السلام عليكم ورحمة الله وبركاته
شحـــــــــالكم وشخبــــــاركم ؟
عســــــــاكم بخير وبصحه وسلامه
طبعا صار لي فتره طويلة ما نزلت موووضوع ,,, تدرون سهر ورقاد الواحد ما يكون متفيج يشغل مخه عسب يكتب موضوع .
وبعد طول انتظار يبت لكم بموضوع مدري إذا كان مهم بالنسبه لكم أو لا ولكن بالنسبه وااااايد مهم وبغيت رايكم فيه وتعليقاتكم إذا ممكن .
طبعا كل شخص منه عنده أسره سواء كانت هذي الاسره ممتده أو صغيره وهالاسره يتكون من أشخاص (اتفلسف) وهذيل الأشخاص لهم مميزات وصفات يختلف عن الثاني .
المشكلة أحيانا نواجه ناس في العائلة يكونون طيبين وزينين بس سبحااان الله ما نحبهم أو بتعبير اخر ما نحب نتعامل ونندمج معاهم مع أنهم أشخاص في قمة الأخلاق والتواضع بس سبحان الله مثل ما نقول أن المحبة من
الله
مثلا نحن عائلتنا وااااايد كبيره بس في أفراد في العائلة ما احب اتعامل معاهم لدرجة اني لا أزورهم ولا أكلهم إلا في المناسبات مع أنهم ناس زينين .
ويوم ناقشة هالسالفة مع بنت أختي قالت لي : أنتي مزاجيه ما يعجبج أي حد وقامت حطت علي ….
الصراحه مدري اذا كان العيب فيني ولا فيهم
وبغيت اسئلكم :
هل تشعرون بعدم الحب اتجاه أي شخص في العائلة حتى لو كان هذا الشخص اوكى ولا بس انا جذي شاذه عنكم ؟
وبعتقادكم شو السبب اللي يخلينا نشعر بنفور من بعض الأشخاص ؟
(موضوعي يتكلم في نطاق العائله )
مدري اذا فهمتوا علي أو لا اذا ما فهمتوا طنشوا واذا فهمتوا الموضوع والمضمون ردوا علي
وبس 
تيمعوا المصدين في المنتدى
صراحة،،انا اوفقج في اللي قلتيه
وعايلتنا مثل عايلتكم كبيرة،،،
كلنا نحب بعض،، وما نستغني عن بعض ،،،
ماعدا واحد من اخواني شاذ في العايلة
ما يحبنا،، ودايم يستغل اي اخطاءنا عشان يطلع كره فينا
بصراحة عني ما احببببببه مووووول،،لانه اكره واكره واكره كثر كرهي له
معنه اخوي الكبير،،
بس احس انه مريض نفسي،، يباله علاااج،،،
وابويه الله يطولي فعمره قالها،، دورولنا عن دختر يعالج هالعقل اللي فيه
لاني لو بقولكم سوالفه،،بتوافقوني الراااي،،،، ولا حد يمد ايده وبعصا على ابوووه
تحياتي
صدى الليل
اولا: ما أقول غير الله يهدي أخوج أن شاء الله
واللي فهمته من كلامج انه هالحاله عباره عن مرض نفسي
,,,, شكلي يبالي طبيب نفسي بس الصراحه التصرفات اللي أخوج يسويه يمكن نقول عنه مرض نفسي
بالنسبه لي أني ما اتقبلهم ولا احب اتعامل معاهم بس ما توصل لدرجة الكره
لسنا في معرض بيان الدّليل على مكانتها ووجوبها وحقوقها , وقد سلّط الموضوعُ الضّوءَ على زاوية محدّدة وهي نفور القلب من شخصِ تربطنا به نسبٌ وصلة رحم .
