اخواني و خواتي …
اليهال عبارة عن انعكاس للبيئة اللي عاشوا فيها …
و ويوههم البرئية تقول واااااااااااااايد أشياء عنهم …
كل مرة ادش الصف تتغير تضاريسه ، الكل يركض لي … اقول بسم الله شو فيهم حليلهن يايات يسلمن عليه … الحمد لله على كل حال …
لاحظت ان وحدة من البنات كل مرة ادش فيها الصف اتييب كرسيها و تيلس عندي، و عقبها الكل ييلس عندي و ما اروم اسيطر على الصف، و البداية من هذي البنت ، فقمت أصدها و ما أخليها تاخذ راحتها في الصف، و في نفس الوقت سألت عنها، و عرفت اللي عرفته انها فاقدة الحنان …
يعني كيف امها و ابوها عندهم وياد صغارية و ما يلحقون يهتمون فيهم كلهم … حليلها يعني كانت تدوّر الحنان برع البيت، و طلعت الشي هذا جدامي ، زين بديت أغيّر شوي من تصرفاتي وياها، بس بعد الياهل مفروض يكون حصل الحنان من البيت ، الحمد لله انتبهت للبنت هذي بس بعد يوم الأهل مب نشادين عن بنتهم منو بينشد عنها ؟؟؟
همسة لأولياء الأمور … ترا الصغارية أمــــــانــــة فحافظوا عليهم و افهموا اللي يبونه منكم …
اختكم في الله
ورد الجــــوري …[/grade]
يحليلهم الصغاريه ذول متمسكين فيك ووووووووايد …… عطيهم شوية حنان …. وربنا ان شاء الله مايحرمكم الآجر ..
وهو كلاً بآجره …… موالحنان اليومين دول صار مفقود …. والبيت بكبره يحتاج حنان ….
شو رايكم نسوى مصنع حنان ….. و نعبئة في علب زي علب السانتوب ….. وانا متوقع المشروع راح ي**ر الدنيا ….
جزاكم الله خير
يا كثرهم الي فاقدين الحنان..
وطبعا هالشي يأثر عليهم لي الكبر..
يعطيج العافيه عزيزتي ورد جوري على هالتنبيه..والله يصلح حال بعض أولياء الأمور[/align]
مب بس الصغاريه
ويبين عليهم وتعرفين من تصرفاتهم نوعية المعاملة اللي يحصلونها من اهلهم في البيت
مرة في اخر يوم من ايام الامتحانات وكانوا البنات بيسرون البيت ما اشوف الا وحدة ياية تركض
عدالي وحضنتي وتمت تصيح من الخاطر والله انها قالت ما ابغي اخليج ما ابغي اسير البيت
وبالغصب بطلت ايدها وخليتها تركب الباص …لانها من بداية السنة كانت حزينة ومتضايقة وتقول
ابوي ما يحبنا ويخلينا… كل يسير عند الفلبينية …تخيلوا هالكلام اللي يطلع من بنت اول ابتدائي[/align]
حتى لو الاباء عندهم اكثر من طفل هالشيء هذا
مب سبب يخليهم انهم مايهتمون فيهم ويحسسوهم بأهميتهم ويعطنونهم الحنان
وتسلمين اختي وعساج عالقوة 
المشاركة الأصلية كتبت بواسطة &السيف& يحليلهم الصغاريه ذول متمسكين فيك ووووووووايد …… عطيهم شوية حنان …. وربنا ان شاء الله مايحرمكم الآجر ..
وهو كلاً بآجره …… موالحنان اليومين دول صار مفقود …. والبيت بكبره يحتاج حنان ….
شو رايكم نسوى مصنع حنان ….. و نعبئة في علب زي علب السانتوب ….. وانا متوقع المشروع راح ي**ر الدنيا ….
جزاكم الله خير
[grade="00008B FF6347 008000 4B0082"]هلا اخويه &السيف&
شو أسوّي اخويه
بصراحة ألاحظ أن أكثر عن نص المدرسة محتاجة حنان ، شو بخلّي لأهلي ؟؟؟
هههههه يلا ما عليه، آخذهم على قد عقلهم و اتحّملهم ما فيني يطلعون السوالف هذي جدام واحد ما عنده ذمة و ضمير و يستغل براءتهم و طهارة قلوبهم في أشياء ما نبي نذكرها هني …
و كل هذا مسؤولية جدام الله و جدام أهلهم … هم عندنا أمانة و الله يقدرنا نحافظ عليها …
يزاك الله خير و بارك الله فيك … [/grade]
المشاركة الأصلية كتبت بواسطة الشبابيه يا كثرهم الي فاقدين الحنان..
وطبعا هالشي يأثر عليهم لي الكبر..
