بس بليز كل واحد يلتزم بأسئلته.. يعني الاولاد اذا طرحوا سؤال ما يجاوب عليه ولد .. نفس الشئ للبنات أوكي..
وأنا راح أبدأ.. وبما أني بنت راح أطرح سؤال للشباب أوكي..
وسؤالي هو:
ليش الشباب يركضون وراء المظاهر.. يعني لازم سياره آخر موديل لو ماعنده ..وعااادي يحط علي عمره ديون؟؟
يلااا واحد من الشباب يجاوب ويحط سؤال للبنات..
نحن نحب المظاهر .. من أجلكن أنتن
لآنكن ما تهتمن ألاّ بالشاب اللي عنده سيّارة أخر موديل
يعني لو ريّال عنده خلق وسمعتة طيبة لكن دخلة محدود .. ما بتهتمن به
حتى لو نيته سليمه كالزواج
أتذكر أن واحد من رباعتي قال لي
أنه مر في أحدى الحارات وعنده نيسان 97 .. ولا وحده أتهمت به
ثاني يوم ركب الـ BMW ومر على نفس الحارة .. حلف لي بالله العظيم … أن البنت اللي مر عدال بيتها أول مره وكانت واقفه عند الباب ( ما دزت له ويه )
وفي المره الثانية ( كانت عيونها با تاكل السيارة وراعيها )
سؤالي : للبنات : أنتن ليش ما تهتمن ألاّ بالمظاهر ؟ّ
عني شخصيا المظهر ما يهمني لانه مجرد كمال و غطاء للانسان .. يعني الروح واااايد اهم .. شو فايده المظهر .. و شو فايده الخقه .. و شو فايده كل شيء اروم اشتريه بالبيزات اذا ما كنت املك اهم الاشياء و هي الصحه و السعاده و الامان و هاي الاشياء براي كنوز الدنيا ما بتوفرها للانسان ..
يعني يا اخوي باختصار المظاهر مب كل شيء .. و الناس اللي مب واثقه بعمرها بتتلبس و بتسوي عسب اتغطي على عمرها …
مجرد رايي الشخصي ..
سؤالي .. اذا عطوووك مطلق الحريه .. و اذا محد بيعايرك و البنت بتقبل فيك اذا كنت تشتغل كرهبجي و لا نجار و لا اي شغله من هاي الاشاغل اللي الحين محد من المواطنين يشتغلونها .. بترضى ؟! و اذا لا ليش ؟!
وسؤالي للبنات :
ليش البنت تركض ورى الموضه مع ان هاي اشياء دخيله في مجتمعنا ؟
و بعدين الوحده اتجوف شو يناسبها اتسويه .. و اللي ما يناسبها اتسويله اكبر طاااف
ها طبعا للعقااال .. بس اللي مثل و سبق و ذكرت ما عندهم شخصيه و ذوق بيركضووون ركيض اتقول في مرثون ورا الموضه ..
=============
شو سالفه الموضوه اللي طالعين فيها الشباب .. الا غتره صفرا و الا كندوره برتقاليه و لا حمرا و لا ….. شو اخترب الذوق !!؟
شو سبب هاي الظاهره العنقاشيه المفاجاه !؟
تحيااااااااتي
يلا نتريا السؤال واذا ما عندك قول عشان نحط سؤال ثاني للأولاد.. 😀
ليش البنات يتجاهلن ولا يتناسن لغتهن العربيه ويرمسن بالانجليزي مثل ( باي وتيك كير وسي يو تومورو والخ……….)وها الشي شايع بين بنات الجامعات والتقنيه .
تحياااااااااتي
بما أن فتى الشارقة ما سأل أنا بسأل
:rolleyes: ليش البنت عند كل حفلة أو عرس لازم تشتري كندورة يديده أو فستان يدييد , حتى لو بين الحفلة والعرس مثلاً يوم واحد ؟!!
تلقاها تقولك .. عقب سبوعين فيه عرس فلانه واليوم الي عقبه حفلة تخرج فلانه .. يلة بروح فصل فستانين !!! :confused:
صــــــــــــبــــــــــــتــــــــــــكـــــــــن في مقتل 😀
تقدر تسمي هذا دلع أو شطارة.. 😀 وبعدين مو بس البنات اللي يرمسون جذا حتى الشباب.. وبعدين يوم البنت بترمس جذا مو معناته انها نست لغتها..
أكول
هذا شئ طبيعي وأحس أنه شئ غريزي في البنت.. حب التزين في اللبس.. وبعدين مو كل البنات جذا.. وعني أنا مو لازم كل مناسبة فستان يديد أو بدله يديدة.. وبعدين احنا في الملابس.. أنتوا الشباب في السيارات والموبايلات.. 😀
وسؤالي..
ليش الاولاد مب مخلين البنات في حالهن … قلنا اللي تسوي حركات اوكي عادي ماينلامون فيها لكن حتى البنت اللي حاشمه عمرها يغازلونها..