الرقم غلط

المديرة اتصلت للمسؤل عن تصليح شبكات الكمبيوتر ف المدارس وكانت من زمان تدوره وما تحصله واخيرا رد عليه
المديرة: الو استاذ ……………………..اول شي لازم تعطيني رقم موبايلك تعبنا من كثر ما نتصل لك ولا نحصلك…. ولا عندك اجتماع ولا مشغول ولا مب موجود
…………………………………
المديرة : وياك ……………………….مديرة مدرسة ………………………الثانوية للبنات
………………………………………..
المديرة: ليش مب انت المهندس ……………………
ويه المديرة انجلب تلفزيون ملون وسكرت قالت الريال ضحك علي وقال لي لازم تدقين صفر اثنين قبل ما تتصلين هذا موبايل مب مكتب وانتي متصلة من موبايلج مب من المكتب

شموخ النخيل: الو مريم اشحالج …عبدالله وينه طلع من عندكم ولا للحينه؟؟
مريم: اي عبدالله!!!!
شموخ النخيل: عبدالله عمج شو بلاج!!
مريم: اي عبدالله واي عمي!!
شموخ النخيل: مريم شو بلاج انا ……………………………..ما عرفتيني ؟؟
مريم : عرفتج انتي ……………………لكن اي عبدالله تقصدين؟؟
شموخ النخيل: مريم انتي راقدة ؟؟
مريم : والله مب راقدة لكن اي عبدالله تقصدين؟؟
شموخ النخيل: عمج عبدالله طلع من عند ابوج ولا للحينهم ف الميلس؟؟
مريم: ……………………..شو بلاج اي عبدالله واي عمي!!
شموخ النخيل: لحظة لحظة اوووووووووووووووووووووووووووه السموحة مريم انا ابغي اتصل لبنت اخو ريلي واتصلت لج انتي
انا كنت متصلة لوحدة من المدرسات اللي عندنا ف المدرسة اسمها واسم بنت اخو ريلي نفس الشي وما انتبهت … ثاني يوم تقول لي المشكلة انه هي عندها عم اسمه عبدالله وتقول انا استغربت شو بلاها ……………………….متصلة تدور عمي !!!!

كنت ف مكتب السكرتيرة ابغي اتصل لوحدة من المدارس وكانت امينة المختبر ومعلمة الرياضة والسكرتيرة والاخصائية موجودات
يوم اتصلت رد علي ولد مبين من صوته انه عمره 6ولا 7 سنوات ومن لهجته كان فلسطيني ولا اردني يوم سمعت صوته قلت له اسفة ما عليه غلطانة ف الرقم وسكرت سيدا رجعت اتصلت مرة ثانية على نفس الرقم رد علي نفس الولد يوم سمع صوتي قال لي: انقلعي وسكر ف ويهي
انا سكرت وانا اضحك قلت لهم قال لي انقلعي طلبت من امينة المختبر تتصل قلت يمكن انا دقيت غلط يوم اتصلت سيدا قال لها انقلعي اتصلت معلمة الرياضة قال لها بلا قلة ادب يلا انقلعي .

بالنسبة لسالفة المطار ما حد يميز صوت اللي يشتغلون ف البدالة مهما اتصلتي لهم وانا ما نتبهت اني متصلة من موبايلي مب من تليفون البيت

وسالفة اللي اتصلت لها وانا اتحرها بنت اخو ريلي اظن اني كنت وياج ع المسنجر وانتي دوختيني بالسوالف يا مشرفتنا الغالية

سالفتج ذكرتني بموقف استوى لي وانا برع البلاد

رن موبايلي …اطالع الرقم نفس رقمي لكن الاختلاف بيني وبينه رقم واحد ومعكوس يعني بدال 17 هو 71 سلم الريال ويبا يسولف قلت له نعم خير ان شاء الله قال لي ما تبيعين الرقم قلت له لا

الموقف اللي استوى لي يفشل ع** موقفج انتي

كنت معصبة ومتصلة لربيعتي وسيدا اول ما رفعت السماعة قلت لها : حشا ساعة تليفونج مشغول ما تعرفين اني اتصل لج وابغيج ضروري!!! ما اسمع الا واحد يرد علي ويقول لي اعصابج اعصابج مب زين تسوين ف عمرج جيه:23_28_112

وين تلاقين ويهي هييج الساعة

حمدالله ع السلامة ولو انها متاخرة

انت ناسي رقم الشرطة انا نسيت رقم موبايلي … الله يسلمك سرت اتصالات ابغي ادفع فاتورة موبايلي الموظفة تقول لي كم الرقم قلت لها شو … نسيت الرقم !!!

اتصلت لربيعتي وقلت لها كم رقم موبايلي ابغي ادفع الفاتورة وناسية الرقم

من الفشلة قلت للموظفة فيه حد مثلي ينسى رقم موبايله يوم ايي عندكم قالت وايدين لانه نحن ما نستخدم رقمنا وغيرنا اللي يتصل لنا

وحليلها ما كانت تبغي تحسسني بالاحراج