يعطيج العافيه عزيزتي ورد جوري على هالتنبيه..والله يصلح حال بعض أولياء الأمور[/align]
[grade="DEB887 D2691E A0522D"]هلا اختي الشبابيه
هالأيام طغت على حياتنا الماديات … الكل استوى يهتم بالمادة و الكل مشغووووول عن أهله و بيته و الشي هذا يأثر عليهم طول حياتهم شرات ما قلتي، يعني الواحد يكبر و يكبر وياه الحرمان من العطف …
لو هم ما رمسوا حركاتهم و عيونهم تقول وااااااااااااايد أشياء …
الله يعين
يزاج الله خير و بارك الله فيج … [/grade]
المشاركة الأصلية كتبت بواسطة الخياال مب بس الصغاريه
[grade="00BFFF 4169E1 0000FF"]هلا اخويه الخياال
صح كلنا محتاجين حد يسمعنا و يحن علينا …
بس يوم الواحد حصل و لو شويه حنان من أهله هذا يروم يكمل حياته صح لأنه يحصل اللي يسمعه و يسأل عنه …
و في نفس الوقت يعطي غيره و يساعد …
اللي كبر يروم يرمس و يقول أنه محتاج بس الصغير هو اللي يمكن يحصل حد يستغل براءته في أشياء غلط …
يزاك الله خير و بارك الله فيك …[/grade]
المشاركة الأصلية كتبت بواسطة شموخ النخيل ويبين عليهم وتعرفين من تصرفاتهم نوعية المعاملة اللي يحصلونها من اهلهم في البيت
مرة في اخر يوم من ايام الامتحانات وكانوا البنات بيسرون البيت ما اشوف الا وحدة ياية تركض
عدالي وحضنتي وتمت تصيح من الخاطر والله انها قالت ما ابغي اخليج ما ابغي اسير البيت
وبالغصب بطلت ايدها وخليتها تركب الباص …لانها من بداية السنة كانت حزينة ومتضايقة وتقول
ابوي ما يحبنا ويخلينا… كل يسير عند الفلبينية …تخيلوا هالكلام اللي يطلع من بنت اول ابتدائي[/align]
[grade="00BFFF 4169E1 0000FF FF1493 00008B"]هلا الغالية شموخ النخيل …
بصراحة استغرب من اللي بس يسوفوني ( من البنات الصغار ) يركضن و عقب ييلسن يلوون عليه و يبوسوني … ما أدري لييييييش
بس اتوقع كل هذي حركات يطلعنها في المدرسة يمكن يكونن محرومات منها في البيت …
على قوله المدرسات استوى عندج معجبات … السالفة وراها شي ثاني … معقولة كل هذيل البنات فاقدات الحنان من البيت ؟؟؟؟
الغالية اسمعي السالفة هذي اللي سمعتها من مدرسة كانت ويايه في الدورة اللي حضرتها اول ما توظفت و هي تشتغل في مدرسة أولاد ح 1… تقول عندي طالب في الصف الثاني و راسب و عايد السنة أحاول أغيّر تصرفاته، و بدون فايدة و ييلس يجّذب عليه، و يلست أسأل عنه و يرد عليه يقول لي: ابويه دوووووووووووووم يسافر تايلاند
ابويه دوم يجذّب على أميّه
ابويه ما يسأل عنّا …
بسم الله واحد طلع من هذي البيئة كيف بيستوي ريّال و بيعتمد على نفسه و بيخدم وطنه لو هذي بس البداية …
الله يعين
يزاااااااااج الله خير و بارك الله فيج … [/grade]
المشاركة الأصلية كتبت بواسطة عيناوية بجنون
حتى لو الاباء عندهم اكثر من طفل هالشيء هذا
مب سبب يخليهم انهم مايهتمون فيهم ويحسسوهم بأهميتهم ويعطنونهم الحنان
وتسلمين اختي وعساج عالقوة
[grade="00008B FF6347 008000 4B0082"]هلا اختي عيناوية بجنون
و الله يغمضوني … حليلهم ما لهم ذنب …
بصراحة ما حسيت بالشي هذا الا عقب ما كبرت و عرفت أهميه الشي هذا
لأني حسيت بإهتمام أهلي بي من يوم كنت صغيرة و الحمد لله على هذي النعمة فعرفت الفرق …
الكل مشغوووول عنهم و الصغاريه عن الشغالات …
فمنو بيحس بهم … المهم بيعرفون كل أخطائهم لما يكبرون …
الله يعين …
يزاج الله خير و بارك الله فيج …[/grade]
مب بس اليهال يبغون حنان
الحرمه لازم تسوي طقم حنان حق ريلها .
والاخت العودة تسوي طقوم (حنان) بعدد اخوانها اللي اصغر منها
بالعربي على قد ما نقدر ،،،نعطي
مع الشكر لحنان ورد الجوري على طالباتها ،
ودااااااااااام الجميع سالمين .