من يوم الولادة ولغاية 10 سنوات
كالارنب
كيوت ودمه خفيف وينبلع بسرعه اقـل صرخه تخليه مطيع وبسرعه خواف
من سن 11 سنه ولغاية 20 سنة
قـرد
بس يناقز وحـنّـان درجه اولى مليق مثـل القرد فـر له موزه يسكت
من سن 21 سنه ولغاية 30
حصان
كله قوه ونشاط …شاد حيله وايد ويكون في هالسن مناسب للزواج عشان يقبلون فيه قبل ما يصير سكراب ويقطونه بالحراج
من سن 31 ولغاية 40
****
بسرعة ينقص عليه **** مكده ييب جذيه ود جذيه تعال الساعه كذا ودني المكان الفلاني روح اشترجذيه .. المدام بتشلخه طلبات وهو مثل ال**** على طول ينفذ
من سن 41 ولغاية 50
***
بس ينابح لا تسون جذيه لا تروحون مني وكله اعصاب وصراخ طبعا هذا بعد ما كوّد له كوم يهال وحاط حيله بالمدام لا تطلعين لا تروحين وين غداي وين ثيابي …الخ
من 51 ولغاية 60
خرتيت
كله مبطل حلجه هل بصارخ ولا يوعان ما تفهم شو يـبى وكله يبى ينام 24 ساعه يتثاوب وكله يتحرطم مب عاجبه شى
من سن61 ولغاية 70
بعـيـر
ماله شغل بأحد عطيه اكـله يسكت و اهم شى الريووووق
من سن 71 ولغاية 80
سلحفاة
بكل شى بطئ وكله مندعـس بروحه
من سن 81 لغاية 90
ترحموا عليه يا جماعه
*************************************************
المرأة
من يوم الولادة ولغاية 10 سنوات
قطة
نعووووومه حيل ودلوووووووعه بشكل غـير طبيعي وجميله للغاية حق التـقرص تنفع
من سن11سنة ولغاية 20
نعامة
خجوله من تقولها شى نزلت راسها مثل النعامه لما تخش راسها بالارض تبى تنطلق بافكارها واعمالها بس ما تقدر مثل النعامه طير بس ما تطير
من سن 21سنة ولغاية 30
لبوة
يعني ديرو بالكم منها ممكن انها تفترسكم في اي لحظه ذكية مكاره تقدر تـفر راس الاسد بافكارها وخططها
من سن 31 ولغاية 40
حية
الله يكافينا شرها لسعتها سامه .. حق تنقل الحجي من جحر ليه جحر زاهبه ولسانها طويل من طوله يطلع ليه بره وماتدري شو قاعده تسوي وتخطط له لانه شغلها بالخش والدس مثل الحية محد يدري شو قاعده تسوي بجحرها
من 40 ولغاية 51
كنغر
مثل الكنغر وين ما تروح ويا ولدها او بنتها ومناقـز من جمعية لين جمعـية ومن محل لين محل
من 51 ولغاية 60
غوريلا
طبعا ليش غوريلا لانها وصلت مرحله محد قام يطالعها وجمالها راح فصارت بس تبى تسيطر على عيالها وريلها والبيت
من 61 ولغاية 70
صخلة
لحظه لحظه ليش صخلة الحين اقولكم ليش لانها حـنّـانه عطووووووني يبوووووولي مااااااااااااااء شاااااااااااااااء غدااااااااااااااااااء عشاااااااااااء
وكلة تحرطم على الناس فلانة ما فيها خير ما زارتنا فلانه طاع شمسويه فلانه ويا بناتها فلانه ويا خواتها وهالكلمة 24 ساعة على لسانها فلانه وفلانه بس عاد بسج خرفتي ولما الحين فلانه
من 71 ولغاية 80
بومه
تخرعك من الشيب اللى فيها تحس من تطل بويها بتصيرلك كارثه اليوم قبسه درجه اولى وان قالت شى صار سبحان الله
من80 لغاية 90
ديناصور
هذى المشكلة والفرق بين الرجل والمراه انه الرجل في هالسن يكون فـنـقـش خلاص لانه قليل من الرجال يوصلون حق هالسن اما المراة غير فحياتها اطول من الرجل وممكن انها تعدي ال 100وكل شى بيد الله سبحانه ….
اتمني انى ما جرحت اي احد في اي سن وخاصه الصخول هاهاها