بسم الله الرحمن الرحيم
اجريت احصائيات للحوادث المرورية في نهاية عام 2000م اي ما يقارب قبل عامين، تبين ان عدد الوفيات 673 حالة وفاة و 11 الف مصاب في دولة الامارات العربية المتحدة. و من اهم اسباب هذه الحوادث كانت السرعة الزائدة عن الحد المسموح و القيادة باهمال و القيادة تحت تأثير مخدر او الحكول و العياذ بالله ..
كما يذكر ان اعلى نسب الحوادث تحدث في الشوارع الخارجية او على الطريق السريع ..
بالاضافة الى ذلك نرى و نسمع يوميا عن حوادث المرور و اسبوعيا ان لم يكن شهريا عن حالات الوفاة اللتي يروح ضحيتها شباب و شابات في مقتبل و زهرة العمر في دولة الامارات او دول الخليج بشكل عام ..
ما السبب الرئيسي وراء هذا المعدل العالي لحوادث السيارات و ارتفاع عدد الضحايا الناتجة عن هذه الحوادث ؟
هل هو :
1) نقص اشراف الوالدين ؟
2) نقص التوعية في المؤسسات التعليمية ؟
3) غياب دور وسائل الاعلام ؟
4) غياب دور الشرطة و السلطات لتطبيق القوانين ؟
و اذكر اي اسباب اخرى مقنعة تراها سبب رئيسي في ارتفاع نسب الحوادث و الوفيات ..
بالتعاون مع الأخ Fares UAE
عاشق الأبيض بانتظار مشاركاتكم 
و ردودكم
و السموووووحه
قلبي ! :rolleyes:
يعورني ..
..
أولن أشكركم على هل موضوع المفيد …
حبيت أقلكم انه السبب مب في الوالدين و لا في الشرطة و لا في المؤسسات!!… العيب و الغلط أو السبب في الشخص نفسه طبعن……
والله يا عاشق السفيد و أخوي فارس الامارات.. لو بس اتشوفون الخط اللي بين بوظبي و دبي!!…. الأمر عـــــجــــب..!
الشباب الله يهديهم غير تحدي و سباق ما عندهم…!! ليش عشو مستعيلين!!.. الله يهديهم انشالله الله يهديهم انشالله..!!
والله أصيح علىهاييل اللي يتوفون بسبب السرعه الزايده..!!..
لو كانوا عايشين لو والله كل واحد صفعته من القهر..!!..
والله شفت حادث في الممزر و جاستني حالة هستيريه و ما رومت أتكلم .. بس دموع تذرف من عنوني..!,,..,.
الله يسلمكم راعي النيسان مسرررررررررع (مادري عشو:rolleyes: ).. و راعي ال GMC حليله كان يسير عمهله و لا مرّه وحده أشوف شي يطير جدامي….. :(… و كانت الحادثه جدام نادي الشباب… الريال طات جدام عيني و الثاني ألف اصابة يمكن.. :(… و أشوف شرطة و ناس و اسعاف … كان المنظر ايخوف وايد… الله لا يوري حد انشالله.. الله يعين أهلهم والله..!
يعني أكيد الأمهات يقولون حق عيالهم (ولدي لا تسرع ) و ايقول الولد لا أمي ما بسرع … تامرين أمر…. و مناك خرطي..! يعني اسمع من هنيه و طلّع من هناك….ز واللي يرد عأمه (أنا ريّــــــــال):rolleyes: 🙁 :rolleyes: … الموت يسمونه رجوله..!…
ما با أزيد و لا أنقّص لأني شفت و شفت و شفت بما في الكفايه……
السموحه..
:rolleyes:
قمر .. كلامج صحيح .. لكن يجب ان تكون هناك توعيه من قبل المؤسسات .. او اقامة حلبة للسباقات تكون امنه .. و تكون خاليه من السيارات يعني ..
و غير هذا الشاب يسير هناك و هو مطمن .. تكون وسائل الاحتياط و النجاة متوفره فيها
الحين الصيف ..
كل الماي اللي عندنا حااار .. :rolleyes:
طرشووووووووووولنااااا .. 😀
سلام عليك أخوي:D
والله اني فكّرت وايد وااايد ( انه ايسوون مكان للشباب حق اللعب و الترفيه)…
بس حبيت أذكر الشباب انه في شي اسمه (بـــر) فدييييت البر والله 😀 … يعني الشباب يرومون يلعبون في البر الوسيع لوول 😀
والله ما أقول الا الله يهدييييييييييييييهم كلهم ان شاء الله آمين 😀
السرعه الجنونيه وراء معظم تلك الحوادث …منهم من يتخيل أنه يقود طائره لا سياره !!!!
الاسباب التي عددتها مجتمعه لا سيما دور الاعلام المغيب في هذا الشأن !! بالاضافه كما ذكرت عدم الالتزام بالقوانين نظرا لعدم وجود الصرامه في تنفيذها وتطبيقها ..
فليضربوا بيد من حديد وليلزموا كل سائق بالاتزام يالقوانين ويكفوا عن التجاوزات والاستثناءات لهذا وذاك !! فالقانون فوق الجميع ..:mad:
وهناك نقطه اود ان اطرحها وهي الوازع الديني ..فهذه نعمه من نعم الله هل نحسن استخدامها ؟
وتسلم على الموضوع ..احصائيات تعور القلب ..وتعد الاعلى عالميا !!
🙁 :eek::(
قمر .. صح البر مكن حلو .. لكن ماينفع للريس 😉
UAE_LOVER .. تسلم اخوي عالمشاركه .. و نتمنى ان تكون قرارات صارمه جدا
M_Power .. توكل على الله و نزل الموضوع هناك ..
قمر .. بلاج حزينه !! :rolleyes:
انا من رايي .. ان السبب في هالحوادث ..
كل اللي ذكرته .. بس اهمهم
قلة مراقبة الاهل .. هالايام عيال 12 سنه يسوقون السيايير 🙁
يضيعون عيالهم بانفسهم 🙁
وثاني شيء ..
نقص التوعية في المؤسسات التعليمية
ما ينصحون شباب هالايام شو اسباب الحوادث .. .. .. وما يخبرونهم الحوداث شو سوت في اللي قبلهم .. واللي ما يلتزمون 🙁
الله يستر من اللي ياي 🙁
والسموحة
<FONT FACE="Monotype Corsiva" SIZE="5"><FONT COLOR="#00000">
خيييييييييييييييييبه كيف شو داعم هذا
.. أنا بعد أقووول براي أنه واايد شباب يستهترون ..
.. يسرعون ..
.. مشكوريين على الموضوع ..
</center>