تخطى إلى المحتوى
الرئيسية » الشيــــــــــــــبه والعيوز ؟

الشيــــــــــــــبه والعيوز ؟

الشيبه

قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا ماني مفلّس .. عندي فلوسٍ تدعم البنك في الحساب

العيوز

ما باقي غير خشمك وهالضرس .. تبغي تعرس وانت غادي شالغراب قابل صلاتك الله يشفيك م المس .. والاّ ترى باطب ويهك بالتراب

الشيبه

إنتي عيوز وأكلك الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب

العيوز

لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب

الشيبه

دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل اهم واعصاب

العيوز

بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على ويهك.. أصلع ولعاب

الشيبه

فكيني من ويهك ترى مالي أي نفس .. زهقان من شوفك وابغي لي حباب
هذا طلاقك طالقه اربع وخمس .. شلّي طلاقك من ضميري بلا احساب

العيوز

مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

الشيبه

يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عيوز ولك في الدنيا خلان واحباب

العيوز

مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب

<center><div style="width:100%;filter:glow(color=red,strength=4);color:white;font:14pt">
<FONT FACE="Monotype Corsiva" SIZE="5"><FONT COLOR="#00000">
كخكخكخكخ
مشكور على الموضوع
</center>
😀 😀 😀 😀 😀 😀
ياويل حالي عالظحكه السبشل
ههههههههههههههااااااااااااااااااي

عجيب:D

اقول وين فستيديو نحن عجيب لا بالخير احسن

سوالف

لا فاستيديوو الشررررر
خخخخ
والله حاله مره الشرر ومره بالخير افتكينا من الاستيديو دخلتلنا بدائرة الماء والكهرباء

سوالف

عيل زين والله ادفع فاتورة الكهربا مال بيتناااا

والماء مب لازم لانه عندنا رق نحن:D

الله بالعون كهربـــاء

ماعليه اشرايش ادفع فاتورة بيتكم وانتي تدفعين فاتورة بيتنا

حلوه

هاهاههااهاها

يالله الشرع حلل اربع ..

بس منو بترضى به .. ؟؟
اسمه شيبة ..:D

لا يرضون به ناس تجمع بينهم قلوب وناس تجمع بينهم اجيوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.