…
[grade="FF1493 FF0000 FFA500 FF0000 FF1493"]وايد من الحالات اللي نمر فيها تخلينا نجذب على لي جدامنا …
وقليل ما نصدق فيها …
لو صدقنا في اشياء يمكن نخسر .
.. لكن لو جذبنا اكيد بنربح 
…
مهما ان المعروف ان حبل الجذب قصير … 
بعطيكم موقف في الجذب … وكيف ان الانسان يربح …
قبل لا ينزلون عندنا في الجامعه قرار ان البنت لي عندها حالة وفاه لازم تيب ورقة تثب حالة الوفاه …
كانت وحده تغيب ع كيف كيفها .. عندها امتحان ولا ما عندها …
يوم يكون عندها اتسير عند الدكتور وتقوله والله واحد من اهلي توفى ..
فدكتور يسمح لها بأعادة الامتحان …
اما لي كانت غايبه وقالت الصدق انها كانت تعبانه ما يعيده لها ..!!!
<< لازم تجذب عشان يعيده …
وفي مواقف وايد ما قدر اني أقولها … وبكتفي بهالمثل ..
…………….
يعني ليش نحن ما خذين كل شي بجذب … قليل لي يصدقون وكثير لي يكذبووون .. لين صار عندنا الجذب في حياتنا مثل الدم في الوريد …
وان شالله وصلت لكم الفكره لي ودي اني اوصلها الكم … 
[/grade][/align]
بخصوص الكذب.. قبل فترة كنت في الدوام وطبعا انا جذبي عشان انقذ الموقف وانقذ وظيفتي..
كان في الدوام مسؤول كبير في الهيئة اللي ادوام فيها.. وكان قاعد وانا اصلا ما احط البطاقة الوظيفية .. وسالني وقالي يافلان قلتله نعم قالي وين بطاقتك 
اهنه عاد انصدمت قلت الحين شو بقوله إذا قلتله ما ابى احطها بيسويلي تحقيق .. قلتله كنت اصلي المغرب ونسيتها في الجيب
والحمدلله هاك اليوم ماكنت محطنها في السيارة ولا صدق اتوهقت
وهذا الموقف اللي صارلي
يمكن مرات يجذب ولكن لإنقاذ الموقف… مب يجذب ويقول انا صعدت القمر امس ورجعت ولا يقول عندي سيارة اطير..
والسموحة
اخوكم ولد بوظبي
والله الجذب يااا دراموووو في حياة كل فرد
ويسمونه جذبة بيضة .. ومن متى صار للجذب ألوان
بحياتج كم بتعاشرين وكم بتشوفين من هاي الحالات
ويستعينون بالجذب لإنقاذهم من بعض المواقف المحرجة
اللي يطلعون منها طلعة الشعرة من العجين .. بس لين متى
يا ليتهم يعرفون ان للجذ حبل قصير ما يدوم .. وكل شي له نهاية
مكشوفة ومفضوحة ..
من اللي كاتب الموضوع ؟ درامووووووووه .. ماصدق ..
اللي اعرفه ان كل اللي عندك ردود بس من نوع ههههههههه و خخخخخخخخخ .
نرجع لمحور حديثنا …
بصراااحه المفروض ان الانسان مايكذب .
لانه قد يتخلص من موقف معين بكذبه ..
لكن هل حسب حساب تبعات هذه الكذبة في الدنيا والآخرة ؟؟
( مازال الرجل يكذب ويتحرى الكذب حتى يكتب عند الله كذابا ) ..
( و الكذب يهدي إلى الفجور والفجور يهدي إلى النار )
وفيه بعض الناس يسمي الكذب باسم مستظرف
عشان يسوغ للناس كذبه ..
بعضهم يقول كذبة بيضاء .. مثل ماذكرت الاخت ريم الأشواق ..
وبعضهم يسميها .. أرانب ..
اذا بيقول لصاحبه لاتكذب علي : يقول لا تــأرنــــب علي خخخخخ
نسأل الله تعالى أنا مانضظر ونحتاج للكذب ..
