يا جاهل مر الزمان و حلاته *** خذ هاك عقلي ما نفعني و لا ابيه
في هالزمن الطيب اعلن وفاته *** لطيب مات و كل طيب يعزيه
يرحمك يا عود حفظ لك وصاته *** يبيك تتبع ساقته ما تخليه
علمك سيات الزمن و احسناته *** يأمرك بالمعروف ليتك تماشيه
الله وهبنا دين و أحسن صفاته *** و أنزل لنا التشريع و أجزل معانيه
الحق و الباطل عرفنا جهاته *** و ما يزرع المخلوق له يوم يجينيه
احد له الدنيا على الكيف جاته *** الله عطاه و كل شي بأياديه
ما ذاق لوعات الزمن و شقاته *** الفقر و التجويع يسمع بطاريه
واحد يدور في زمانه نجاته *** يبي الستر و العافية بين أهاليه
عزيز نفس و لا يبدل عباته *** راضي و يدري عيشته ما تكفيه
وحد ابد ماخذ طبايع خواته *** ضعيف راي و كلمته ما تجديه
واحد لبس ثوب الراجل بذاته *** و أسعد عين اللي من الضيق ناصيه
واحد صميدع يربك بألتفاته *** حر مطاليعه عن الناس تغنيه
وهحد يضيع صيدته من عماته *** لا وا خسارة من ترجي يعشيه
واحد زرع ما نال غير الحتاته *** الحظ واقفن له ماديه
واحد قطف ورد الزم و ثمراته *** باب البخت مفتوح دايم يناديه
واحد تساوي في حياته مماته *** واحد يموت و طيّب الر يحييه
الوقت لو يومي عليك بعصاته *** ما هي غريبة منه هذي مماشيه
يا بوي هات الي يجي منك هاته *** راضي بالي تكنه و تخفيه
( منقول )
أتمنى أن تنال إعجابكم 