هذي دعوة لكل ام واب ان يعدلوا بين ***ائهم قدر مايقدرون,لاني أشوف الكثير من الاباء والامهات لهم واحد من عيالهم يستأثر بدلالهم ومحبتهم بفارق كبير عن باقي اخوانه واخواته…
فمثلا , اذا كانوا الاولاد قاعدين يلعبون في البيت وفجأة ان**رت زجاجة النافذة ,نلاقي الام او الاب مثلا معاملتهم تختلف احيانا في تقرير العقاب أو ردة الفعل على هذا الحادث,فإذا اللي كان كاسر الزجاج يحظى بدلال كبير من امه نلاقيها تضحك وتقوله : فداك ,الا هي دريشة وبنصلحها..
اما اذا كان هال*** مايحظى بدلال كبير ,فياويله من عقاب امه ,ويكون العقاب إما الضرب ,او التجريح والاهانات بالكلمات,وهذا الشي يخلي هالولد المسكين يشعر بعظم العنصرية والتفريق ما بينه وبين أخوه المدلل,مما يؤدي إلى نتائج خطيرة وسيئه سواء في الحاضر أو المستقبل…
من هالنتائج الكراهية مابين الاخوة,ومستقبلا كره الولد المظلوم للبيت والبحث عن متنفس له خارج البيت وغالبا ما يكون الحل في ان***طه مع شلة السوء..
سبعين بالمية من اسباب الانحرافات سببها المعاملة السيئة والتفريق بين ال***اء..
البعض من الاباء قد يتحجج بأنه يفضل احد ال***اء على الاخر بسبب تفوق ال*** المفضل دراسيا على اخيه الثاني,أو بسبب أن هذا ال*** يسمع الكلام والثاني ابد ما يحب الامارة؟!!
بس لو رجعوا للسبب اللي يخلي ولدهم ماينجح دراسيا فبيكون السبب:
عدم تشجيعهم له وغالبا ما يقولون له انه فاشل دراسيا وعمره مابينجح واخوه احسن منه؟!!
اما بالنسبه لعدم سماعه لكلامهم فغالبا لانعدام التشجيع او قلته مقارنة بتشجيعهم العظيم لاخيه الثاني..
انا كلامي مافيه تحامل على الاباء والامهات,,بالع** الاساس في المعاملة العدل لتخريج مجتمع خالي من العيوب..
وبعض الامهات يخلون مسؤولية البيت براس ال*** الكبير ,يعني كل الفواتير على راسه بداية من فاتورة الكهربة انتهاءأ بفاتورة الخياط,,وحتى لو كان هال*** متزوج وعنده عيال ,,وعنده اكثر من اخ يشتغل إلا ان الام تهلك ولدها العود بكل مصاريف البيت ,واذا قال لها ولدها انه لازم يكون فيه تعاون مابينه وبين اخوانه على مصاريف البيت يكون جواب بعض الامهات,ان اخوانه بعدهم صغار وما يقدرون على تحمل مسؤولية البيت؟؟؟!!!(صغار وهم يشتغلون؟!!عيل اقعدي احضنيهم اربع وعشرين ساعة ولا تخلينهم يطلعون من البيت دام انهم مايقدرون على تحمّل المسؤوليه) 
هذا واقع وشفت منه كثير سواء في محيط الاهل أو من خلال ماأراه من معاملة بعض الاباء والامهات لأبنائهم
وعظم العنصرية في التعامل
فعلا موضوع في غاية الاهميه
مثل ماقلتي اختي تفريق الاهل في معامله ال***اء سبب رئيسي من اسباب
انحراف ال***اء المفروض على الاهل انهم ينتبهون حق الاشياء هاي
يمكن يستهينون ويتساهلون في الموضوع لانهم مايعرفون نتيجه التهاون
لازم نعدل بين ال***اء في كل صغيره وكبيره حتى لو كان الاب أو الام
يميلون ويحبون واحد من ال***اء اكثر من الثاني المفروض مايظهرون الشي هذا
ومايخلون عواطفهم تسيطر على معاملتهم لأبناءهم
وهذه دعوه من الجويس للعدل بين ال***اء وتنبيه جدا مهم
نفس الحال بالنسبه للزوجات لازم الزوج يعدل بين زوجاته في كل صغيره وكبيره
يمكن قلبه يميل لوحده من زوجاته ويحبها اكثر من الثانيه بس يخلي الشي هذا في قلبه .. الرسول صلى الله عليه وسلم كان يحب السيده خديجه رضي الله عنها وكان يفضل السيده عائشه رضي الله عنها عن بقية زوجاته بس ماكان يبين الشي هذا وكان يعدل في معاملته لزوجاته
لان الانسان مايقدر يسيطر على مشاعره وقلبه هذا شي خارج عن ارادته
لكنه يقدر يتحكم في تصرفاته ولازم يستخدم عقله في الامور هاي ويخلي العواطف في صوب .. ماادري يمكن طلعت عن الموضوع شوي وطولت فيه وتفلست
صراحه موضوع حلو ونشكر الاخت جويس على الطرح المميز
العدل أساس الملك ……
والعدل مطلوب في كل الأمور صغيرها وكبيرها …..
