عن نوع من الصداقة التي يرى البعض انها فقدت في زمن تحدث الشاعر عبدالعزيز المتعب بهذه الأبيات الجميلة:
يا صديقي علمك الغانم أول مثل تال
عشر وست سنين طيبك معي ماله حدود
ساعفت أو عاضبت مالها غير الرجال
تسهل بعزمك مواقف على غيرك تكود
قالها اللِّي يفتخر فيك لاحل المجال
رافعٍ رأسه بنفسه وفي شرواك زود
عشرةٍ ما شابها زيف تجميع الريال
أو مصالح عابره تنتهي بأرخص جحود
عاليه مثل الثريا بدون أدنى جدال
ثابته مثل الشجاعة بمن طبعه صمود
مثل وقر الصوح وأصفى من الجم الزلال
ما يكدر صفوها كيد نمامٍ حسود
العمر مرة وصيور الإنسان الزوال
والمواقف خالدة لو أهلها باللحود
>> فتان القلووووب
الصداقه شي رايع بس صعب تلقى الصداقه الحقيقه هالزمن
وينها الصداقه …….ماشي علي قوله اليهال امبووح ماشي يوم تحسهم معاك وعشره عليك بالذمه هاي ربعه بس الشهاده لله في وحده اهمها مرات ومرات بولابس:( 😀
الصداقه .. شي وايد حلوو الصراحه يا بخت من يعيش ويلقاله صديق يفهمه قبل ما يتكلم .. الواحد محتاج في هذي الدنيا للأخ العزيز إلي يحس معاه إنه مالك الكون كله .. أخ يذكر بالطاعات والعبادات .. ويذكرك بكل تقصير يبدر منك اتجاه البشر وخالق البشر إلي يلقى هذا الأخ لا يتهاون فيه وخل يتمسك فيه بإيدينه وأسنانه .. لأنه هذا الشخص جوهره مكنونه لا يمكن إنك إتحصل مثله مره ثانيه الحظ يجي مره بالعمر
أخووكم الشموخ