فإذا ممكن عشان نكون بالصوره نحاول نفسر بعض الكلمات اللي نكتبها أو نحاول نكتب كلام أقرب للعربي الفصيح ، عشان ما يكون فيه صعوبه بالقراءة وفهم المقصود .
واذا فيه أحد بيعطيني كورس(دوره) بالاماراتي أنا ما عندي مانع .
ومعاً لكي ننتج قاموساً أماراتياً يعد كمرجع للمنتدى ،، بس ياليت يكون مفهرس ،، عشان يسهل الرجوع إليه .
المطلوب :
توضيح بعض الكلمات الغامضه حبتين ، أما فكرة القاموس فهذي مزحة من عندي ،بس عشان احمسكم للموضوع .
ودمتم سالمين
اما انه نحن نقولك جي كلمات من عدنا مايستوي لانه رمستنا بالنسبه لنا شي مؤلوف مانعرف انتوا شو
اللي ماتفهمونه
أو إنك تنطم موضوعك بحيث تقسمه لاقسام مثلا اليوم الاول نشرحلك الكلمات اللي تخص مثلا الاكل
واليوم الثاني عن شي ثاني
مادري شوف شو اللي يريحك ونحن حاضرين
واذا تبانا نقول كلمات من عدنا جي بدون قاعده نستند عليها بعد حاضرين
ومن العين اللي ماتنام الليل
ترانا احنا نرمس عربي
………؟؟؟؟؟
ام مايد
رمسه ، جي
وفيه اتذكر بعض الكلمات :
عسب –> وهذي أضن معناها ((لأجل)).
وفيه غيرهم كثير بس الذاكره فللللللللل.
ومشكوره يالصغيرونه وام مايد على التواصل .
الانجليزيه
مثلا انا الحين بسويلك اختبار
خمن معنى الكلمات الملونه بالاحمر ؟
اتريا ردك
شرات –> يعني ((مثل)).
أتريا –> تعني ((انتظر)).
انا ما أقول لك ما افهم أغلب الكلام اللي ينكتب بس فيه كم كلمه ما لقيت لهم تفسير ولو خطموا على الميموري حقي بسوي لهم حفظ على طول .
وشاكر لك التواصل ..
نرمس …… يعني …… نتهرج
اتريا ……. يعني …… استنا
شرات ….. تعني …. زيكو
……………………….
تخصص ترجمة …. امارتي … سعودي
تسلملي على هالطلّه خيووووووووووووووووو، ولك تؤبرني ما أحلاك .
اذا تخصصك سعودي اماراتي أنا متخصص مصري … سوداني . 
ثان** خآآآآآآآآآآآآآآآي ..
شو هالموضوع الفنتك ..
سألت عن كلمة جي === تعني === لذا .. أو هكذا وع قولتكم كذه
واضيف … عسب ============ عشان
ونقول عسب جي === عشان كذه
فلان ظهر ====== فلان خرج
لا تتحيرون ====== لا تتأخرون
طبعا في الامارات نفسها تلقى مثل ما هو في السعودية تختلف طريقة نطق الكلمات
يعني ناس تقول جي .. وناس تقول جه أو جيه او جذه ,
ولو واجهت ان كلمة يديده اسال ونحن ولو خطر في بالنا شي نعلمك
المشاركة الأصلية كتبت بواسطة سحايب شو هالموضوع الفنتك ..
سألت عن كلمة جي === تعني === لذا .. أو هكذا وع قولتكم كذه
واضيف … عسب ============ عشان
ونقول عسب جي === عشان كذه
فلان ظهر ====== فلان خرج
لا تتحيرون ====== لا تتأخرون
طبعا في الامارات نفسها تلقى مثل ما هو في السعودية تختلف طريقة نطق الكلمات
يعني ناس تقول جي .. وناس تقول جه أو جيه او جذه ,
ولو واجهت ان كلمة يديده اسال ونحن ولو خطر في بالنا شي نعلمك
سحايب راح تكون من ضمن المراجع للبحث .
الحين بدت ثمرات الموضوع تطلع …
على فكره الفايده ليست لي أن فقط وإنما للعموم ..
طيب شو معنى كلمة ((فانتيك)) ؟؟؟؟؟
فنتك او ممكن تنكتب فنتق لانها حرف الكاف او القاف تنطقه G مثل ماتنطق ال G في كلمة Good معناتها شي عجيب او رهيب او مميز يعني شي مافي منه
وعندك منتدى مشهور اسمه منتدى فناتق
واي خدمه انا حاضره