هذا الشّخص له حقوق علينا , كلّفنا بها ربّنا عزّ وجلّ , مجملةَ في معنى صلة الرّحم , بالزّيارة والنّصيحة والهديّة والصّدقة وغيرهنّ من الصّلات , أعمال ميسّرة وممكنة لا يُسقطها من الذّمة ما يعتري القلب من جفوة تجاه هذا الشّخص .
بل إنّ هذه الأعمال من صلة الرّحم , كفيلةٌ بإذابة هذا الحاجز القلبي بينك وبين قريبك , لأنها مودّة عمليّة ورحمة فعليّة , ستؤثر حتماً على النّفوس , هنا تنجلي فائدة جليلة لصلة الرّحم في تأليف القلوب .
إذا كرهتَ شخصاً ظاهره الخير والصلاح فاتّهم نفسك , لأنّ من علامات الإيمان الحبّ والبغض في الله عزّ وجلّ , أما الحبّ في درجاته زيادة ونقصاناً فهو قسمة من الله عزّ وجلّ لا تملك فيها ناصية .
التعامل مع العائلة مو شرط نعاملهم لأننا نحبهم لكن لأنهم أرحامنا ولازم نتواصل معهم
أنا عني .. مب كل شخص أحبه لا
يعني أغلب التعامل من باب المجاملة وتأليف للقلووب
فاللي فيك أختي شيء طبيعي جداً مادمتي ما قطعتي صلتك فيهم ولا ضايقتيهم
ومب شرط إننا إذا ما حبيناهم إننا نكرهم ..
نحب لهم الخير ونخاف عليهم من الشر
لكن ممكن ما نفقدهم إذا غابوا
يعني حضورهم وعدمه وااااحد
والدنيا ممر لا تشيلين هم لمثل هالأشياء
أقعدي معهم وسووولفي واضحكي واللي بقلبك خبيه ..
واعتقد هذا الموضوع مكانه بالقضايا الإجتماعية
المهم بصراحه ما اظن ان حد في عايلتي ما يحبني ولو كان في فأنا احبهم كلهم مهما كان
>>>>>>>>> وايد تحب تسوووولف
وشكرا
من وين طالعة الشمس؟
صدوي منزلة موضوع بعيد عن مواضيع الطلبات اللي اشتهرت فيها 
هل تشعرون بعدم الحب اتجاه أي شخص في العائلة حتى لو كان هذا الشخص اوكى ولا بس انا جذي شاذه عنكم ؟
أكيد الحب موجود لانهم أهلنا,,
بس ساعات نختلف في المواقف او اذا انعرض موضوع ما فنشوف ان كل واحد في العايله رايه غير
فالنقاش يشتد او يرتخي ,فواحد يعق كلمة بالغلط والثاني يزعل منها يوم والا يومين ويردون أخوان
مثل ماكانوا
صدوي عادي تصير المشاكل في العايله الوحدة بس مب لدرجة إنا نمتنع عن زيارتهم أوالسؤال
عنهم!
ويعطيج العافيه على هالموضوع الهام
اخوي صدى الليل حاول انك تتقرب من اخوك بالنصيحة قد ماتقدر
والله يهديه لكم
بالنسبة لي ما أحب أفرّق بين أهلي …
و احبهم كلهم … و خصوصاً اللي جريبين مني … بس بعد
سبحان الله ناس تحسينهم جريبين لج و ناس بعيدين مع انهم زينين
و لازم نتذكر حديث الرسول صلى الله عليه و سلم : الأرواح جنود مجندة …. الحديث
يعني هذا شي طبيعي … بس بعد أحياناً يكون عندنا عذر قوووووي ان إحنا ما نحبهم بس ما نقطعهم و أحياناً تستوي مواقف شوي حساسة و شويه تنغيزات و تلميحات … فهذي الحالة اتم ساكتة و اتحمل اللي يوصلني ما أن ما يخصني في السالفة اللي يرمسوني عنها … شو اسوي أتحمل و أبغي أجر من وراهم …. و قبل كل شي و عقب كل شي يظلون اهلي … و لهم الحشيمة حتى لو غلطوا و سمعوني شي ما يعيبني و الله يهدي الجميع …
و يزاااااااااج الله خير على الطرح …
وعليكم السلام ورحمة الله وبركاته .
