الحب من اول نظره وبرميل ال**اله

هذي البنت سلمكم الله عندها أخوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين ترمي ال**الة "الله يكرمكم"
عند الباب المهم جاء دور هالبنت اللي أتكلم عنها كانت سهرانة مع اخواتها الين الساعة 2 الصبح… وبعدها خواتها طلعوا ينامون فوق…
وهي قعدت تنظف المطبخ وتشطب عليه.. وقامت طلعت ال**الة عند الباب …
المهم البنت قالت ليش أحطها عند الباب خليني أتشجع وارميها بال**الة احسن..** وطلعت بره بالشارع وكان الشارع فاضي.. مرة وكانت الساعة حوالي 3.30 المهم يوم جت تطلع ترمي ال**الة المهم الهوا صك باب بيتهم هههههههه وقعدت المسكينة بالشارع …
فكرت ترن الجرس خافت أبوها يهاوشها ويسويلها شيء ..( لأن أبوها شديد)… وطلعت بالشارع ما عليها إلا ! قميصها حق البيت ..
المهم حست أن صوت يقرب.. صوت سيارة !! قامت مسكت ال**الة وقلبتها ودخلت جوتها المهم كان اللي جاي ولد الجيران.. كان توه جاي من استراحة…
المهم جاء ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بال**الة؟! واستغرب إن ال**الة مقلوبة قام قرب من عندها …و جا بيرفع ال**الة ويزينها …إلا صرخت البنت
وقالت: لالالالا… قال: بسم الله الرحمن الرحيم.. إنتي إنس ولا جن؟! قالت: والله إنس، قال: إنتي وش جابك هنا؟؟!!… وقالت له: القصة وهي متغطية بال**الة وترجت ولد الجيران يساعدها…
قال:خلاص لا تخافين… قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك… قامت مسكينة ما صدقت رمت ال**الة ..وطلعت كذا قدام ولد جيرانهم المهم دخلت وقفلت الباب على طوول….
وولد الجيران واقف ما تحرك يناظر فيها
المهم.. ما مر على هالسالفة يومين إلا جا وخطبها من أبوها وتزوجها… ههههههه والله قصة زواج غريبة وعلى فكرة ترى هذي سالفة حقيقية وحصلت بالفعل… واللي يعيش ياما يشوف ويسمع

تحياتي,,,,,,,

ابو عبدالله

بعدين مشكور عالقصه الحلوه

اليله انا طالعه اقط ال**اله تكرمون هههههههههههه

سلامي

تشكر اخوي على القصه الحلوة

ونبارك للعريسين ونقول لهم

ليش ما عزمتونا حق العرس ؟؟؟

لااتخرب عليهم ر**هم,ترى إن دروا بعض البنات بالسالفة بيحلفون ما يسيرون الصالون,كل اللي بيسوّونه إنهن يقومون من النوم وسيده عالباب ينطرون أي واحد يعبّرهن..

اهلا بالجميع

بحرينيه عسل: اقول اثقلي ترى المسأله مهيب سهله

الطيب: المعاريس يعتذرون منك ويقولون لك آسفين لان الموضوع تم بسرعه وكان مجرد صدفه

المــــرعــب: هلا والله اخوي وحبيبي الله يسلمك نورتنا بوجودك يالغالي

درام الحب اقول اختي لايكون درام الجماعه يقرب لك

الحويس : رب صدفة خير من الف ميعاد .. ولايهونون هل الصالونات

تحياتي للجميع

ابوعبدالله