يمكن موضوعي يكون حساس بعض الشي.
وبصراحه اللي خلاني اكتبه رد من ردود الاعضاء في موضوع من المواضيع.
الكل عارف البلاوي اللي صايره فايامنا هاي ..من رمسات وطلعات ولبس فاضح وغيرها من هالسوالف ..
والكل عارف ان الخير يخص والشر يعم !!
واللي فهمته من رد هالعضو ان اكثر الاسباب اللي اتخلي الشاب يبتعد عن الزواج هو اللي يشوفه برا البيت من فساد وبلاوي..وانا مالومه بالع** من حقه يفكر بهالتفكير دام ان البلاوي فكل مكان لدرجه ان الواحد مايميز بين الخير والشر؟!!!!!!!!
وانا من موضوعي بغيت اعرف لو كل شاب او شابه فكرو بهالتفكير ..هل بيكون في شي اسمه زواج ؟!!
او بنشوف العزاب والعوانس ماليين البلاد والفواحش بتزيد؟
ابغي اعرف اذا الشاب ماشي صح تعتقدون بيفكر انه يتم اعزوبي؟! ..لانه حاط فباله ان اكثر البنات طريقة لبسهن وحركاتهن وحده .وانه مايبقدر يختار صح؟!!
من راي انا ..مجرد راي 
احس ان الشاب اذا ماشي صح ومايلعب على البنات ..اكيد بيحط فباله ان في بنت زينه وماشي صح وماتلعب ع الشباب ..( مجرد فلسفه لا اكثر
)
والباقي عليكم طبعا واتريا ردودكم وخاصه الشباب
واسمحولي مره ثانيه بس حبيت اعرف طريقة تفكيركم فمثل هالسوالف؟
[/align]
من شباب و بنات …
صدقتي اختي ..بس مب كل الناس ماشين على هالمنطق
[/align]
يعنى مثلا الحرامى يتعامل مع الناس كانهم حرامية
و اللى يلف و يدور …… يفكر كل الناس تلف و تدور
و " الصايع " يفكر الكل صايع
…………….
و لكن لا تنسى ان المحترم يتعامل مع الناس باحترام حتى لو كان الذى امامه لا يستحق الاحترام
لذلك المحترم يفكر و هو متاكد انه الناس بخير و الدنيا بخير مهما كثرت البلاوى
لانه " الخير فى و فى امتى الى يوم الدين "
…………..
الشاب المحترم يسرع الى وقاية نفسه من هذه الشرور بالزواج
خشية الوقوع فى الحرام .
و اذا افترض الشاب ان كل البنات واحد
فالقصور يكون فى تفكيره هو
لان يا اهل ديرتى صدقونى
الخير فى اهلنا و عيالنا و بناتنا ………. و لا يغركم كثرة الخبيث .
مع تقديرى اختى المغرورة لمواضيعك الهادفة
[grade="00008B FF6347 008000 4B0082"]
( المغروره )
أنـا ويــاج ف اللــي قلتيـنــه …
ومثل مـاقـال أخـوووي " نبيل " ..
اللـي مضييــع عمـره , وحيـاته كلهـا صيـاعـه .. أكيد بيشـوف النـاس مثله .. وخصـوصاً اللي يتعـامل ويـاهم ..
فأكيد اللي يمشي صح .. الله سبحانه وتعالى يبـارك له ف كل خطـوه .. ويعطيه على قد نيته ..
وفي نقطه مهمه …
( الله يحمي شب***ا ويصلحهم ) .. اللي دوومـه صـايع .. ومـايخـاف الله … صـدقـونـي مـاعنده ثقه لا ف النـاس .. ولا ف نفســه .. والله يكون ف عــونـه ..
وتسلمـــين أختـــي ع المـوضـوع ..
* الطــير المهـــاجـــر *[/grade][/align]
أختي الغالية…فعلا كلٌ يرى الناس بعين طبعه واذا فكر الشاب بجدية في تحصين نفسه من الزلل والوقوع في الحرام فالفتيات العفيفات موجودات وهن درر مصونة ولسن سلع رخيصة معروضة، فإذا الشاب سيعمم كل مايشاهده في الأسواق وما يقمن بفعله هذه النماذج! فعلى الدنيا السلام ومثل ما قال الأخ نبيل القصور يكون في تفكير الشاب والخير فى اهلنا و عيالنا و بناتناو لا يغركم كثرة الخبيث.
وبحفظ الرحمن…[/grade]
وبصراحه اللي خلاني اكتبه رد من ردود الاعضاء في موضوع من المواضيع.
المهم عزيزتي هالشي طبيعي الانسان من حقه يخاف من الي يشوفه مب شرط هو يكون جي لا..بس مب لدرجة ان يعتقد ان الناس كلهم بهالطريقه يعني المفروض يشوف من الجانب المشرق بعد وما يحكم على الكل من خلال الي يشوفه برع أو من خلال أشخاص احتك وياهم..
ومثل ما انتوا عارفين ها زواج وعشره ولازم الواحد يختار صح اذا كان هو صح لأنها بتكون مربية أجيال..
