جيف الحال والاحوال…
ابا خدمه منكم … ابا حد يفهمني شو يعني الاسهم
بالمفهوم العام مب بمفهوم علم الاقتصاد والخربطه
ثاني شي … مثلا اذا أبا اشارك في البورصه كم المبلغ
المسموح به لدخول الاسواق الماليه ؟؟؟؟
يعني اقصد اقل مبلغ مسموح فيه …
اممممممم شو بعد ابا افهم اممممم
هيه شو يعني سيوله ؟؟؟ اسمع هالكلمه ولا افهم شو معناها
امممممم انزين مثلا انا عاطيه حد يستخدم اسمي في الاسهم
والارباح طبعا له .. اذا انا ابا اروحي ادخل في هالمجال اقدر استخدمه
مع استخدام الشخص الثاني اسمي؟؟؟ ولا لا
يعني اباكم تفهموني كل اللي يخص
الاسهم من طأطأ لسلام عليكم
بس بمفاهيم بسيطه مب معقده … وهل الارباح اللي احصل عليها
فيها شي من الحرام ولا عادي؟؟
اما عن المشاركه فى البورصه فتقدرين تشاركين بأي مبلغ يعني مافيه حد اعلى وادنى،،
ومعنى السيوله يعنى كم النقد المتوفر لدى المستثمر فى البورصه هذا معنى السيوله على المستوى الشخصى ،، وكذلك السيوله بوجه عام تعنى المال المتوفر فى ايدى الناس والمحافظ الاستثماريه للاستسمار فى الاسهم،،
بالنسبه ان شخص اخر يستخدم اسمك فى الاستثمار هذا شىء جائز بينج وبينه البورصه مالهاخص،، وانتى تقدرين تشترين وتبيعين بأسمك بس هالموضوع فيه مخاطر،،
اما عن الارباح فيعتمد على نشاط الشركه اذا كان مباح او لا ،،
هذا اختى صدعه وزعاج شرح مبسط على قد معلوماتى وان ان شاء الله اذا فيه قصور الاعضاء بيوفونه.
السهم يعبر عن نصيب المساهم في الشركة… و المساهم له عدة حقوق مثل التصويت في الجمعية العموميه غير نصيبه في ارباح الشركة اذا انتهت السنه و هو ما زال يملك السهم و ما باعه في البورصه…
مثل ما ذكر الموثنى فلا يوجد حد للاستثمار في البورصه …بس طبيعي لازم يكون عندج فلوس تكفي سعر الاسهم اللي بتشترينها زائد عمولة الوسيط (Broker)
السيولة هي الكاش المتوفر عند المستثمر او اي شخص او شركه….
اذا عاطيه حد يشتري باسمج لازم تتأكدين انه التوكيل او التنازل يشمل او يحدد شركات معينه و ليس توكيل عام… ففي حالة انه شخصين اشتروا بنفس الاسم يتم الغاء كلا المعاملتين ….يعني لا انتي و لا اللي مسوتله التوكيل…وهذا في الاكتتابات بس…. يعني في شراء الاسهم للشركات الجديده…
وعشان تبدين تستثمرين لازم يكون عندج رقم مستثمر في سوق دبي و سوق ابوظبي هذا اولا
و ثانيا لازم بعد يكون عندج حساب وسيط عند احد شركات الوساطه المالية….
الوسيط باختصار هو اللي بينفذ اوامر البيع و الشراء اللي انتي تعطينه اياها و طبعا مثل ما ذكرت بعموله محدده هو بيقولج عنها…و بعد بيعطيج رقم الحساب اللي راح تودعين فيه المبلغ لشراء الاسهم…
ونصيحتي لج اختي …سيري السوق واسألي الموظفات هناك هم بيساعدونج و بيفهمونج كل خطوه و بيجاوبون على استفساراتج….
او ادخلي موقع سوق بوظبي www.adsm.ae
او سوق دبي www.dfm.ae
في قسم للاسئله المعتاده…بتساعدج وايد
و بالتوفيق…
و بالتوفيق
دراموه وصلت … خبيرة الاسهم …
احم اح …
سلمج الله هذي الاسهم سالفه طويله عريضه …
لكن انا ماعرف فيها شي ..
بتبنين برج 
>>>>>>>>>د اللي يقووول هي تعرف
احم احم
كلنا بالهوى سوى
درام السموووحه منج يا الغاليه
دشي على الموقع،، وبتلقين كل اللي تبين تعرفينه فييه
بالشرح السهل والمبسط
بس اقووولج
يوم تسوين بيزات،،، سوي حساب 25% لنصيبي :23_28_116
ويمكن افكر اني انزل من النسبة لو خسرتي
صدعوه .. هذيلا ع بالهم ما عرف في الاسهم ..
خبريهم عن مغامراتي .. وال احم احم اح ..
اتحفيهم … خليهم يعرفون سبب سؤالج الوجيه هذا
لانهم حاولوا يفهمون فيني .. وكل يوم كلام فما افهم
مب جنها اهانه لدرامات بشكل خاص وللبلديه بشكل عام
ابصراحه كفيتو ووفيتو يا خبرااااااااء البورصه بس بقولكم شي
قبل لا اشوف ردودكم سالت صديقتي عن الاسهم حكتلي قصه
طويله عريضه متينه لوعتلي بجبدي كرهت الاسهم وطاريها
يعني لو عندي مبلغ ودخلت البورصه بتيني جلطه جان كل يوم مؤشر الاسهم
طالع نازل وانا على نار احسلي اتم مثل ما انا ولا ايني ارتفاع ونخفاض في مؤشر نبضات القلب
انا اقول حق كل مساهم في الاسهم الله يعينكم وخلوكم كووووووووول ترى بعد كم سنه اللي عمره
20 بيبين عليه عمره 50 واللي عمره خمسين بشوفه واقف عند القبر الله يوفقكم
ويالله شدو الحيل … مابا اولف بيزات خلالالالالالالالالالالالالالالالالالاص
دراموووووووووووو تحريتج ما تفهمين في الاسهم
طلعتي داهية .. اتاريني انا بس اللي ما افتهم