شحالكم .. وترحيب حار وخاص ..لبوماجد
شحالك بو ميود ..
المهم .. عندي لغز صغيّر .. وندوّر واحد منكم يحله ..
شو الشي إللي يستعمله الريّال 3 مرات في اليوم ..
الحرمة تستعمله مرة وحده في العمر ..
ترا الجايزة كبيرة .. وهي عبارة عن عدة جوايز ..
أرخص وحدة فيها .. X5
…… مع تحيات إدارة عصابة السيوف ..
سمحولي.. لأني عدت اللغز ..
لأن هالصفحة مارضت تفتح ..
اون شو .. يكتب لي " قام الرنامج بانجاز عمليه غير شرعيه "
جيه شو ..خالفت القانون ..
المهم .. والجايزة الثانية .. عبارة عن ..
بيت " فيلا " عشاطي الراحة ..
ولسا كتير .. على قولة اخوانا المصريين
……. تحياتي
بس اسمح لي أقول لك: حرام عليك .. لا صدق حرام عليك .. يعني تقطعنا جذه .. لا حس ولا خبر .. يا أخي اذا كنت زعلان منا بنسير لك وبنحب راسك .. بس الا القطيعه .. ترانا تعودنا عليك .. وما نقدر نعيش في المنتدى بدونك ..
وانا بصراحه من كم يوم محضر نفسي حق لغزكم .. بس اللي ما توقعته .. اقولها ؟.. أقولها ؟.. طيب بقولها بصوت خافت .. اللي ما توقعته يا العزيز هوه أن يكون لغز جديم مثل هذا .. انا بصراحه ما قدرت أيود نفسي من الضحك .. يعني الحين يا أبو سيف اللي يسمعك يوم هلكتنا في لغز التين والارجنتين بأنه جديم وجديم وجديم .. يقوم يشوفك تطيح في نفس الغلطه .. يا أخي اذا ما كنت تعرف ألغاز يديده اتصل بنا .. ونحنا بنعطيك بدال اللغز عشره .. ولا يتكدر لك خاطر .. ولو يا الحبيب نحنا تحت أمرك .. بس مب تسوي في نفسك جذيه الله يهديك .. الحين عاد الله يعنيك على طنازة الأخوة والأخوات في المنتدى ..
على العموم نحنا بنجاوبك على لغزك يالحبيب بالضبط قبل نهاية فترة اللغز .. مب لأنا ما نعرف وبنتم ندور على حل اللغز لين هاذاك الوقت (مثل ما يسوون بعض الناس!!) .. لا.. لا .. ولكن ، حتى نترك فرصة لبعض الأخوة والأخوات القليلين اللي يشوفون اللغز لأول مره انهم يحاولون يحلونه .. وأنا اتمنى على الأخوات والأخوة الكثيرين اللي أكيد يعرفون اللغز وحله من زمان انهم يسوون اللي سويته ..!! حرام .. حتى لو كان جديم !! لازم نتعود نعطي الفرصة حق الآخرين..!!
باقي شي واحد .. متى يا أبوسيف الموعد النهائي حق حل اللغز .. عشان نتزهب .. ونفصل ثياب حق العيد ؟!!
وتسلم أولاً وأخيراً يا الحبيب ، ونشوفك انشاء الله على خير.
اللي كان مزهب عمره حق التحدي ، بس ما في داعي .. لغز أبوسيف طلع وايد جديم بس ما فيه غبار لأنه الظاهر ماسحنه عدل/ ابوماجد
😀 😀 😀 😉
أمس أضحك عليك واليوم السالفة انجلبت علي ..
المهم ..
……. حدد انت الموعد إللي يعيبك ..
وان شاء الله بيكون هو الموعد المحدد للجميع ..:D