الطريق بينك وبين موضوعك

[movel]===============================>[/movel]

[mover]<=================================================[/mover]

هل هو ؟؟؟؟

😀 (انت) ======================> (موضوعك)

أو …

😀 (انت ) <===================== ( موضوعك )

يعني قصدي …..
هل انت اللي تسير للموضوع .. ولا الموضوع هو اللي يجيك لي مكانك

هل تحس برغبة تدفعك للبحث والتقصي من اجل الحصول على موضوع يستحق الكتابة؟؟
أم تشعر بأفكار كثيرة تتبادر الى ذهنك تجبرك نحو كتابتها في موضوع ؟؟؟
هل تعتقد ان كتابة موضوع في المنتدى أمر ضروري بالنسبة لك ؟؟
أم لا يعنيك أن تكتب موضوعا وتكتفي بمطالعة مواضيع بقية الاعضاء؟؟

الحين خبروني …. شو اتجاه هالطريق عندكم ؟؟؟؟؟؟؟؟؟
الاتجاه الاول اللي يسير العضو ينبش عن مواضيع …. ولا الاتجاه الثاني اللي العضو فيه يتريا المواضيع والافكار انها تجي في باله عشان يكتبها ؟؟؟

موضوع جميل كعادتك إختي الكريمة …

شوفي عاد الحين ببدأ الخقة (:D 😀 ) أنا الصراحة موووول ما ادور على موضوع لأني أحس ان الموضوع يوم يعيشه الانسان ويحس فيه ويكون من تجربته الشخصية ومن بنات أفكاره ( حلو هالمصطلح ) يكون له طعم مميز كالعسل وين مايسير يشفي ويتلذذون الناس به …

يعني لا تعصر مخك عشان موضوع عط المواضيع ظهرك وهي بتي تركض تقول : ( انا هني .. انا هني 😀 😀 )

وتسلمين اخت نوارا على الموضوع الجميل ..

[/c]

بقولكم شي بيني وبينكم …. نوارا اليوم وايد محرجة .. مضاربة مع وحدة .. أنا ما يخصني

عزيزتي Melody … اشكرج على مرورج … والاقتباس ينطبق عليج تماما .

مينونة حبيبة قلبي .. ترى ما يخصج في السالفة …. مشكلة يوم حد يعتمد عليج …. عن الفضايح وسيري ذاكري احسن لج .

هالفترة طبعا أيلس كل يوم وين ماسر شالة دفتري وقلمي الرصاص لني أحاول أعود نفسي على أسلوب المقالات عشان أكتب باستمرار في الجريدة
فأعصر مخي كل يوم وأطلع مواضيع من تحت الأرض عشان أكتبها
يعني
مرة أنا أسير عند الموضوع ومرة هو ايي عندي يعني في تبادل زيارات بينا 😀

وتسلمين عالموضوع الرووووووعة يا أم خلودي

اختج
أم همام

تسلمين nawara
نورا ..

الظاهر أني غلطان:(

آسفين:o

الغالية نورا …. احس بإبداعاتج وراها طريق من الورد معطر بالاحساس بينج وبين افكارج ومواضيعج …. وتميزج في مواضيعج هو اكبر دليل .

الحسام …. حياك الله حتى لو بالغلط …. بس شو السالفة ؟؟ سمعنا انك تعاديت ؟؟؟ ماتشوف شر اخوي 😉

ومشكوووورين على مروركم

أنا عن نفسي ما اسير له ( لني ما دل بيته ) هو اييني 😀
يوم أيلس افكر اف موضوع ما اطلع بنتيجة 😮 … وما استفيد غير خسارة طاقتي الذهنية في التفكير … ومب معنى كلامي اني ما ادور واتعب .. بالع** أحصل مواضيع وأفكار وايد …بس مشكلتي أتم أحيس الموضوع يمين يسار الين تلوع جبدي منه وأصرف نظر عن الفكرة :p

أما المواضيع اللي أنزلها فتكون غالبا ومضات فكرية اتييني وانا راقدة ( عقلي الباطن ما يرقد ):rolleyes:

واذكر مرة نشيت من الرقاد وفكرة موضوع اف بالي … وسرت بنزله في المنتدى بس للأسف لقيت عضو كاتب عنه 😮 ( مالناش في الطيب ) 😀

وعموما لازم أنزل موضوع بين كل فترة والثانية .. حتى لو كل اسبوع موضوع واحد ( يرضي غروري 😀 ) .. لني أحس بوجودي .. وشي حلو يوم الناس يتفاعلون ويا قضية وللا موضوع يحمل توقيعك

وعموما لاحظت شي .. الموضوع اللي اتعب الين احصله وايي عقب معاناة فكرية .. ما يحصل ذاك القبول من الأعضاء :confused: اما الموضوع اللي بصورة خاطفة أشوف الاعضاء يجاوبون وياه 😮

موضوع متميز من عضوة متميزة .. كالعادة طبعا .. تسلمين يا ام خالد

اما بالنسبة لطريق بيني وبين الموضوع فهو اثنين من احتمالاتك معا
فانا قد ابحث عن الموضوع وهو قد يبحث عني لكن في اكثر الاحيان ابحث و ابحث وابحث عنه حتى اجده وختار النافع والمفيد

جزاك الله خيرا و احسن اليك