أمس السبت كان آخر يوم لتسجيل المساقات للكورس الياي .. و الله لا يراويكم بالتسجيل … حرب و تبهديل اللي يسوى و اللي ما سوى قام يزاعج و يقل أدبه علينا ….. ما شي احترام و لا تعامل على أساس أننا بنات جامعيات … اللي كان في الجامعة يحس بالمعاناة….
البنات يشقحن ( ينطن)من الفجر عشان يحصلن رقم … هذا اذا شرف المسؤول من وقت ….. من الفجر لين الظهر نوقف على ريولنا وفي الأخير يا يقولون تعالوا باجر يا أنه الكمبيوترات مختربة … بكل برود ….
ونحن نيي بالباجر ما عندنا أي خيار ثاني … و نفس السالفة تستوي اللي حظها يفلق الصخر تدخل بدون ما تنذل … و الله أنه في بنت خريجة الكورس الياي و المعروف أنه الخريجات أول اللي يدخلن بس هي مانت موجودة ثالث يوم وأسمعها تقول حرام عليكم سجلوا لي آخر مساق أنا خريجة الكورس الياي ما باقي لي الا هذا المساق … و المسؤولين بو لابس بس يزاعجون و يقفولون الباب ….
عقب ما نتحارب و يا البنات العباة بصوب و الشيلة بصوب …. دخلت و قلت خلاص فرجت … لا فرجت ولا شي … منو يقدر يتخيل انه جامعة فيها طالبات بالآلاف و محطين لهم مسجلين ما يتعدون ال15 عاد لازم نوقف في الطابور للي يتشرط من المسجلين و نوقف عشوائي القويه تحط ورقتها قبل ….. عاد كلة ولا يوم توصل الورقة للمسجيل خاصة لهاذيلا المنقبات اللي يرفعلي الضغط … اونها منقبة وراسمه عيونها رسم … أنا البنت قمت أطالع الله يعين الشباب… المهم عاد هاذيلا و الله يوم نتعامل و ياهن خوزوا عن الدرب يأرض انهدي …. بكل هدوء تكتب الأرقام وتسولف شوي و يا اللي عدالها بس خلوا أي وحده تقول يالله بسرعة ولا أنا من الصبح واقفة … يفتحن موال نحن تعبانات و نحن من الصبح هنية و بنموت من التعب هذيلا يالسات عللى الكراسي جذه يقولن و نحن اللي من الصبح لين العصر نراكض…
واللي يقهر أنه 4 يسيرون ياخذون استراحه بالتناوب و الباقيين اللي ماله خص في التسجبل بس يالس منظر و اللي يقول آسف ما بسجل لج انتي مو من كليه تقنية المعلومات و اللي يقول انت مو من الهندسه و اللي يقول أنا بس أرفع الحظر ما يخصني في التسجيل بالذمة شو بى من المسجلين …!!!!
آخر شي ما سجلت غير ثلاثة بس عقب ما تضاربت و يا وحده من المسجلات المساقات مغلقة و بعظها عليها حظر شو نسوي ما يسوى علينا هذا التسجيل …. القهر أنه المساق اللي حولي 150 بنت لازم تاخذة و ما ينطرح لا كورس أول يفتحون بس شعبتين منهم و كل شعبة 40 طالبة حد أقصى شو يعني نعفن في الجامعة؟؟؟
أنا ما كتبت كل اللي في خاطري ما خفي أعظم …..
بنت البلاد…
بس شو نقول
🙁
الله يعين الطلبة والطالبات
😡
كله كوم والشقحات من على البوابه كوم ،،،،كل هذا عشان نسجل من وقت ونحصل شعب وآخر شئ يقولون الشعبة مغلقة والكمبيوترات خربانه.
الله يعينكم عليهم ..
شو جي؟
و الله الله يعينكم
ARAB GIRL صدق نصيحه لا تدشين هاذي الجامعة أنا و الله ندمانة على أني دخلتها …..
تسديدة… هيه لين أحلين ما تطوروا … وأنهم يوم يحاولون يطورون تطورهم خرطي…
وعود …. صح محد بيحس فيني غير اللي مجرب … والله حظك الحين مفتكة من الجامعة…..
بنت البلاد…
لو اني في الاساسي صح بس سجلت مساق لاني مخلصة مادة وشفت نجوم الجايلة ( الجايله للي ما يعرفون الظهر يعني
)
الله يعينا الكورس الياي شو بنسوي :confused: :confused:
الحين بفكر لي بجامعه ما فيها كل هاي ال***بيط
مثل ……….
اممممممممممممممممم
حد في AUD OR AUS ?
قولولي شو النظام اوكي؟؟؟؟؟؟؟؟؟؟
يلا باي
بس صراحه مرتاحين في جامعة الشارقة…التسجيل كله على النت..صح نواجه بعض المشاكل بس مشاكلنا وايد اهون من مشاكلكم…اللي يشوف مصايب غيره تهون عليه مصيبته…
ما اقول الا الله يكون في العون…
بس بعد ايام الجامعه فيها اشياء حلوه بالرغم من التعب والبلاوي اللي شفناها
نحن التسجيل المبكر عندنا مافي اسهل منه ، مع انه ماعندنا غير مسجل واحد في كلية العلوم بس مافي زحمة 😉
لكن في التسجيل اللي اول الكورس والسحب والاضافة حدث ولاحرج :rolleyes:
وبعد الحين تقدرون تسجلون عن طريق الانترنيت