صراحه لا تعليق على كلامك:( بس شو انسوي انا صراحه عيزت من كثر ما اكتب مواضيع وسوالف واقعيه 😮
حتى اني مليت من الكتابه ….قمت ادور مواضيع وانسخها:D
الله كريم شو انسوي :rolleyes:
وبعدين انا اايد فكرت الترشيحات لانها فعلا بتكون عادله للجميع لانه في ناس مهتمين ويقرون كل المواضيع 😉
ومشكور اخوي على هذا الموضوع:o
مرحب أخوي … على ما أظن سؤالك موجه للمشرفين أكثر من الاعضاء …
وانشالله أقدر احط لك الجواب الشافي والكافي …
<br>
على اي اساس تختارون العضو صاحب المواضيع المميزه في كل شهر
الله يسلمك هناك ضوابط وضعها المشرفين للعضو المميز … واعطيك اهم الاشياء اللذي نراه في العضو ..
1- المواضيع المميزة اللتي يطرحها وتكون فيها فائدة … وليس كثرة الردود على الموضوع نفسه هو ان الموضوع او صاحب الموضوع قد ابدع ولكن مضمون الموضوع هل له فائدة ام لا …
2- الردود المميزة للعضو .. فهناك اعضاء ردودهم مثلا … (( ضحكة ..بسمة … وجه عابس .. او كلمتين او ثلاث )) ولكن العضو اللذي يكون رده تحس ان فيه نوع من المداخلة الجادة … وتحس بأن العضو عنده الكثير ما يريد ان يقوله في رده …
3- يجب ان يكون كل مواضيع العضو … من وحي افكاره ومن ابداعه .. ولا يكون فيه نقل تام …
4- ايضا هناك المواضيع المنقولة اللتي تقلل من درجات العضو ولكن هناك مواضيع منقولة تستحق القراءة … وتستحق النقل …
+~~~~~~~~~~~~~~~~~+
ليش ما اتسوون انتخابات صراحه انا اشوف اختياركم غير عادل مع ان صار لي فتره بسيطه مشارك بالمنتدى بس حسيت انه في اعضاء مظلومين صراحه….
أحب اسألك سؤال .. هل قرأت مواضيع جميع الاعضاء .. موضوع موضوع مطروح في المنتدى ….. هل كنت ترد على كل المواضيع … ام انك ترد على موضوع اعضاء محددين … ام اعضاء تميل لقراءة مواضيعهم ؟؟
هنا يكمن السبب .. ان الاعضاء قد يميلون لعضو على غيره … وهنا نهضم حق أعضاء اصحاب اقلام ذهبية … على أعضاء أصحاب ضحكات عالية …
+~~~~~~~~~~~~~~~~~~+
انا صراحه استغربت لما شفت القايمه ما فيها عاشق الابيض ودراكولا وسلوم مع انهم كانو مشاركين بمواضيع بشكل فعال وفي غيرهم بعد مثل ورق العنب وبنت العرب وبنت دار الحي
الحمدلله الاعضاء اللي ذكرتهم عاملين حركة في المنتدى ومشالله عليهم … بس تقدر تسأل الاعضاء اللي انت كتبت اساميهم … هل ان كل الشروط اللي فوق أنطبقت عليهم ؟؟؟
انا ما اشكك في نشاطهم بالع** … ولكن رحم الله أمرء عرف قدر نفسه
+~~~~~~~~~~~~~~+
المفروض الاعضاء هم اللي يختارون المتميزين مب المشرفين لان المشرفين الصراحة شغلهم يقتصر على القراءة فقط ( هذا اذا كانو يقرون ) والدليل ان في وايد مواضيع متكررة
وضحت لك سبب كون الاختيار من قبل المشرفين في السابق ..