يعطيج العافيه على الموضوع الحساس..ولا تنسين الامتحان باجر
البنات وحركاتهن
كيف بيعيش حياته بيتم في علاقات من غير هدف الا المتعة وحجته أنه ما عنده ثقة في
بنات هالزمن
تراه هو يسوي نفس الشي يوم يدخل في علاقات ويشجع على هالشي اللي معترض عليه من
لبس وحركات وميوعة لاني ما اظني بيقول لربيعته أصطلبي وأحتشمي في لبسج شوي
وأصبوع أيدج مب سوا فيه الزين وفيه الشين فيه البنت اللي تلعب وفيه الشاب اللي ما قصر في
بنات خلق الله [/align]
تسلمين غاليتي على هالموضوع الرائع .. (( بس خبروني شو ياكم تبون تيوزون الشباب هههه))
المهم حبوبتي برايي ان الشاب يوم يلعب عالبنت و يقضي حياته و هو يلعب من بنت لبنت و المشكلة انه يطيح على بنات فري يعني يظهرن وياه و يلعبن ..قصص حب مالها اول ولا تالي ..و بالاخر تخونه ولا هو يخونها ماعلينا المهم تحصل الخيانه في كلا الطرفين . .. و كذالك الحال مع البنت تتعرف و تحب و بنفس الوقت معاها 10 لي تكلمهم من واحد ورا الثاني ..
هالنوع من الناس كيف راح يتزوجون !!! بذمتكم ماراح تنعدم عندهم الثقة .. راح ينظرون لكل الناس مثلهم ..
خاصة الولد من كثر مايلعب راح يشك بخواته حتى وتلاقونه يمنعهم من التلفون و الطلعة برع البيت ..
و هو اونه عايش حياته عزوبي .. لانه يلاقي البنت في الشارع و بكل سهوله ..
وغير جذه غاليتي حتى لو الولد زين وماعليه كلام ..ياختي تعرفين مصاريف الزواج والمهر و غيره .. يعني يوم الشاب ينوي عالزواج و يذكر المصاريف الصراحة يتخبل .. وخاصة ان شب***ا هالايام وللاسف الشدييييييييد من يشتغلون اول شي سيارة اخر موديل وعادي لو تكون فوق 300 الف و لا لازم يزودها بعد و يكشخها (( هذي حرمته المؤقته)) .. و يقعد فوق الخمس سنوات ولا اكثر بعد ((مادري)) و هو يسدد الاقساط .. ولا لازم كل سنه يسافر و يتسلف من البنك لي ماتصدق خبر و تعطيه..
هالشاب وين بيتزوج !!
شو انقول .. خليها على الله .. و ربي يهدي الجميع ..
ترا في النهاية اقول مب كل الشباب نفس الشي ولا كل البنات .. و ربي هو لي يكتب نصيبنا و ان الطيبون للطيبات و ان الخبيثون للخبيثات و كل واحد يحصل على قد نيته ..
واسمحولي عالاطاله .. و لاتزعلون مني خواني
تحياتي لكم
همسة حب
الحينة تلقين كل واحد يرمس لج كم من وحدة ولاهي عن ان عمره يمشي وباجر بيصير كبير
هو صحيح انه الشباب كانوا ما يخطبون اللي يرمسوها .. بس احس ان ها الايام صار الع**
واهلهم بسبب المشاكل والفضايح اللي يشوفونها
ف يخافون على خواتهم من هالشي وبعضهم لانهم
هم من هالنوع ف تحصلينه املعوز اخته تلعويز
والواقع ان كل شخص يحشم عمره وبيعتدل المجتمع
شو فى اختى المغرورة " كل انسان يرى الناس بعين طبعه "
يعنى مثلا الحرامى يتعامل مع الناس كانهم حرامية
و اللى يلف و يدور …… يفكر كل الناس تلف و تدور
و " الصايع " يفكر الكل صايع
…………….
و لكن لا تنسى ان المحترم يتعامل مع الناس باحترام حتى لو كان الذى امامه لا يستحق الاحترام
لذلك المحترم يفكر و هو متاكد انه الناس بخير و الدنيا بخير مهما كثرت البلاوى
لانه " الخير فى و فى امتى الى يوم الدين "
…………..
الشاب المحترم يسرع الى وقاية نفسه من هذه الشرور بالزواج
خشية الوقوع فى الحرام .
و اذا افترض الشاب ان كل البنات واحد
فالقصور يكون فى تفكيره هو
لان يا اهل ديرتى صدقونى
الخير فى اهلنا و عيالنا و بناتنا ………. و لا يغركم كثرة الخبيث .
مع تقديرى اختى المغرورة لمواضيعك الهادفة
صدقت اخوي فكل كلمه قلتها..واشكرك على هالنقطه المهم
الشاب المحترم يسرع الى وقاية نفسه من هذه الشرور بالزواج
خشية الوقوع فى الحرام .
احسها من اهم النقاط وخاصه فزمانا ها..
تسلم اخوي[/align]