بكتبلكم قصة معاناتي مع التميز
أنا شاركت في جائزة الشارقة للتميز التربوي فئة الطالب المميز ل الشيخ الدكتور سلطان
بس ياريت كان الامر هين صياح وصحت سهر وسهرت وكرفت كراف لين ماقلت بس كنت احس في شي واقفلي على جبدي ماروم ارقد مثل الناس
المهم من شروط الطالب انه يكون ممتاز في مستواه الدراسي ويكون في المدرسة كثير الانشطة ولازم يبرز كل هواياته ولازم يكتب كل مشاركاته سواء في التلفزيون الانترنت والجريدة كل مكان ولازم تخبرهم كيف نميت مواهبك وكيف قضيت سنواتك الدراسية يعني تقريبا كل شي سويته في حياتك حتى الاماكن اللي سرتها المهم انا سويت كلها في آخر يومين مع انه كنت من بداية السنة احاتي الجائزة ولا انام زين بس ماشتغلت الا في اخر يومين ولارقدت الا ساعتين وكنت تحت ضغط نفسي فكل اللي في المدرسة يشجعوني حتى اللي في البيت المهم الحينه ارتحت وتعلمت درس كبييييير من هالجائزة
ان مو كل شي اي بسهول لازم نجد ونجتهد عشان نوصل لمردادنا صح ان النتايج بعدها ما طلعت بس المهم كوني شاركت في هالجائزة اعتبره تميز والحمدلله واحس لو فزت بتكون احلى لحظات حياتي يوم الشيخ سلطان بيسلمني الجائزة بس ادري ما بفوز ولكن من حقي ان احلم وها كان السبب الرئيسي لانقطاعي عن المنتدى والحمدلله الحينه رجعت
السموحة على الاطالة
كلامج كله صح…
و ما شاء الله عليييج انتي اشتغلتي واايد…
و تستاهليين الجايزة….
بس اذا تبين نصيحة…
ادعي لربج انج تاخذينها….
و دايما تفاءليي…
و لو حتى ما خذتيها انتي بعدج صغييرة…
و جدامج مستقبل كبير و حافل ان شاء الله..
فحاولي انه تميزج هذا ما يقتصر بس في الثانويه….
و لو لا قدر الله ما خذتيها كملي بنفس الدرب….لأنه هو الطريج الصح….
و لا تمليين…
و نحن نتريا منج الأخبار الزينة و ان شاء الله انشووفج دكتورة عودة اختييه…
و السموحة….
الصراحه افتقدناج
الله يعطيج على قد نياتج
وان شاء الله تتوفقين
خليج متفائله اختي
وان حصل شي غير اللي تتمنينه
تقبلينها بروح رياضيه ولاتزعلين
يكفي انج شاركتي في المسابقه
وان شاء الله نتريا الاخبار الساره منج
شفتي كيف الدنيا مب سهلة (( الله يكون بعونك))
من جد وجد و من زرع حصد
و إن شاء الله تبشرينا خلال الأيام القادمة بنيلك جائزة التميز ..
فعلا تستاهلينها ..
مرحبا بك مرة ثانية شدي حيلك في المشاركات
اكبر تميز انج مشاركه الغلا
والسموحه
)
والله يكون بعونج .. وان شاء الله ما بيضيع مجهودج
اللي تعبتيه .. وبالتوفيج الغالية
وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ
لهذا فالإنسان عليه ان يعمل ويسعى في ذلك
ومن ثم يتوكل على الله
كما قال الرسول صلى الله عليه وسلم: اعقلها وتوكّل
اتمنى الله يوفقج في كل شئ 
أنا اكيد بدعي الله انه يوفقني وان شاء الله راح اتفاءل وماراح ايأس وراح اكمل طريجي على هذا النحو ومشكوووورة على تشجيعج الصراحه رفعتي من معنوياتي
كلاسيكي
اوووووه كلاسيكي زين يوم رديت عليه لاني لاحظت من فترة انك منقطع عن المنتدى هع هع هع يعني موضوعي محظوظ وان شاء الله راح تسمع الاخبار الزينه وراح ابتدي العوزك هع هع هع
اطفائي
الله يهديك بعدها النتايج ماطلعت هالسنه عشان اشارك السنه اليايه على العموم هذا فخر كبير لي انه يشارك في موضوعي عضو مميز
طفلة الآمال
مشكوووورة حبيبتي على رفع معنوياتي ومشكورة على الترحيب
الشاحوف
فالك طيب ماطلبت ان شاء الله راح اشد حيلي في المشاركات وراح تسمع الاخبار الزينه
ابدويه عيناويه
تذكريني بناس الله يذكرهم بالخير
مشكورة حبيبتي على الرد وان شاء الله راح تعرفين اذا فزت لاني بحشركم اما ذا مافزت بشوفوني صخيت عن السالفه
ورق الورد
هلا اختي هيه والله اذونا لازم نوثق كل شي حتى لو عطسنا لازم نوثق على طاري جائزة حمدان اتصدقين قالولي اشارك فيها جان اقوللهم يوم بتخبل بشارك فيها وان شاء الله راح اعزمج على كيك عشان خاطر الالضرس الاصفر
المنتدى منور بهله والله يوفق اليميع
السؤدد
شكرا اخويه على التشجيع والله يوفق اليميع
هيه صح شكرا لتذكيري بالآيه