السلام عليكم اخواني ..اعذروني على غيابي المتكرر..((الإمتحانات على الدرايش ….قصدي الأبواب) 😀
نظرا لكثرة مواضيع نقد الشكل الجديد و النسخه الجديده للمنتدى
بغيت في هذا الموضوع الكل يكتب ..أي مشكله أو أي شي مب عايبنه في النسخه الجديده للمنتدى ..و إن شاء الله ستكون هذه نقطه تواصل بينا و بين اخونا الأمير(جزاه الله عنا خير الجزاء) و حتى نستمر في التقدم و تحل أي مشكله فنيه في المنتدى بإذن الله.
نرحب بآرائكم السديده ..
و السلام ختام ..
_______________________________________________________
اسمحولي برد عليكم بعد ما أخلص الإمتحانات (يوم الخميس ) إن شاء الله و في هذه الأثناء ..اكتبوا اللي في خاطركم ..
التعديل .. الاقتباس .. وهالحركات كانت بالعربي ..
ألحين وين طارت ؟؟
طهور أسماء المتواجدين كان في السابق أحلى ..
وتشكرووووووووون على كل حال ..
انهم يكتبون اسم اخر مشترك مع اسم الموضوع عداله فوايد يزحم علخطوط واحسم شي مثل اول يكتبون اسم اخر مشترك كم دون ذكر اسم الموضوع كان احسن والباقي الحمدالله
بس و ين حركات النصوص يعني الحركة في النصوص لما يتحرك الكلام من فوق و تحت و يمين و يسار
و الخط وااااايد صغير … يعني يكفي انا ما نشوف عدل
و الوجوه التعبيرية صارت في صفحة بروحها … يعني اتريا ساعة لما يظهر لك الويه اللي تحب اتحطه حذال الرمسة
وضع التخفي … بصراحة أحب اكون في وضع التخفي بس الحين ما شي فايدة كلما ادش المنتدى اشوف اسمي تحت … ليييش
otherwise بتشوفون ميلودي مدمنة انترنت:eek: 😮
اما الألوان فهي OK وعلى مزاجي … الله اعلم بالباجيين
الحمدلله ….. دوام الحال من المحال (الله يعينك اميرنا على باقي النسخه)
وايد زين لو تكبر الخط …
الصراحة النسخة اليديده مو عايبتني وماتشجع في الكتابة..
والله البارحة يوم دخلت وشفتها اتضايجت وااايد وطلعت من المنتدى ما عرفت أقرأ المواضيع ويلا أسوي شئ..
سلمت يمناك أخوي الأمير على هذا التعديل والله ما تقصر في تعديل وتطوير المنتدى الرائع ..
وأتمنى اعادة النظر في هذه النسخة..
والسموحة..
المنتدى ما عليه كلام
يعطيه العافيه أخونا الأمير
أخوي الشاحوف
الله يوفقك
وبعدين وايد اشياء اتغيرت في لوحة التحكم يعني يبغالنا وقت لما نتعود
المشكله ان المنتدى كل يومين شكل يعني جذه يطفشنا بالصراحه لاتقولون اني احب اتذمر لاوالله صار مالي نفس اكتب شي
والسموحه على الجرجره الوايده بس غصبن عني
تحياتي
غلا
بس شكل المنتدى مزحوم شوي …. مادري كيف 
_________
تحياتي لكم … رويال 
وايد متراص ويا بعض.. ويعطيك العافية