ولكن الفتى..من أخذ الثانيه
ان اردت ان تطول بك المجالس بالسمر
فلا بد أن تأتي بذكر الزوجه الثانيه..
وخصوصا ..مجالس المطاوعه
طبعا هذا السمر..لا يتعدى حدود المجلس
والا لحدث..مالا يحمد عقباه..
حيث اصبح بفعل عوامل الزمن..الردئ..
الزواج بثانيه جريمه لاتغتفر..
حتى ولو كانت الزوجه الأولى..
مكتوب في بطاقتها المدنيه..هكذا.
الجنس : يقولون انثى
قلت لأحد الاصدقاء..لماذا لا تتزوج من الثانيه؟؟
قال لي..انا متزوج بنت عمي..وللأسف الشديد طبعا
كأني متزوج من ولد عمي..بس بدون شوارب
لكن..أفرض اني سأتزوج ملكة جمال..
مدة شهر او شهرين بالكثير..سأتعود على سحنتها
وعندها ستصبح مثل الاولى تماما…واحد من الربع
ولكن تبقى المشاكل فقط..
تبرير جيد..نوعا ما..لمن لم تترك له زوجته الحبل على الغارب
الكثير من الشباب..يدارون خيبتهم..
بانهم لا يستطيعون على كثرة المصاريف..
وهذه لا اعرفها..
اذن ماذا سيفعلون اذا تم تجفيف منابع النفط؟؟
كثير من الشيبان تزوجوا من ثانيه وثالثه ورابعه…(( والله إنهم إرجال))..
وكانوا مدراء ادراة شؤون الغنم والمراييع..
لا يوجد عندهم مايسد رمقهم..
يعجبني ابو واحد من الشباب..
متزوج من ثلاثه والرابعه (( إستاند باي ))..
يتم استبدالها بأخرى…حسب سير خطة اللعب..
في زمن الفضائيات..تصل الحسره مداها..
خصوصا وان حريمنا..مثل الخادمات اللاتي يأتين من شرق آسيا..
في بداية الأمر معصقلات..
فلا تكاد تجلس شهر او شهرين..
تضطر بعدها شراء ملابس جديده..مقاس حاملة طائرات..
لذلك يجب على اصحاب مصانع السراير إعادة النظر
في صناعة سرير نفرين..مقاس 2 متر في 2 متر..
فهذه الأسره مخصصه لأول شهر من الزواج…فقط
أما بعد ولادة طفلين فقط..فحدث عن البحر ولا حرج..
فتحتاج كما قال عادل امام ذات مره..
اذا اردت ان تقبلها…تحتاج الى خريطه..
على طاري الولاده..
كانت تسكن بالقرب من بيتنا أمرأه..استثنائيه..
تلد كل ثلاث شهور طفل..
رضعه رضعتين..فقط..وتجد ***ها يركض بالشارع..كأحسن عداء
الله يذكرها بالخير..يقولون اصبح لديها الآن..700 ولد
والملاحظ..أن (( شيبان )) هالوقت قليل منهم الذي يتزوج ثانيه
ليس لأن حريمهم جميلات..معاذ الله..
ولكن لأن حريمهم بأستطاعتهن إحكام السيطره..بسرعه
دارت الدوائر بأبي..فأصبح ينام بالديوانيه..
قلت لأمي..الا تخافين ان يأخذ أبي الثانيه
من كثر النوم في الديوانيه؟؟؟
قالت بكل ثقه…(( هين ))..
والعهده على الراوي….. تحياتي
أما بعد ولادة طفلين فقط..فحدث عن البحر ولا حرج..
فتحتاج كما قال عادل امام ذات مره..
اذا اردت ان تقبلها…تحتاج الى خريطه..
😀 😀
هيه والله خذوا الثانيه الشرع حلل باربع 😀
جرح خلنا ناخذ الاولى اول .. وللحديث بقيه 😀 😀
ما يستوي نكمل ولا ما بنحصل 😀
ويسلموا ..