و اللحين اوضح لك ان المشرفين … موب بس شغلهم القراءة .. ولكن يكتبون ويردون …
انت اذا تقرا 10 مواضيع في اليوم … فالمشرف بحاجة لقراءة كل المواضيع وكل الردود … وليس الموضوع فقط … حتى يرى ما فيه وما في الردود … فهل ترضى ان يغلط عليك أحد في رد و المشرف يقف مكتوف الايدي …… وبعدها تقول المشرفين نايمين …
(( هذا اذا كانو يقرون )) … الله يسامحك … ولكنك قد ظلمت نفسك ..
المواضيع المكررة … تعرف … لو كنت اشوف موضوع مفيد وتكرر الف مرة … ومنه فايدة لىللاعضاء .. ما راح احذفه … لانه فيه فايدة وهناك اعضاء جدد احب أن يقرؤوه .. ولكن موضوع فيه ضحك فقط ومكرر … فهو غير مؤسوف عليه …
+~~~~~~~~~~~~~~~~~~~~+
ليش ما انكون واقعيين أكثر ونعطي كل واحد حقه ولكل مجتهد نصيب مثل ما يقولون وانحط الشخص المناسب في المكان المناسب مع احترامي للجميع
لو خليتك مدير شركة او رئيس وزارة مثلا … فمن ستعطيه مكافأة … الشخص اللي يعمل بجد … وتحصل منه على افكار وشياء تخدمك وتفيدك وتفيد مكان العمل … وترفع من مستواه …
او
الشخص اللي يضحكك ويضحك باقي العاملين … و أفكاره قليلة .. ونادرا ما تكون مفيدة … وضحكه لا يقدم من مستوى العمل … ولكن قد يكون سلبياً على مكان العمل ….
+~~~~~~~~~~~~~~~~~~~~+
و ما في شي اسمه عضو جديد و عضو قديم … الاولوية في رايي لازم اتكون للعضو الفعال … واعتقد وايدين يؤيدون كلامي
شوف أسامي اللي حاصلين على التميز لهذه الامارة … وشوف تاريخ تسجيلهم … وانشالله تعرف اذا كنا نفرق بين العضو القديم والجديد .
+~~~~~~~~~~~~~~~~~~+
اتمنى اني كفيت و وفيت … الحمدلله رديت على سطر سطر وكلمه كلمه انت قلتها ..
والسموحة ..
واحب اقول حق اخوي هامان على الجمله الي قالها ((
انا صراحه استغربت لما شفت القايمه ما فيها عاشق الابيض ودراكولا وسلوم مع انهم كانو مشاركين بمواضيع بشكل فعال وفي غيرهم بعد مثل ورق العنب وبنت العرب وبنت دار الحي ))
بقولك شي .. انا مايهمني المشرفين حطوني من ضمن القائمه لا لا ..
المهم انا روحي اعرف قدر نفسي و الاعضاء الي يقدروني ..
😉 😉 ولا تهتم اخوي
TaKe It EasY 
و كل عضو مشارك في هذا المنتدى له هدف … و يجب أن يكون نصب أعيينا مقدار ما يستفيده الأعضاء من المواد المطروحه لا كمية المواد المطروحه …
و كما قلت يبقى تقييم بشري و احتمال الخطأ فيه وارد … فإن أصابوا في اختيارهم فأثابهم الله و جزاهم كل خير … و إن أخطؤوا في اختيارهم فنسأل الله أن يأجرهم على ما يبذلوه من مجهود ..
و لكم جزيل الشكر ..
همسة ل "هامان" …
لا يعجبني هذا الاسم لأنه اسم وزير فرعون … و الأولى للإنسان أن يبتعد عن هذه التسميات … جزاك الله خيرا
والله صراحه مشكور على هالكلام….
بس انا صراحه ما شاركت في المنتدى عسب اشوف اسمي مع الاعضاء المميزين…..
لانه مثل ما قال عشوق حبيب البي….انا اعرف قدر نفسي…
فلا تشيل هم الغالي….
