الأعراس .وفرقة الريايل 2024.

اللي خلاني أكتب هالموضوع من المواقف اللي مريت فيها هالصيف وهي :

مجموعه من إرباعتي عرسوا في الصيف ولكن للأسف ما قدرت أروح ولا عرس .

أربيعتي الأولى : يوم أتصلت فيني عسب تعزمني على عرسها سألتها شو بتيبين في العرس
قالت لي: فرقة ريايل . قلت لها . اسمحيلي ما أقدر أي لأن أهلي ما يرضون وانا أصلا ما رحوا عرس فيها فرقة ريايل . وقامت تترجاني عسب أي بس قلت لها ما أقدر أي قلت لها أيبي طقاقات حريم بي عرسج قالت لي : أنتي وشلتج ما تطوعتوا إلا يوم عرسي . قلت لها والله هذا مب تطوع هذا حرام .

أربيعتي الثانيه : بعد أتصلت فيني وعزمتني على العرس سألتها نفس السؤال قالت لي راح انيب فرقة ريايل قلت لها ليش ؟ قالت أخواتي وأخواني يبون فرقة ريايل . قلت لها بس أنتي بتعرسين مب أخواتج ؟ قالت شو اسوي محتشرين ويبون فرقة ريايل … طبعا بعد ما رحت العرس

أربيعتي الثالثه : اتصلت فيني أتبشرني بأنها ملجة فباركت لها وسألتها عن موعد العرس قالت الموعد وقلت لها شو بتيبن قالت فرقة ريايل .. قلت لها ما بي إذا يبتي فرقة ريايل لأن أمي ما ترضى . قالت راح أقنع أمج وراح أخلي أمي تكلم أمج . قلت لها شو فيه الطقاقات ؟ قالت الريايل يربشون العرس وتحسن أنج بعرس قلت لها : تخيلي أنج توفيتي في يوم العرس ؟ قالت لا تفاولين علي قلت أنا ما فاول … قلت لها كافي الذنوب اللي عندج تبين تاخذين ذنوب الحاضرين
طبعا قالت لي اذا مايتي راح أزعل منج

أخيرا :

من ثلاث مواقف حبيت أسأل شو لفرق بين فرقة ريايل والحريم كل نفس الشي في ناس يقولون مب حرام فرقة ريايل لأنه يكون في حاجز (مافي فرقة ما تشوف شو يصير في صاله من خلال التجارب اللي مريت فيها ) واللي مستغربه منه أنه في وحده ملتزمه ريلها طلب منها أتيب فرقة ريايل أخر زمن ريايل ما عندهم غيره على حريمهم وهذا مب عذر لأني العرس يكون بأيد العرس هي اللي تطلب وتتأمر على ما أعتقد

مره حضرت عرس واحد من ربعي …هو واخوه معرسين وشو يابوا في العرس ؟؟؟؟؟؟؟

صدى الأهات : صح في حاجز بس يشوفون أنا قبل لين كنت أروح أعراس صح كان في حاجز بس إستغربت من تصرف الفرقه يوم كان يغني كان يقول اشياء تصير في الصاله كيف شاف مدري .تسلمين على الرد

الحسام : مشكور أخوي على المداخله لو يفكر الشخص في الذنوب اللي راح يحصله من هالشي
ما نقول غير الله يهديهم

kfarrag: المشكله يا أخوي أنهم ما يقتنعون أن حرام ويقولون أنها ليله في العمر … ما يتخيلون اذا كان اخر ليله في العمر !!! شو بيكون مصيرهم !!! مشكور على التواصل

المرعب : معاك حق الأعراس اللي فيها أناشيد تحس بجو ثاني … نحن في ملجة أخوي كنا حاطين أناشيد ويوم عرسه يبنا طقاقات بس بدون موسيقى بس طيران بدون خلخال (الدف )
والكل قااال أن العرس كان حلوووو .تسلم على المداخله

الحمدالله أنا يوم العرس أنا والكرسي نفس الشي ما أتحرك من مكاني على قولت أمي خسارة البيزات اللي أصرفها عليج خخخخخخ