جزاك الله كل خير على الرد الجميل وتذكيرنا بأهمية صلة الرحم
بس أنت قلت أن المحبة درجات سواء كانت في زيادة أو نقصان ومستحيل توصل لدرجة الكره لأنه مافي حد يكره أهله
ويوم طرحت الموضوع حسيت عمري أني منافقه لأن أتعامل مع هالأشخاص بالمحبه والطيبه بس في داخلي شي ثاني بس طبعا ما توصل لدرجة الكره
[grade="00008B FF6347 008000 4B0082"]طيف الرياض : [/grade]
تسلمين أختي على المداخلة الطيبة
وكلامج صحيح المهم أنه ما نتمنى لهم الشر وأنه نحترمهم حتى لو بداخلنا شي ثاني
والحمدالله أنها حاله طبيعية عسب ما حاتي
[grade="FF4500 4B0082 0000FF 000000 F4A460"]وجه الخير :[/grade]
يعطيج العافيه على الرد
والله يديم المحبه بينكم أن شاء الله
والله الشمس طالعه من الشرق خخخخ
عاااااد لا تفضحينا استري علي
أكيد الحب موجود بس يكون بنسه متفاوته
طبعا ما توصل لدرجة المقاطعة يعني انزورهم في المناسبات ونسلم عليهم
والله يهديني ويهدي الجميع
[grade="00008B FF6347 008000 4B0082"]ورد الجوري :[/grade]
هلا خيتوا الجوري
مشكوره على الرد الحلو
ومثل ما قلتي هناك نوعين من الأشخاص اللي يمكن ما نحن نتعامل معاهم داخل العائلة
النوع الأول اللي يغلط عليج وبسبت هالغلط يمكن تشيلين شي بقلبج
النوع الثاني اللي هم ما سووا لج شي بس سبحان الله يكون المحبة في نقصان مع انه لازم يكون الع**
بس يكون هناك الاحترام المتبادل
والله الشمس طالعه من الشرق خخخخ
عاااااد لا تفضحينا استري علي
أكيد الحب موجود بس يكون بنسه متفاوته
طبعا ما توصل لدرجة المقاطعة يعني انزورهم في المناسبات ونسلم عليهم
والله يهديني ويهدي الجميع
[grade="00008B FF6347 008000 4B0082"]ورد الجوري :[/grade]
هلا خيتوا الجوري
مشكوره على الرد الحلو
ومثل ما قلتي هناك نوعين من الأشخاص اللي يمكن ما نحن نتعامل معاهم داخل العائلة
النوع الأول اللي يغلط عليج وبسبت هالغلط يمكن تشيلين شي بقلبج
النوع الثاني اللي هم ما سووا لج شي بس سبحان الله يكون المحبة في نقصان مع انه لازم يكون الع**
بس يكون هناك الاحترام المتبادل
قد نختلف مع الاخرين في الرأي وتحتد بيننا المناقشات و يعلو صوتنا عند حل المشكلات… ولكن لا اري مبرر للكراهية….قد نتحاشى الاخرين و نفضل الابتعاد عن مخالطتهم والجلوس معهم…ولكن … لا للكره…
احيانا لابد ان نفكر في مالا نحب في الاخرين ولماذا…واذا استدعى الامر نحاول ان نلتمس لهم العذر فالانسان مجموعة مشاعر و مشاكل تحدد شخصيته و ترسم معالم تعامله مع الاخرين…
وكي يحبك الاخرون فابسط يدك بالسلام و وجهك بابتسامه وطهر قلبك من النفاق واعمالك من الرياء… وعامل الناس كما تحب ان تعامل…