يعني سواء كان اسمي موجود مع الاعضاء المميزين…ولا لا….
هذا ماراح يقدم عندي شي ولا يأخر….
وراح تظل مشاركاتي مثل ما هي …ما بين الضحكات والنقاش…والاستفاده….
ويكفيني رايك….وراي باقي الاعضاء….
وتسلم الغالي….
والسموحه:cool:
بغيت اقولك شيء نحن ما يهمنا سواء كنا من ضمن الاعضاء المتميزين اللي انتوا تختارونهم و لا لا
بغيت اعرف شو معنى كلامك ( رحم الله امرى عرف قدر نفسه )
اسمع انا ما برد عليك و بغلط بكلامي .. بس اللي انا فهمته من كلامك ان اذا ما كنت موجوده في المنتدى احس .. اوكيه اذا كانت مشاركاتي و ردوي مب عايبتنكم خلاص .. مشكوووورين و ما قصرتو ..
و مع السلامه و ما بتشوفون رقعه ويهي في المنتدى مره ثانيه .
و ترا مثل ما انت واثق من عمرك نحن بعد واثقين من اعمارنا و عافين قدرنا وماكنتنا وين .. و ما بنفر اعمارنا على ناس ما يبونا ..
هدوا يا جماعة الخير
يقول الله عز وجل: "إن بعض الظن إثم"
و يقول عمر بن الخطاب رضي الله عنه: "التمس لأخيك سبعون عذرا"
فهلا تفكرنا بهذه الكلمات؟؟!!
:rolleyes:
لا تعكرون مزاجكم ..
و مثل ماقال رحم الله إمرىء عرف قدر نفسه ..
خلاص مدام كل واحد واثق من نفسه و يبذل جهده في الرقي بمواضيعه لا ينتظر الشكر من غيره .. المهم إن ضميره يكون مرتاح و إن هو أد اللي عليه ..
و بما معناه أن الله لا يضيع عمل أحد منكم ..
و الواثق من نفسه يمشي ملكا ..
كلنا إخوة و حبايب و ماحد يشل في خاطره شي على حد من الأعضاء ..
و بوزايد يسوي اللي عليه و هذا واجبه ..
و إنتو بعد ما قصرتوا بمواضيعكم ..
أقول ترا الدوري بعده ما بدا (متفيقة)
😀 😀 😀
و أتمنى إنه ماحد يزعل من كلامي
مع محبتي
<br>
arab_girl
شكلك ما قريتي كلامي كامل … ولو قريتيه بتعرفين شو اللي اقصده ..
الحمدلله الاعضاء اللي ذكرتهم عاملين حركة في المنتدى ومشالله عليهم … بس تقدر تسأل الاعضاء اللي انت كتبت اساميهم … هل ان كل الشروط اللي فوق أنطبقت عليهم ؟؟؟
انا ما اشكك في نشاطهم بالع** … ولكن رحم الله أمرء عرف قدر نفسه
وكلامي واضح ولا غيرت فيه اي حرف ..وما أظن الحق يزعل … انا قلت ان هؤلاء نشيطين … ولكن قلت لو سألتهم هل كل الشروط انطبقت عليهم … واكيد … رحم الله امرء عرف قدر نفسه …
وكل واحد له سلبيات وله ايجابيات …
يعني لو رجعتي لكلامي قلت كل الشروط اللي فوق انطبقت عليهم …
يعني كلامي هذا موجه للاعضاء جميعا لكي يسألوا انفسهم ويجيبوا بأنفسهم ..