بوركتي دراموووه عالموضوع ..
[/align] مشكورين عالردود …
قارصهم … فارسهم
يابوك شفت التطور … الغياب فيه نفع …
ما شالله عليه درر درر .. يارب تحرسني من عين الحسود "فارسهم"[/grade][/align]
عيل اتقف هالوديه لا تحط البطاقه في السياره خلها في مخباك
هب كل مره تيلم الجره يابوك … [/grade][/align]
يابوج صدقتي الجذب في كل مكان ..
بس ياليت لو نخف على روحنا شوي
الحين بسبب الجذب نجينا .. بس في الاخره عند ربنا الجذب ما بيفيدنا بشي …!![/grade][/align]
هلا عزيزتي لا خطيره الصراحه
منو ما يجذب..؟!
للأسف قمنا نجذب في أبسط الأشياء خاصه في الكليه يعني مثل المثال الي ذكرتيه نفكر في درجات الدنيا وننسى درجات الآخره..!
وان شالله وصلت لكم الفكره لي ودي اني اوصلها الكم …
وصلت
يعطيج العافيه عزيزتي ع الموضوع الي خلانا نراجع أنفسنا شوي..
فارسهم
ها أرنب ولا نمر
يعني هذا طالع على خواله خخخخخخ
كانت وحده تغيب ع كيف كيفها .. عندها امتحان ولا ما عندها …
ليكووون انتي هذي 
قال الله تعالى :" ما يلفظ من قولٍ إلا لديه رقيبٌ عتيدٌ".. [ق: 18].
وعن *** مسعود رضي الله عنه قال: قال رسول الله صلى الله عليه وسلم :
" إن الصدق يهدي إلى البر، وإن البر يهدي إلى الجنة، وإن الرجل ليصدق حتى يكتب عند الله صديقًا، وإن الكذب يهدي إلى الفجور، وإن الفجور يهدي إلى النار، وإن الرجل ليكذب حتى يكتب عند الله كذابًا".. ((متفق عليه)).
كما ذكر في الكتاب والسنه ان الكذب من مساوئ الاخلاق..
وكذلك هنالك بعض الاحوال ولكن بشروط يجوز الكذب فيها قد وضحت في كتاب " الأذكار " ..
فإن الكلام وسيلة إلى المقاصد..
فكل مقصود محمود يمكن تحصيله بغير الكذب يحرم الكذب فيه..
وإن لم يمكن تحصيله إلا بكذب.. جاز الكذب..
واستدل العلماء لجواز الكذب في هذه الحال ..
بحديث أم كلثوم رضي الله عنها أنها سمعت رسول الله صلى الله عليه وسلم يقول:
"ليس الكذاب الذي يُصلح بين الناس، فينمي خيرًا أو يقول خيرًا" ((متفق عليه))..
أيها الناس اتقوا الله وكونوا مع الصادقين كونوا مع الصادقين في عبادة الله..
ومع الصادقين في عباد الله..
اصدقوا الله تعالى في عبادته اعبدوا الله مخلصين له غير مرائين في عبادته ولا مسمعين..
امتثلوا أمر الله طلبا للقرب منه والحصول على ثوابه..
واجتنبوا نهيه خوفا من البعد عنه والوقوع في عقابه..
فأنتم محاسبون عند الله تعالى ..
:::::
بارك الله فيك عزيزتي لطرحك لهذا الموضوع ..
ونسأل الله ان نكون من الصادقين في القول والعمل..
اعجبج ما عليج وقت الجد جد << اونها كتبت شي الحين هي …
صح هذا الارنب واحد في اثنين …
ريماني ..
لا والله مب انا .. صح اني انا جذي ..بس ما كلف على روحي اسير واكلم الدكتور .. هذي وحده من اهلي << يعني ما سرنا بعيد …
بنت محمد
مشكوره اختي ويزاج الله خير …
واخيرا مبروك عليكم الرحمه[/grade][/align]