كلية طب
تحت التسعين ما يبونه
مثل ما قلتلج بيبقون الاذكياء فقط …
والله سبحانه وتعالى وزع عقول ومواهب لو الكل في هالعالم مستواهم فوق
90 قد كل الناس صارو علماء يضاربون على اختراعاتهم…..
سنة الحياه الحين البقاء للاقوياء ولا حياة للضعفاء
يسلمووو ع المرور والمداخله في الموضوع
والله يعطيج العافيه
التطبيق مب ياي من الوزارة
الوزارة عطت الصلاحية لمدير المدرسة
وبعض المدارس طبقت هالشي لانه المناهج الدراسية وايد طويله وصعبة وتعتمد عالمصطلحات الانجليزية وخصة انه الطلاب متعودين عالدلع والنجاح التلقائي من الروضة لييييييييييين الثالث اعدادي
وهالفترة نحن صايرين حقل تجاارب يجربون علينا القرارات والمناهج اليديدة
ومزيدين علينا بهالتقارير والبحوث العلمية الي ما تخلص
المشاركة الأصلية كتبت بواسطة سقووم وهالفترة نحن صايرين حقل تجاارب يجربون علينا القرارات والمناهج اليديدة
ومزيدين علينا بهالتقارير والبحوث العلمية الي ما تخلص
هيه والله
اشوف اخواني حشى تقاريرهم ماتخلص والله اشك ان الطلاب يقرونها بس كوبي بيست
ولا اختي تتعب و تسوي مسكينه و اخوي ايي و يطبع مالها اونه انا و ياها مسوينه
خريييط
هيه والله الله يعينكم تعب في تعب، بس ماشي وقت يوم الواحد يرد البيت إنه يذاكر أو يكتب الواجبات .. ماقول غير الله يعين وبالتوفيج للكل.
يعني بعض المدارس من زمان وهي جي دواماتها والحمدلله متوفقين
وشي مدارس مب عارفه كيف تنظم!
هل المشكله في الطلاب ولا أولياء الامور ولا المدرسه ولا الوزاره؟!!؟
طبعا مثل ما تعرفون ان اغلب المدارس صار دوامهم لين العصر
شو رايكم بالقانون؟؟؟
اذا تقصدين المدارس الحكوميه فأنا أقول انها بتضيع وقت الطالب وبدون اي نتيجه وفايده!
لا ادري إلى أين سوف تصل بنا
المصيبة أن المسؤلين انشغلوا بالمظاهر .. على حساب الأمور الأخرى
دوام طويل ,, ( الواحد يقول ماشاء الله .. عيالنا بيطلعون عباقرة )
لكن مثل ماقلتي .. مش المهم " مدة " الدوام .. المهم ( المضمون ) الذي يقدم خلال هذا الدوام
أمور كثيرة ينطبق عليها هذا القول ..
مثل جهاز حاسب آلي في كل صف " شي طيب " والسؤال .. ماذا تقدم المدرسة من حلاله
أم هو مجرد " منظر"
دورات تدريبة مكثفة للمدرسات .. " شي طيب " لكن السؤال .. هل استفادت المدرسة من ذلك .. أم هي مجرد اوراق وشهادات تملئ ملفات المدرسات بدون مضمون
وغير ذلك الكثير
وفي رأيي ماداموا الطلبة موجودين في المدرسة حتى هذا الوقت المتأخر .. فعليهم تخصيص وقت للبحث في المكتبة وكتابة التقارير وحل الواجبات في المدرسة