الصراحه هذا السؤال يدور في بالي هالايام وايد…
وحبيت اشوف شوه رايكن يا اخواتي العزيزات فيه…
والموضوع هو قضية المهور…
والسؤال يقوول 
هل تقبلين الزواج بمهر لايتجاوز الـ 100 فلس (ربيه وحده) ؟؟
أتمنى المشاركه من الجميع….
واسمحيلي
حبيت اشارك برايي
وهو ان المهر اذا كان يقسم ظهر الشباب
فاذا كان بحدود ربيه
منو بيدفع تكاليف الزهبه والحفله والبيت
اهل البنت طبعا
وهنى اقول
ان المهم ضرورى
ومثل ما قال الوالد
20 الف مقدم
و30 ماخر
وفوق هذا الاهل يساعدون بناتهم
بالزهاب
وهل الشاب يساعدونه من صوبهم
وكل شي بيكون تمام
هذا اللى اعرفه عن هلى
دوم يساعدون اخوانى بزواجاتهم
وبزهاب اخواتى بعد
وسالفه الشروط
لاحظت بعض الناس يشترطون
الطقم الماس
والملكه بفندق
والعرس بالفضا
مو حلوه هاذا من طبع البدو والاجاويد
هذى عادات دخيله
من الجنسيات اللى قاعدين تتزوجون
منها يالشباب
الاجاويد غير يا عرب
غير
وتحياتي
الخلاصة … يدفع الرجل ما يستطيع دفعه كي يمكن الزوجة من الاستعداد ويكون بذلك الاستعداد في حدود امكانيات الزوج وبدون مبالغات.
لكن ما أأيد المهر المرتفع لان البنت الذكية هي الي تفكر إن هذا الريال بيكون زوجها باجر وأي بنت عاقلة ماتقبل إن زوجها يتدين أو يفلس بسببها لازم يكون المهر معقول .. يعني من عشرة الى عشرين ألف أما المؤخر أفضل أنه يرجع الى كل بنت
مثل ما قالت اختي النور…بحدود المعقول..بدون دين ولا قرض ولا هالعفسه كلها..أهم شي يكون ريال جد المسؤوليه..وأخلاقه عاليه…لانه الاستقرار الي يريده رب العالمين ما تييبه البيزات والمظاهر المبالغه..والله يوفق الجميع..
أنا لوقلتلج عن مهري ؟؟!!! ماراح أتصدقيني؟؟!!!
البنات هالأيام يدورون الستر……..والشباب الي توهم متخرجين من وين لهم يحليلهم البيزات………دام أن مصدر دخلهم بس من الدوام…..
وبعدين والله
أنا أشوف أنه البنت الي مهرها شويه يعني أقل من ال20.000 … تكون طول عمرها متوفقه في كل شيء…..وأهم شي أنه الله راضي عليها وزوجها محترمها….أما هاي اللي معاشها 100000وفوق…..ترا زوجها راح يعتبرها مثل السلعه………..وكل يوم بيقوللها سمعي ترا أنا شاريج اببيزاتي…….
وصدقوني أنا أعرف وايد بنات مهورهم 100000 و الله يستر عليهم……..
وأنا آسفه اذا قلت شي غلط…………….ولكم مني السموحه
بس ملاحظه… مهمه وخطييره
كاتب الموضوع (عيناوي للابد ) مب عيناويه للابد…
للتنويه بس…
**عيناويه للابد…. الله يسامحج 😉
والله سالفه ان المهر يكون اقل من 20 الف
غريبه
عيل 70 الف لصندوق الزواج وين تروح
والزهاب منو بيتحمله
وحياه جديده كيف بيقبلون عليها
انا اعرف لكن غاليتي معاش الشباب
مب هين مو اقل من 5 الالاف
وبعضهم يوصل لفوق العشر مع الشهادات
لكن الشباب يتسلفون من البنوك
للاسفار والكشخه والسيايير
وبعدين يتزوج
والرسو ل الكريم يقول أقلكن مهرا أكثركن بركة…
و السموحة..
عيناوي للأبد … سووووووووري 😉
:p