انت المفروووض منك تفكر الحين بالثانيه لان الاولى سهله
طيع شوري وفكر بالموضوووع خطط من الحين وألعب 4/4/2
وبالتوفيج انشاء الله
انت جرب بالاول وانا وراك 😀 😀
إنت بس أعقلها وتوكل صدقني بتصير أسطوووره في المنتدى
راح نقووول لعيالنا الله يرحمه الصرصوور كان رجال شجاع
تزوج الاولى والثانيه والثالثه مو رجاجيل هالزمن
انت بس إعقلها راح تصير أسطوووره أنا حاس انك بتنفع انت اليوم دق السياره وروح اخطب
تبيني اروح وياك انا حاظر بس ما أظمن لك النتائج وانا مسوي خطه اول ما يصبون لنا القهوه
بنقووول ما نشرب قهوتكم الا تلبوون طلبنا عاد اهم يقوولوون شربو يشووفوونا يقولوون على
هالاشكال الظاهر بيطرون ههههههههه احنا نقووول نبي بنتكم لولدنا عطوونا عطوونا ما عطوونا
بيطقونا بالدله ويقوولون عمركم انشاء الله ما شربتو عاد انت لا تقووول لاحد اوكي
استر علي وانا استر عليك
ههههههههههههههه
تزوجت اثنتين لفرط جهلي *** بما يشقى به زوج اثنتين
فقلت أصير بينهما خروفا *** أنعم بين أكرم نعجتيـن
فصرت كنعجة تمسي و تضحى *** تردد بين أخبث ذئبتيـن
رضى هذي يهيج سخط هذي *** فما أعرى من إحدى السخطتين
وألقى في المعيشة كل بؤس *** كذاك المرء بين الضرتين
لهذي ليلة ولتلك أخرى *** عتاب دائم في الليلتين
احسن انسى الموضوع اخاف انه يرقد بجنبها
مشكور اخويه
انا ما دام ريلي مرتاح مني وما قصرت في حقه ليش يفكر ياخذ الثانيه اصل …. ام اذا كان طماع ويبي الثانيه ويحس انا انا بدلعه وهذيج بدلعه مثل ما هو يبا وفي باله فاله طيب والله ثم والله يخليه يتنقى الي في باله وبسير اخطبها له وبتذهبله من اغلى المحلات وبعينه ويم العرس بوقف على راسهم وبصب قهوه حق المعازيم وبوز الحلاوه والمدخن لين اخر العرس ويم بخلص العرس بوصلهم لين الطياره وبسفرهم على حسابي تذكرة اياب وذهاب وبعدين بسير البيت وبترياه لين اي واخر شيء يوم بي بقوله يفلان انا سويت الي عليه والباقي عليك بقولي امري بقولهم طلقني واذا كانو عندي عيال بشلهم ويايه ودارن درا ودار مادر مابسير بيت اهلي عشان ما اسوي مشاكل بخليه يسويل بيت ويكتبه بسم واحد من عيالهم وبعيش وياهم ولا اعيش وي واحد ما قدرني وانا ما قصرت وياه
والسموحه
والله ثم والله يخليه يتنقى الي في باله وبسير اخطبها له وبتذهبله من اغلى المحلات وبعينه ويم العرس بوقف على راسهم وبصب قهوه حق المعازيم وبوز الحلاوه والمدخن لين اخر العرس ويم بخلص العرس بوصلهم لين الطياره وبسفرهم على حسابي تذكرة اياب وذهاب وبعدين بسير البيت وبترياه لين اي واخر شيء يوم بي بقوله يفلان انا سويت الي عليه والباقي عليك بقولي امري بقولهم طلقني واذا كانو عندي عيال بشلهم ويايه ودارن درا ودار مادر مابسير بيت اهلي عشان ما اسوي مشاكل بخليه يسويل بيت ويكتبه بسم واحد من عيالهم وبعيش وياهم ولا اعيش وي واحد ما قدرني وانا ما قصرت وياه
الله يستر :rolleyes:
وخيبه تخيب العدو ان شاءالله
كثير من الشيبان تزوجوا من ثانيه وثالثه ورابعه…(( والله إنهم إرجال))..
وكانوا مدراء ادراة شؤون الغنم والمراييع..
لا يوجد عندهم مايسد رمقهم..
يعجبني ابو واحد من الشباب..
متزوج من ثلاثه والرابعه (( إستاند باي ))..
يتم استبدالها بأخرى…حسب سير خطة اللعب..
لمعلوماتك اخوي …. خطة اللعب 4/4/2 ….. خطة فاشلة في زمن اللاعبين المحترفين …. يعني الدفاع ماعاد ينفع …..
اليوم الناس تتكلم عن 1/4/5 … وطبعا هاي خطة حريم المستقبل ……
واذا كنت تتغنى بالماضي العريق .. يؤسفني اني اخبرك ياطويل العمر .. انها ماكانت بطولة الاجداد … لكن الموضوع تنازل من الجدات الله يغفر لهم …. كانوا يشوفون الرجّال رجّال ….. لكن .. اولاد اليوم اباء الغد …. صاروا كومبارس …. وصارت البطولة نسائية …..
وازيدك من الشعر بيت …. بنات اليوم .. امهات الغد …. يحلى لهم دور البطولة المنفردة …. يعني في احيان كثيييييييييييييييييرة … تكون البطلة بدون الكومبارس .. لأنه في نظرها .. (( لا يرتقي الى المستوى المطلوب ))
وبيني وبينك … الحين الواحد اذا سار يخطب …. وقالت البنت ( موافقة ) المفروض يسير يحمد ربه .. ويصلي ركعتين شكر ….
و خل بالك .. ترى العنوسة الرجالية حاضرة وبقوة …… وكان الله في عونكم