والمؤخذة تأتي عندما تستطع أن تعدل فلا تعدل …… وما عداها فلا يكلف الله نفساً الا وسعها ..
ومبدأ الجزاء والثوب ….. أمر لا يقبل القسمة على أثنين ….. فما عدل …. أو … ظلم
العدل ما ساد في قوم الا كانت الثمرة يانعية صافية … يسود الاحترام …. وتسود المساوة ….. ويسود الحق
العدل أخلاق الأنيباء … والنبلاء … والعلماء ……
………….
تحياتي
بس انت ليش سرحت بالموضوع بعيد وسرت عند تعدد الزوجات؟؟!!ليش كم ناوي تاخذ لك
بس بعد الكلام اللي قلته بخصوص هالموضوع عين الصح والله يجعل كلامك بميزان حسناتك
اخوي Cafe999مشكور على المشاركة,وعلى كلماتك الرائعة بخصوص العدل,وفعلا إذا حكمنا بالعدل,بيسود الاحترام والمحبة والحق.
والله يجازيك كل خير 
أهلين اختي Melodyوالله يبارك بحياتج إن شاء الله
مشكورة على التدليل بالمثال,وصدقيني مو بس ربيعتج اللي تقول هالشكوك بخصوص إذا هذي أمها أو لا وايد بنات غيرها يقولون هالشي,والسبب مثل ما ذكرتي..
ومعروف بعد إن ال*** أول مايثور,فهو يثور بويه اللي دلعه,سواء أمه أو ابوه,والصراحة يستاهلون خخخخ
يعني لازم يحاولون قدر مايقدرون إنهم يعدلون بين أبنائهم,وإلا بتكون النتيجة ضدهم,وساعتها ماينفع الندم 
هذا الموضوع هاااااام جدا و احد اسس ضعف بنية مجتمعنا فال*** المدلل سيدلل عندما يكبر و يتزوج احد ***ائه
فكما نشات الفرقه بينه و بين اخوته سيساهم فى انشاء الفرقة بين ***ائه ايضا
يعنى فرقة X فرقه و ضعف بنيان مجتمعى واضح
و السبب فى الاصل يعود للوالد او الوالدة الذين ارسوا هذه القواعد الشاذة فى التربية .
………
بارك الله فيكم اختى الكريمة
مشكور أخوي نبيل على المرور ومشكور على كلامك الحلو,وهذا من واجبنا
فعلا أخوي اذا كان الولد مدلل في الصغر فأكيد بيتم مثل ماهو عليه يوم بيكبر,ويمكن بعد يطلع ريال لايعتمد عليه ورقيق لانه مدلع زياده
و المتضرر الكبير من هالشي هو المجتمع اللي بيخرج أمثال هؤلاء ال***اء المرفهين والبعيدين جدا عن تحمّل المسؤولية,سواء مسؤولية الاسرة أو المجتمع ككل..