ونتي جربي اسألي نفسك .. ولو انتي سألتيني وقلتي لي انت يا ستار هل تستاهل تكون عضو مميز للامارة الصداقة هذا الشهر … بقولك أكيد لا … لاني ما انطبق علي كل الكلام اللي فوق … وهذا الشهر ردودي كانت اكثر من مواضيعي باضعاف ..(( وهنا اقدر اقول رحم الله امرء عرف قدر نفسه )) …… ولكن الحمدلله قايم بواجب ثاني … والحمدلله راضي عن آدائي فيه …
ومرة ثانية لا تفسرين كلامي خارج نطاق الموضوع …
واذا السالفة سالفة (( انا بطلع ….. وعارف قدري ….. و الخ ))
فصدقيني … الكل عارف مكانه في المنتدى وحياتي ما فرقت بين صغير وكبير في المنتدى ……. ولكن ان عضو …… ومكلف بشيء يجب فعله ..
وادافع عن نفسي وعن غيري من المشرفين لاني منهم …
وكل عضو تشوفينه اللي الاخ هامان كاتب اساميهم .. تربطني علاقة زمالة مع كم واحد … ولكن ليس من حقي وحق غيري ان نهضم حق غيره …
ونسيت اضيف نقطه …… مهمة … امارة الصداقة فيها 3 مشرفين ..
وكل مشرف يضع اسامي معينة … والكل يشوف منو يستاهل ..وشو ايجابيات وسلبيات … كل عضو … ونختاره كعضو مميز …
حبيت اقولك شي … مثال بسيط …….. هناك عضو اختير مميز لهذا الشهر لامارة … والمشرفين كلهم يعرفون هذا العضو … ولكن بسبب حركة بسيطة …حرمته من التميز هذا الشهر …
واختي بنت العرب … وكافي كلمة اختي … انك تحسين فيها ان نحن كلنا اخوان … ولا نفرق بين بعض ونخاف على بعض …
أحب اقولك … اننا كلنا شاركنا بمحض ارادتنا .. ولم يجبرنا احد ..
والسموحة … وشكرا على الكلام يا بنت العرب ..
وثاني شي شوي شوي عالمشرفين كافي إنهم متابعين المنتدي كل يوم لا وبعد دوام إضافي وبدون راتب … وزيادة إنهم محملين عمارهم مسؤولية.
وسمحولي شباب..
بو زايد مشكور أخوي وما اتقصر … كلك خير وبركة يالغالي.
اسمح لي اقول لك انه في ناس ينطبق عليهم الكلام اللي تقوله يضحكون في المنتدى ويسولفون ومع هذا حطيتوهم اعضاء مميزين 😡 طبعا ما في داعي لذكر اسامي لاني انا صراحه احب اتكلم بحريه انا دخلت المنتدى …حسيت انه شات مش منتدى 😡
يعني انتو كامشرفين شو وضيفتكم 😮
من جي المنتدى ياخذ طبع مثل الشات لانه كل واحد يرد على الثاني باسلوب فكاهي ويطلعون عن صلب الموضوع والمفروض منكم كمشرفين من تشوفون الواحد طلع عن صلب الموضوع تحذفون المشاركه:mad:
هو مافي خلاف اذا كان تبادل وجهه النظر لكن في صلب الموضوع :rolleyes:
وبعدين اذا تبي تعرف ليش انا اخترت هذيل الاعضاء من بينهم كلهم:o احب اقول لك مثل ما انت تاخذ عضو التميز انا خذيت هزيل الاعضاء لان مواضيعهم فعلا مميزه وتتكلم عن شيء حصل في الواقع …بغض النظر عن الاخرين اللي ينسخون مواضيع وما عارفين شوفها اهم شيء انسخ الموضوع وحطه في المنتدى:D
وبالنسبه لاعضاء اللي يتكرر اسمهم في اكثر من اماره كعضو تميز هذيل الاعضاء بذات كل ما يحطون موضوع انت ترد عليهم ما لاحظت هذا الشيء والجماعه لما يحطون موضوع يالله يالله يشوفون مشرف يرد عليهم او يعطي رايه:mad:
انا قلت اللي عندي والباقي على الله واتمنى من الاعضاء والمشرفين تقبل ردودي بروح رياضيه 😉
والسموحه